Гадаад
2014.11.29 12:11

Хонконгт 28 хүнийг баривчилжээ

Хонконгт ням гаригт шилжих шөнө жагсагчид болон цагдаа нарын хооронд мөргөлдөөн гарчээ. Үймээний үеэр арав гаруй хүн бэртэл авсны найм нь цагдаагийн ажилтан аж. Мөн цагдаа нар радикал үзэлтэн 28 хүнийг саатуулжээ. Сүүлийнхоёр сарын хугацаанд оюутнууд ардчилсан сонгууль явуулахыг шаардан жагсаал зохион байгуулсан. Тэд хотын төв талбайд майхан босгож, хаалт бэхэлгээ барьсан байв. Гурван өдрийн өмнө жагсагчдын барьсан хаалт бэхэлгээг цагдаа нар нураасны дараа хот нэг хэсэгтээ намжмал байдалтай байж, төрийн байгууллагууд хэвийн горимын дагуу ажиллах болсон. Гэвч оюутнууд ийнхүү дахин эсэргүүцлээ илэрхийлж эхэллээ. Радикаль үзэлтэй бүлэг залуусыг тараах үүднээс цагдаа нар резинен бороохой, нулимс асгаруулагч хий ашиглажээ. Мөн хэв журам сахиулагчид Монгкок дүүрэгт хяналтаа чангатгаад байна. Хамгийн сүүлийн мэдээгээр эсэргүүцлийн цуглаан анх гарснаас хойш одоогоор 169 идэвхтэн хоригдож байгаа юм байна.

Онцлох нийтлэлүүд