ЭНТЕРТАЙМЕНТ ЕРТӨНЦ
2017.06.02 03:06

“Big Bang” хамтлагийн дуучин Топ хамтлагаасаа гарч магадгүй

Солонгосын алдарт “Big bang” хамтлагийн дуучин 30 настай Топ буюу Чой Сэюн Хьюн хар тамхины төрлийн каннабис хэрэглэсэн тухай хэвлэл мэдээллийн хэрэгслүүдээр гарчээ.

Сөүл хотын цагдаагийн газрын Мансууруулах бодистой холбоотой гэмт хэргийг мөрдөх албанаас дөрөвдүгээр сард Топын үсэнд хийсэн шинжилгээний хариу эерэг гарч каннабис хэрэглэсэн нь тогтоогдсон гэж мэдэгдсэн байна. Мөн түүнийг өнгөрсөн оны аравдугаар сард хар тамхи хэрэглсэсэн ба 20 настай эмэгтэй дуучин А-г уруу татан хамт хэрэглэсэн тухай цагдаагийнхан хэлжээ.

Дуучин Топ цагдаагийн газар өгсөн мэдүүлэгтээ “Би электрон тамхи татсан. Тэрийг хар тамхины хольцтой байсныг мэдээгүй” хэмээжээ.

Түүний хэргийг мөрдөх ажиллагаа явагдаж байгаа бөгөөд урт хугацаанд үргэлжлэх магадлалтай учир түүний оронд шинэ гишүүн авах яриа гараад байгаа аж.

Мөрдлөгийн явцад хамтлагийн бусад гишүүд ч хар тамхи хэрэглэсэн байж болзошгүй баримтууд гарч иржээ.


Онцлох нийтлэлүүд