ӨДРИЙН СОНИН ҮНЭНИЙГ ХЭЛНЭ
Спорт
2018.04.25 11:04

ФИЛАДЕЛЬФИ 76 хоёрдугаар шатанд шалгарлаа


Дорнод бүсийн гуравдугаар байраар плэе оффд шалгарсан Филадельфи 76 болон Майами Хит багуудын цувралын тав дахь тоглолт “Уэльс Фарго” центрт болж өндөрлөлөө.

Тоглолтын эхний хагас эн тэнцүүхэн өндөрлөсөн ч гуравдугаар үеээс талбайн эзэн Филадельфи 76 илүүрхэж 14 онооны тэргүүлэл авч үүнийгээ төгсгөл хүртэл хадгалснаар үндсэн цагт 104:91-ээр буулгаж авсан юм.

Энэ өдөр талбайн эздээс ЖЖ Рэдик 27 оноо, Жоел Эмбийд 19 оноо 12 самбар, Бэн Симмонс 14 оноо 10 самбар 6 оновчтой дамжуулалт өгч багаа ялалтад хөтөлсөн юм.

Ингэснээр Филадельфиа цуврал тоглолтод 4:1-ээр илүүрхэж хоёрдугаар шатанд шалгарлаа

Тэд хамгийн сүүлд 2012 онд Дорнод бүсийн нэгээр шалгарсан Бостон Селтиксийг ялж хоёрдугаар шатанд шалгарч Майами Хитд хожигдож байсан билээ.

Филадельфи 76 баг хоёрдугаар шатанд Бостон Сэлтикс Милоуки Бакс багуудын ялсантай нь тоглох болно.

О.ДАШНЯМ

Онцлох нийтлэлүүд