ӨДРИЙН СОНИН ҮНЭНИЙГ ХЭЛНЭ
Булангууд
2018.08.01 06:08

“Хуавей” компани ухаалаг гар утасны борлуулалтаараа “Apple” компанийг гүйцэв

Хятадын ухаалаг утас үйлдвэрлэгч “Хуавей” компани ухаалаг гар утасны борлуулалтаараа “Apple” компанийг анх удаа гүйцэж, дэлхий даяар хамгийн олон утас борлуулсан компаниудын хоёрдугаарт жагссан байна.

“Хуавей” компани өнгөрсөн улиралд 54 сая гар утас борлуулсан нь өмнөх оны мөн үетэй харьцуулахад 40 хувиар өссөн үзүүлэлт болсон байна. Энэхүү тоо нь “Apple” компанийг ардаа орхиход хангалттай байсан хэдий ч ухаалаг гар утасны борлуулалтаараа тэргүүлэгч “Самсунг” компанийн 70 сая утас борлуулсан амжилтад хүрэхэд нэлээд дутсан ажээ. Ингэхдээ “Самсунг” компанийн өнгөрсөн улирлын борлуулалт өнгөрсөн оны мөн үетэй харьцуулахад 10 хувиар буурсан байна.

Хятад улс нь цахим орчноос хаалттай байдаг хэдий ч “Хуавей” компани нь ухаалаг гар утасны борлуулалтын зах зээлд хоёрдугаар байрыг эзэлж чадсан байна. Мөн тус компани нь утасгүй технологийн шинэ үе болох 5G технологийг хөгжүүлэхээр ажиллаж буй цөөн хэдэн компаниудын нэг билээ.

Онцлох нийтлэлүүд