Монголд өдрийн сонин л үнэнийг хэлж чаддаг
Улс төр
2017.01.12 12:01

Ц.Нямдорж гишүүн Ерөнхийлөгчийг хугацаанаас нь өмнө огцруулах хөдөлгөөн өрнүүлье гэв

Өнөөдрийн УИХ-ын чуулганы нэгдсэн хуралдааны эхэнд Ц.Нямдорж гишүүн өчигдрийн сэтгүүлчидтэй уулзсан Ерөнхийлөгчийн уулзалтын талаар өөрийн санал бодлоо илэрхийлэв.

Тэрбээр “Өчигдөр Ерөнхийлөгч Ц.Элбэгдорж утааны асуудлаар сэтгүүлчидтэй уулзахдаа “Улаанбаатарыг ашиггүй, ирээдүйгүй хот болсон байна, Улаанбаатарт битгий хөрөнгө оруулалт хий” гэж зарласан байна. Төрийн толгойд найман жил суучихаад ийм ярьж болдог юм байх даа. Үндэсний аюулгүй байдлын зөвлөлд утааны асуудал ярьсан юм уу хаашаа юм бэ, энэ хүнийг ер нь хугацаанаас нь өмнө буулгахгүй бол болохгүй юм байна. Ингэж гурван сая ард түмний нийслэлийг доромжилж болох уу. Энэ үндэсний эв нэгдлийг хангагч, улсын тэргүүн гэсэн нь хаачихсан бэ, би УИХ-ын гишүүдэд уриалж байна, энэ нөхрийг огцруулах хөдөлгөөн өрнүүлье. Алийн болгон энэ хүнээр ингэж доромжлуулж явах юм бэ, би ийм горимын санал гаргаж байна. Ингэж улсаа доромжилдог төрийн тэргүүн байж болох уу, харийн хүн хэлсэн биш” гэв.

О.ӨНӨР

Онцлох нийтлэлүүд