ӨДРИЙН СОНИН ҮНЭНИЙГ ХЭЛНЭ
Нийгэм
2020.01.16 01:01

Э.Баярхүү: Надад болон миний гэр бүлийн гишүүдэд эрүүл мэнд, амь насанд нь аюул учирвал Д.Батлут болон түүний бүлэглэл хамаатай


Орхон аймгийн иргэн Э.Баярхүү мэдэгдэл хийлээ.

Тэрээр Улсын хэмжээнд МАНАН бүлэглэл, шудрага бусын хонгил нурж байна гэж ойлгож байгаа гэтэл Д.Батлут гэх хүн Орхон аймагт шудрага бусын хонгил ухаад байна. Өөрийнх нь эсрэг дуугарсан, үзэл санаа нийлдэггүй хүмүүсийг тэр хонгилдоо хийдэг хэмээв.

Би өнөөдрийг хүртэл албаныхныг ёс зүйтэй байлгах гэж тэмцэл хийж ирсэн. Сүүлийн дөрвөн жил Орхон аймагт болсон бүх зүйлийг би мэднэ. Д.Батлут нь засаг дарга болсноосоо хойш автомашинаа сольсон үүнийг би хууль зөрчсөн байх магадлалтай гэж үзэж АТГ-т шалгуулсан. Үүний төлөө намайг цахим хэрэгслээр хүн хутгалсан хэмээн гүтгэж, сураггүй алга болсон гэх мэдээллүүдийг олон нийтэд тараасан. Надад зорилгоо хаяад явах шаадлага байхгүй. Орхон аймгийн засаг дарга Д.Батлут намайг “Чи өөрийнхөө амьдрал ирээдүйгээр тоглож байна. Ингээд байвал шоронд явуулна шүү” хэмээн сүрдүүлсэн.

Шудрага явахын төлөөс нь эцэг эх, үр хүүхдийн нулимс байдаг юм байна. Намаар дамжин төрд орж ирсэн хүмүүсийг онцгой анхаараад өгөөч хэмээн нулимс туслуулан ярьж байсан юм.

У.МӨНХ-ЭРДЭНЭ

Онцлох нийтлэлүүд