ӨДРИЙН СОНИН ҮНЭНИЙГ ХЭЛНЭ
Нийгэм
2018.09.12 12:09

Ууланд төөрсөн бүсгүйчүүдийг олж, цагдаагийн байгууллагад хүлээлгэн өгчээ

Энэ сарын 11-ний өдрийн 19:39 цагт Нийслэлийн онцгой байдлын газарт “Богдхан” ууланд хоёр хүн төөрсөн тухай дуудлага иржээ. Тус дуудлагын дагуу Нийслэлийн Онцгой байдлын газрын Аврах ангийн 5 алба хаагч, 1 техник хэрэгсэлтэйгээр 8 км зам туулан 20:21 цагт эрлийн ажиллагааг эхлүүлсэн байна.

Эрлийн багийнхан “Богдхан” уулын “Дугуй цагаан” гэдэг газраас иргэн Х /18 настай, эмэгтэй/, М /18 настай, эмэгтэй/ нарыг даарч, бээрсэн байдалтай байсныг олж, анхны тусламж үзүүлэн, улмаар цагдаагийн байгууллагад хүлээлгэн өгчээ.

Энэ сарын 8-ны өдрийн 20 цагийн орчим Булган аймгийн Сэлэнгэ сумын Таримал багийн “Дээд-Үзүүр” гэдэг газар /сумын төвөөс баруун хойд зүгт 2,5 км-т/ тус сумын харьяат иргэн Б /64 настай, эрэгтэй/ сураггүй болсон тухай дуудлагыг есдүгээр сарын 11-ний өдрийн 10:15 цагт хүлээн авчээ.

Тус дуудлагын дагуу Булган аймгийн Онцгой байдлын газрын 6 алба хаагч, орон нутгийн 24 иргэн, ар гэрийнх нь 25 хүн, нийт 55 хүн, 7 автомашин, 2 завь, 3 мотоцикль, 2 морьтойгоор эрэн хайх ажиллагааг зохион байгуулж, есдүгээр сарын 11-ний өдрийн байдлаар осолдсон газраас “Хараагийн-Эрэг” гэдэг газар хүртэл “Сэлэнгэ” мөрний усаар 15 км-т, голынхоо эргээр 16 км-т самналт хийж, үзэгдэх орчин хязгаарлагдсан тул 20:00 цагт түр зогсоосон байна.


Онцлох нийтлэлүүд