ӨДРИЙН СОНИН ҮНЭНИЙГ ХЭЛНЭ
Гадаад
2018.09.05 06:09

Филиппиний Себу мужийн Ронда хотын дарга Мариано Бланко амиа алджээ


Филиппиний Себу мужийн Ронда хотын дарга Мариано Бланко амиа алдсан талаар “www.khaleejtimes.com” сайт мэдээллээ.

Хотын дарга өрөөндөө байхад нь зэвсэглэсэн этгээдүүд дайран орж иржээ. Улмаар хотын дарга руу хэд хэдэн удаа буудсан гэнэ.

Уг хэрэг өчигдөр 18.25 цагийн орчимд болжээ. Хотын даргыг эмнэлэгт хүргэсэн боловч амиа алдсан гэнэ.

Хэрэгтнүүд дөрвүүлээ байсан ба тэднийг орон даяар эрэн сурвалжиж эхэлжээ.

Филиппинийн Ерөнхийлөгч Родриго Дутерте хэдэн сарын өмнө харамсалтайгаар амиа алдаад буй хотын дарга Мариано Бланког хар тамхины бүлэглэлтэй холбоотой хэмээн буруутгаж байв. 2017 онд цагдаагийнхан хотын даргыг мансууруулах бодис худалдаалсан хэмээн буруутгасан ч нотлох баримт хангалтгүй байсан учир суллажээ.

Хотын дарга нар гэмт этгээдүүдийн золиос болох нь элбэг. Өнгөрөгч долоодугаар сард Танаван хотын дарга Антонио Халили, Нуэва-Эсиха мужийн Кабанатун хотын дарга Тинио Фердинанд Боте амиа алджээ

Онцлох нийтлэлүүд