ӨДРИЙН СОНИН ҮНЭНИЙГ ХЭЛНЭ
Нийгэм
2014.06.10 02:06

Цагаан будаа 2000 төгрөгийн үнэтэй байна

Дэнжийн 1000 дахь “Шонхор” худалдааны төвд зарагдаж буй хүнсний бүтээгдэхүүний үнийг сонирхлоо. Тус захад “Алтан тариа”, “Улаанбаатар”, “Милл хаус”, “Атар” зэрэг компанийн нэгдүгээр гурил 25 кг нь 21000-22000 үнэтэй бол кг нь 880-900 төгрөгийн үнэтэй. Хоёрдугаар гурил 750-800 төгрөгийн үнэтэй. Харин цагаан будаа 25 кг нь 48000 төгрөг бол нэг кг нь 2000 төгрөгийн үнэтэй байна. элсэн чихэр кг нь дунджаар 1600 төгрөгийн үнэтэй. Хөц будаа кг нь 1500 төгрөг, гурвалжин будаа-2000 төгрөг юм байна.  Харин шар будаа 1700 төгрөг бол савхан болон 5 кг-аар савласан гоймонгууд 2600-3000 төгрөгийн үнэтэй худалдаалагдаж байна. Тэгвэл наран цэцгийн буюу ургамалын тос үйлдвэрээсээ хамаарч мөн л 2600-3000 төгрөг ажээ. Давс нэг кг нь 500 төгрөг бол 500 грамм нь 250 төгрөг гэж байна. 

Э.Анужин 

Онцлох нийтлэлүүд