ӨДРИЙН СОНИН ҮНЭНИЙГ ХЭЛНЭ
Нийгэм
2015.01.13 01:01

Хүүхдээ тэврээд амиа хорлохыг завджээ

Баянгол дүүргийн арванхоёрдугаар хороо, VI бичил хорооллын байрны тагтан дээрээс хүүхдээ тэвэрсэн бүсгүй үсэрч амь насаа хорлохыг өчигдөр завдсан байна. Дуудлагын дагуу нийслэлийн Аврах ангийн аврах салбарын бүлгийг очиход сэтгэцийн өвчтэй 31 настай эмэгтэй, зургаан настай хүүхдийн хамт тагтан дээрээс үсрэх гэж байсныг шуурхай ажиллан аюулгүй буулгаж амь биеийг нь аварчээ.

Ерөнхий боловсролын сургуулийн сурагчдын амралт үргэлжилж байгаатай холбогдуулан бага насны хүүхдийг хяналтгүй гэрт нь үлдээхгүй байх, гэр, орон сууцны галын аюулгүй байдлаа хангаж, ахуйн хүрээний осол гэмтлээс сэрэмжтэй байхыг НОБГ-аас анхааруулж байна.

Онцлох нийтлэлүүд