ӨДРИЙН СОНИН ҮНЭНИЙГ ХЭЛНЭ
Нийгэм
2018.09.12 12:09

Өмнөговь аймгийн малчид уул, уурхайн компаниудыг засмал замаа тавихыг шаардан жагсч байна

Өмнөговь аймгийн Гурвантэс, Ноён, Баяндалай сумын иргэд малын бэлчээрээ хамгаалахын тулд Даланзадгад сумаас 150 км-т орших “Хөнхөр хацавч” гэх газарт уул уурхайн хүнд даацын авто машины хөдөлгөөнийг хааж, эсэргүүцлээ илэрхийлээд найм хонож байна. Учир нь, дээрх гурван сумын нутаг дэвсгэрт “Монголын алт компани”, “Өсөх зоос”, “Нарийн сухайт Чинхау МАК”, “Өмнийн говийн элс”, “Жавхлант орд”, “Тера энержи” зэрэг уул уурхайн компани үйл ажиллагаагаа явуулдаг юм байна.

Уул уурхайн хүнд даацын авто машинууд арван жилийн хугацаанд дуртай газраараа явж өнөөдрийн байдлаар 20 гаруй км-ийн өргөнтэй 40 гаруй салаа замыг бий болгожээ. Энэ бүхний балгаар малын бэлчээрийн даац хомсдож, нутгийн иргэд ч амьдрах нөхцөлгүй байдалд хүрээд байна. Тиймдээ ч дээрх гурван сумын иргэд нийлэн эсэргүүцлийн хөдөлгөөн өрнүүлж, уул уурхайн компаниудаас замаа тавихыг шаардаж байгаа аж. Гэвч уул, уурхайн компанийн удирдлагууд нутгийн малчдын шаардлагыг хүлээн авахгүй, янз бүрийн үгээр доромжилж эхэлсэн байна.



Онцлох нийтлэлүүд