ӨДРИЙН СОНИН ҮНЭНИЙГ ХЭЛНЭ
Нийгэм
2019.10.10 04:10

"ЮБИКАБ" ХХК-ийн үүсгэн байгуулагч Н.Отгонбаяр: Нийтийн тээврийн салбарт бодлого зохицуулалт үгүйлэгдэж байна


"ЮБИКАБ" ХХК-ийн зүгээс компанийн үйл ажиллагааны талаар болон нийтийн тээвэрт тулгамдаж буй асуудлуудын талаар өөрсдийн байр суурийг илэрхийлэн мэдэгдэл хийлээ.

ЮБИКАБ ХХК Захирал Н.Отгонбаяр: “Улаанбаатар хотын нийтийн тээврийн өдрүүд энэ өдрүүдэдтохиож байна. 1.5 сая хүн амтай Улаанбаатар хот 1000 автобус 500 гаруй албан ёсны такситайгаар ойгоо тэмдэглэж байна. Статистик мэдээллээр хотын 1000 автобусны 80 хувийн насжилт дуусаж байгаа, таксины тал хувийнх нь насжилт ирэх жил дуусна.

Үйл ажиллагаа явуулж байгаа такси компани арав байсан бол энэ жил найм болж буурах төлөвтэй байна. Энэ нь нийтийн тээврийн салбарт бодлого зохицуулалт санаачилга үгүйлэгдэж байгаагийн тод жишээ юм. Цаашид нийтийн тээврийн салбарт дорвитой алхам хийхгүй бол тээврийн хэрэгцээгээ хангах гэж хувийн унаа нэмж авсаар байвал тун удахгүй “0” зогсолт хийхийг Тээврийн цагдаагийн албанаас сануулсаар байна.

Нийтийн тээврийн хөгжил гэхээр метро, тусгай замын автобус гэсэн том төсөв хөрөнгө шаардах холын зорилт ярьдаг ч эхний ээлжинд хийж чадах гарц боломж бол хувийн хэвшлийн оролцоотойгоор албан ёсны такси үйлчилгээний тоог нэмэгдүүлэх зорилгоор хамтран ажиллах түншлэх алхам юм. Гэтэл өмчийн хэлбэрээр ялгаварласан заалтаас болж такси үйлчилгээ эрхлэх компанийн тоо жилээс жилд буурч байгаа төдийгүйнэгдүгээр эгнээгээр зорчих эрхийг хувийн машинуудад олгох, албан ёсоор такси үйлчилгээ эрхлэх гэхээр Нийслэлийн нийтийн тээврийн газартай тээвэрлэлтийн гэрээбайгуулсан такси компаниудад сар бүр 50000 төгрөгийн хураамж төлж байж нэгдүгээр эгнээгээр зорчих эрх авдаг гажууд тогтолцоо бий болоод удаж байгаа учир жолооч нар албан ёсоор таксиүйлчилгээ эрхэлж, хэрэглэгчдэд шуурхай үйлчлэхэд хүндрэл гарч байна.

Иймд такси үйлчилгээ эрхлэгч жолооч нар болон такси дуудлагын үйлчилгээний мобайл аппликэйшн UBCAB-ийг хөгжүүлэгч ЮБИКАБ ХХК тай хамтран хоршоо байгуулж, Улаанбаатар хотын иргэдэд стандартын шаардлага хангасан такси үйлчилгээний чанар, хүртээмжийг нэмэгдүүлэхээр ажиллаж байна.

ЮБИКАБ ХХК нь зөвхөн албан ёсны бүртгэлтэй такси болон жолооч хэрэглэгчид үйлчлэх, тариф удирдлагын нэгдсэн системтэй, түргэн шуурхай, найдвартай, 24 цагаар ажилладаг такси дуудлагын аппликэйшнийг нэвтрүүлж такси үйлчилгээнд технологийн дэвшлийн шинэ үеийг нэвтрүүлж, амжилттай хэрэгжүүлж байгаацорын ганц үндэсний компани юм. Улаанбаатар, Дархан, Эрдэнэт, Чойбалсан, Өлгий, Ховд, Даланзагад, Цогтцэций, Мөрөн хотуудад амжилттай нэвтрүүлсэн.

Мөн ЮБИКАБ-д бүртгүүлсэн жолооч нар 24 цаг дуудлагаар хангагддаг, хий холхиж бензин гарздахгүй, сул зогсож, хүн хайж холхих шаардлагагүй болсон. Дээрээс үйлчлүүлэгч маань төлбөрөө өөрийн хүссэн бүх төрлөөр төлөх боломжтой байдаг нь бидэнд ч амар хялбар байдаг” гэлээ.

Анх 600 мянган хүн амтай байхаар төлөвлөгдсөн Улаанбаатар хотод өнөөдөр 1.5 сая хүн төвлөрөн суурьшдаг. 2019 оны байдлаар Улаанбаатар хотод 500 мянган автомашинболон өөрөө явагч тээврийн хэрэгсэл бүртгэлтэй байна.

Энэ нь 0 настай нярайгаас эхлээд хотын бүх хүнийг оролцуулаад 3 хүн тутамд нэг тээврийн хэрэгсэл ноогдож байна гэсэн үг. Айл болгон автомашинтай байх хэрэгцээ шаардлага үүссэн шалтгаан бол нийтийн тээврийн хүртээмжтэй шууд холбоотой.

М.Болор-Оюун

Онцлох нийтлэлүүд