ӨДРИЙН СОНИН ҮНЭНИЙГ ХЭЛНЭ
Спорт
2020.01.16 11:01

“Футзалын Охидын цом”-ын тэмцээн гурав дахь өдрөө үргэлжилж байна

Монголын Хөлбөмбөгийн холбооны Футзалын ордонд 13 хүртэлх болон 15 хүртэлх насны “Футзалын охидын цом”-ын тэмцээн үргэлжлэн явагдаж байна. Энэ сарын 14-нд эхэлсэн уг тэмцээний 15 хүртэлх насны ангилалын хэсгийн шатны сүүлийн тоглолтууд өнөөдөр явагдана. “А” хэсэгт багтан тоглож буй Ховд Вестерн болон Ганзам 20 багууд хэсгээс шалгарах эрхээ аваад байгаа бөгөөд өнөөдрийн тоглолтонд хожсон баг нь хэсгээ тэргүүлэх юм. Харин “В” хэсгээс Шинэ Яармаг баг хасагдах шатнаа шалгараад байгаа бол Хоромхон болон Хад багуудын хожсон нь хэсгээсээ шалгарах билээ. “С” хэсгийг Дэрэн тэргүүлж, өнөөдөр тоглох Архангай болон Монголын Тэмүүлэл багуудын хожсон нь хасагдах шатанд тоглох эрхтэй болно. Харин “D” хэсгийн хувь заяа Арвис болон Туулын том тулнууд багуудын тоглолтоос хамааран шийдэгдэх юм.


Мөн өнөөдөр “Футзалын охидын цом”-ын тэмцээний 13 хүртэлх насны ангилалд өрсөлдөж буй багууд гурав дахь тоглолтоо хийх болно. Энэ ангилалд зургаан баг тойргийн журмаар өрсөлдөж буй юм. Уг тэмцээн энэ сарын 19-нийг хүртэл Монголын Хөлбөмбөгийн холбооны футзалын ордонд үргэлжилнэ.


У.ЧИНЗОРИГ

Онцлох нийтлэлүүд