ӨДРИЙН СОНИН ҮНЭНИЙГ ХЭЛНЭ
Нийгэм
2014.11.30 04:11

Шагайн харваа ЮНЕСКО-д бүртгэлтэй боллоо

Монголчуудын эртнээс наадаж ирсэн шагайн харвааг НҮБ-ын Боловсрол, шинжлэх ухаан, соёлын байгууллага (ЮНЕСКО) албан ёсоор бүртгэж авчээ.

Францын Парис хотод энэ сарын 24-28-нд тус байгууллагын Соёлын биет бус өвийн конвенцийн Засгийн газар хоорондын Есдүгээр ээлжит хуралдаан болсон бөгөөд манай улсаас нэр дэвшүүлсэн шагайн харвааг дийлэнхийн саналаар бүртгэсэн байна.

ЮНЕСКО шагайн харвааг хадгалж хамгаалах талаар тодорхой стратеги боловсруулж, хөгжүүлж олонд таниулах талаар Монгол Улсын Засгийн газарт зөвлөмж хүргүүлжээ. Шагайн харваа нь ЮНЕСКО-гийн биет бус соёлын өвд Монгол Улсын бүртгүүлсэн 12 дахь өв болж байгаа аж.

Засгийн газар хоорондын хорооны хуралдаанд Монголыг төлөөлж Элчин сайд, Байнгын төлөөлөгч М.Батсайхан тэргүүтэй төлөөлөгчид болох ЮНЕСКО-гийн Монголын Үндэсний комиссын Ерөнхий нарийн бичгийн дарга Г.Жаргалсайхан, Элчин зөвлөх Д.Далайжаргал, Хөшөө дурсгал хамгаалах монголын нийгэмлэгийн ЕНБД Н.Уртнасан, ССАЖЯ-ны харъяа Соёлын өвийн төвийн Биет бус соёлын өвийн мэргэжилтэн А.Саруул нар оролцов. - See more at: http://mobile.time.mn/mcontent/51660.shtml?s=society#sthash.cD5b2W8M.dpuf

Онцлох нийтлэлүүд