Цаг үе
2021.05.04 08:05

УОК: Тавдугаар сарын 8-наас томоохон худалдааны төвүүдийг нээхгүй, долоо хоног сунгахаар төлөвлөж байна


Улсын онцгой комиссоос хөл хорионы дэглэмийг тавдугаар сарын 8-наас үе шаттайгаар сулруулахаар төлөвлөөд буй. Тус комиссын Ажлын зөвлөл эхний байдлаар журмын төслийг боловсруулж байгаа бөгөөд хөл хориог бүрэн сулруулахгүй байх хувилбарыг ярьжээ.

Учир нь өдөрт нэмэгдэх тохиолдлын тоо буурахгүй байгаа тул бүх үйл ажиллагааг зэрэг нээх нь эрсдэлтэй гэж үзсэн байна. Тодруулбал, УОК-оос том худалдааны төвүүдийг энэ сарын 8-аас нээхгүй, дахин долоо хоног сунгах саналыг гаргаад байгаа аж. Харин үсчин, гоо сайхан зэрэг үйлчилгээний газрыг нээхээр төлөвлөжээ.

Цаашид халдварын тохиолдлоос шалтгаалан үйлчилгээний газруудыг үе шаттай нээх санал гаргажээ. Эл асуудлыг маргааш Засгийн газрын хуралдаанаар батлуулах аж. Өнөө орой УОК-ын Ажлын зөвлөл дахин хуралдах юм байна.

Онцлох нийтлэлүүд