ӨДРИЙН СОНИН ҮНЭНИЙГ ХЭЛНЭ
Спорт
2018.03.14 05:03

3х3 сагсан бөмбөгийн шигшээ баг Азийн аваргын хэсгийн шатанд Катар, Тайванийн багтай өрсөлдөнө


Өнгөрсөн аравдугаар сард манай оронд болсон 3х3 сагсан бөмбөгийн Азийн АШТ-д амжилттай оролцож түрүүлсэн Монголын эрэгтэй шигшээ баг БНХАУ-ын Шензен хотод ирэх дөрөвдүгээр сарын 29-нөөс тавдугаар сарын 1-нд болох Азийн АШТ-д оролцоно. Тэмцээнд эрэгтэй 22, эмэгтэй 18 баг өрсөлдөхөөр бүртгүүлсэн ч хэсэг тус бүрт гурван баг өрсөлдөх бөгөөд 12 баг Азийн АШТ-д хүч сорих юм. Өнгөрсөн оны арваннэгдүгээр сарын 1-ний байдлаар тивдээ чансаагаар эхний 10-т багтсан багууд оролцох эрхээ авсан бол бусад 12 баг үлдсэн хоёр эрхийн төлөө нэмэлт тоглолт хийх юм.

Монголын шигшээ баг “А” хэсгийг тэргүүлэх бол зохион байгуулагч орон БНХАУ “B” хэсгийг толгойлох аж. Харин бусад хоёр хэсгийг Япон, Казахстаны эрэгтэй баг тэргүүлнэ. Манай сагсчид хэсэгтээ Катар, Тайванийн багтай учраа таарах бөгөөд БНХАУ-ын хэсэгт Киргызстан, Туркменистан, Японы хэсэгт Йордан, Казахстаны хамт Шинэ Зеланд багтжээ.

Гэхдээ хэсэг тус бүрт гурван баг өрсөлдөх бөгөөд 12 баг л Азийн АШТ-д хүч сорих юм. Өнгөрсөн оны арваннэгдүгээр сарын 1-ний байдлаар тивдээ чансаагаар эхний 10-т багтсан багууд оролцох эрхээ шууд халаасалсан бол бусад 12 баг үлдсэн хоёр эрхийн төлөө нэмэлт тоглолт хийх юм.


Аваргаа хамгаалах зорилготой Монголын шигшээ баг “А” хэсгийг тэргүүлэх бол зохион байгуулагч орон БНХАУ “B” хэсгийг толгойлох аж. Харин бусад хоёр хэсгийг Япон, Казахстаны эрэгтэй баг тэргүүлэв.

Манайхны хувьд хэсэгтээ Катар, Тайванийн багтай учраа таарах нь тодорхой болжээ. Харин БНХАУ-ын хэсэгт Киргызстан, Туркменистан багтав. Японы хэсэгт Йордан, Казахстаны хамт Шинэ Зеланд багтсан юм.

Харин “C” болон “D” хэсгийн гурав дахь эрхийн төлөө 12 баг өрсөлдөнө. Ирэх дөрөвдүгээр сарын 27-28-нд болох нэмэлт эрхийн төлөө “А” хэсэгт Шри Ланк, БНСУ, Малайз, Узбекистан, Вануату, Тайланд өрсөлдөх бол нөгөө хэсэгт Индонез, Австрали, Иран, Самоа, Гуам, Хонконгийн баг хүч сорино.

Эмэгтэйчүүдийн хувьд зохион байгуулагч орон БНХАУ “А” хэсгийг тэргүүлсэн. Тэдэнтэй Малайз, Шинэ Зеланд хэсгээсээ гарахын төлөө хүч үзнэ. Харин “B” хэсгийг Йордан тэргүүлж, Индонез, Тайванийн баг орсон юм. Харин үлдсэн хоёр хэсэгт Казахстан, Туркменистан болон Япон, Ираны баг оржээ.

Монголын эмэгтэй шигшээ багийн хувьд Казахстан, Туркменистантай хэсгийн шатанд өрсөлдөх эрхийн төлөө Узбекистан, Вануату, Хонконгтой нэмэлт тоглолт хийх бол нөгөө талд Шри Ланк, Австрали, Тайланд, Самоагийн багууд өрсөлдөнө.


Онцлох нийтлэлүүд