ӨДРИЙН СОНИН ҮНЭНИЙГ ХЭЛНЭ
Нийгэм
2018.02.15 03:02

Хуурамч мөнгөн дэвсгэртээс сэрэмжлүүлж байна

Image result for Хуурамч мөнгөн дэвсгэртээс сэрэмжлүүлж байна

Сүүлийн хоёр гуравхан хоногт хуурамч мөнгөн дэвсгэртээр гүйлгээ хийхийг завдлаа гэх дуудлага мэдээлэл хэд хэд ирсэн талаар албаны эх сурвалж мэдээлж байна. Тиймээс сар шинийн баяртай холбоотой худалдаа наймаа ид өрнөж байгаа үед иргэд болон худалдаа эрхлэгчдийг анхаарал болгоомжтой байхыг анхааруулж байна.

Тухайлбал хоёрдугаар сарын 14-ний шөнийн 01:40 цагийн үед Баянгол дүүргийн есдүгээр хороонд үйл ажиллагаа явуулдаг “М” караокед хуурамч мөнгөөр гүйлгээ хийхийг завдлаа” гэсэн мэдээллийг Баянгол дүүрэг дэх цагдаагийн хоёрдугаар хэлтсийн жижүүрийн шуурхай удирдлагын бүрэлдэхүүн хүлээн авсан байна. Үүний дагуу холбогдох алба хаагчид ажиллагааг хийж шалгахад тус караокед үйлчлүүлж байсан Сонгинохайрхан дүүргийн гуравдугаар хороонд оршин суух 28 настай эрэгтэй “А” нь хуурамч 20.000 төгрөгийн дэвсгэртээр гүйлгээ хийхийг завдсаныг холбогдуулан шалгаж байна.Хуурамч мөнгөн тэмдэгт, үнэт цаасыг бэлтгэсэн, ашигласан тохиолдолд эрүүгийн хариуцлага хүлээнэ.

Онцлох нийтлэлүүд