ӨДРИЙН СОНИН ҮНЭНИЙГ ХЭЛНЭ
Соёл урлаг
2017.01.09 04:01

Яруу найргийн шилдэг бүтээлийн төрөлд “Таслал” ном “Алтан өд” хүртлээ

Монголын зохиолчдын эвлэлээс уламжлал болгон зохион байгуулдаг “Алтан өд” наадам өнөөдөр болж байна. Энэхүү наадам МЗЭ үүсгэн байгуулагдсаны 88 жилийн ойтой давхцаж байгаа бөгөөд 2001 оноос хойш утга зохиолын хамгийн өндөр дээд шагнал гардуулах ёслол болж ирсэн билээ. Нийт есөн номинациар “Алтан өд”-ийн эздээ шалгаруулдаг.Энэ жил яруу найргийн төрөлд 30-аад бүтээл, үргэлжилсэн үгийн богино хэмжээний 10 гаруй бүтээл иржээ.

Наадмын яруу найргийн төрөлд 50 гаруй уран бүтээлч өнгөрсөн онд хэвлэгдсэн номоороо өрсөлдсөн бөгөөд яруу найрагч Я.Баяр “Таслал” номоороо уг шагналын эзэн болсон байна. Тэрээр шинэхэн номоо өлгийдөж аваад удаагүй байхдаа ийнхүү хүндтэй шагналын эзэн боллоо. Шагналыг УИХ-ын гишүүн Г.Мөнхцэцэг гардуулан өгөв.


Онцлох нийтлэлүүд