ӨДРИЙН СОНИН ҮНЭНИЙГ ХЭЛНЭ
Улс төр
2017.04.20 02:04

ХО-ын банк хязгааргүй ашгийг хязгаарлана

УИХ-ын чуулганы нэгдсэн хуралдаанаар Хөрөнгө оруулалтын банкны тухай хуулийн төслийг хэлэлцээд гишүүдийн 81.4 хувиар дэмжин анхны хэлэлцүүлэгт бэлтгүүлэхээр УИХ-ын Эдийн засгийн байнгын хороонд шилжүүллээ.

УИХ-аас Хөрөнгө оруулалтын банкны тухай хууль батлагдсан нөхцөлд өнөөдрийн арилжааны банкуудаас олгож байгаа өндөр зээлийн хүү буурах, хязгааргүй ашиг олдог байдлыг хазаарлана гэж үзэх гишүүд байгаа ч хэлэлцүүлгийн шатанд анхаарах асуудал байгааг ч тодотгов. Тухайлбал, хөрөнгийн зах зээлийг хөгжүүлэхэд Хөрөнгө оруулалтын банкны тухай хуулийг уяж өгөх, ипотекийн зээлийн санхүүжилтийн эх үүсвэрийг босгоход ашиглах, арилжааны банкуудтай өрсөлдөж мэдэхээр байгаа зарим салаа утгатай заалтуудыг засах зэрэг санал дэвшүүлэв.

Одоо УИХ-ын чуулганы үдээс өмнөх хуралдааныг завсарлуулаад байна.

Чуулганы үдээс хойших хуралдаан 15.00 цагаас үргэлжилнэ.


Онцлох нийтлэлүүд