Цаг үе
2020.12.03 07:12

​“BLACKPINK” ХАМТЛАГИЙН ОНЦЛОХ 10 БАРИМТ


Дэлхий даяар тархсан k-pop давалгаанд Big Bang, 2NE1, T-Ara хамтлагуудын оргил үеийн дараачаас өнгөлөг дөрвөн охидын нэгдэл болох Blackpink хамтлаг тэсрэлт хийгээд байгаа.Уг хамтлаг нь k-pop сонирхогчдын дунд төдийгүй дэлхий нийтэд алдартай. Тэдний өнгө төрх, тайзны гүйцэтгэлийг үзсэн хүн бүр өөрийн эрхгүй дуу алддаг. Blackpink гэж хэн бэ гэдгийг илүү их мэдэхийг хүсч байна уу? Тэгвэл Blackpink-ийн онцлох 10 баримтыг хүргэе.


1.ХОЛИМОГ ГИШҮҮДТЭЙ


BLACKPINK тухай хамгийн анхны баримт бол тэд Jisoo, Jennie, Rose, Lisa нарын бүрэлдэхүүнтэй К-поп охидын хамтлаг юм. Эдгээр дөрвөн гишүүн хамтлагтаа өөр өөрийн үүрэгтэй. Хамтлагийн гишүүн Rose Шинэ Зеландад төрсөн бөгөөд Австралид амьдарч байсан бол Лиза Тайландын иргэн юм.

2. ТЭД 4-6 ЖИЛИЙН ХУГАЦААНД БЭЛТГЭГДСЭН


К-поп од болохын тулд дебют хийхээс өмнө дуу, тайзны бүжиг, жүжиглэх сургалтанд хамрагдаж, бэлтгэгдэнэ. Хамтлагийн гишүүд бүгд 4-6 жилийн хугацаатай сургалтанд хамрагдсан. Женни хамгийн удаан хугацаанд сургалтанд хамрагдсан гишүүн бөгөөд дараа нь Лиза, Жисоо, Роуз нар орно.

3.БҮГД АНГЛИ ХЭЛТЭЙ


Хоёр гишүүн нь гадаадад амьдардаг байсан учир нэгээс олон хэлээр ярьдаг нь гайхах зүйл биш юм. Rose Австрали, Шинэ Зеландад өссөн тул англи хэл бол түүний анхны хэл юм. Бэлтгэгдэхийнөмнө JennieШинэ Зеландад 5 жил сургуульд сурчээ. Лиза Тайландад өссөн бөгөөд аав нь Швейцарийн иргэн тул Англи хэлээр байнга харьцдаг байжээ.

4.YG ЭНТЕРТАЙМЕНТИЙН ЦОРЫН ГАНЦ ОХИДЫН ХАМТЛАГ


YG энтертаймент нь Солонгос дахь Kpop-ийн шилдэг гурван агентлагийн нэг юм. YG энтертайментийн алдартай охидын хамтлаг байсан 2NE1 нь 2009 онд анхны дэбютээ хийсэн боловч 2016 онд тарсан. 2NE1 салсны дараа Blackpink 2016 оны 8-р сард анхныхаа дебютээ хийсэн бөгөөд одоо YG Entertainment-ийн цорын ганц охидын хамтлаг болжээ.

5.BLACKPINK НЭРНИЙ УТГА


Энэ нэрийг сонгохоосоо өмнө хамтлагийг Pink Punk хэмээн нэрлэх гэж байжээ. Гэсэн хэдий ч дараа нь Blackpink болгон өөрчилсөн. Хар өнгө нь тэднийг хүчирхэг, дур булаам болохыг бэлгэддэг бол ягаан өнгө нь эмэгтэйлэг, дэгжин байдлыг илэрхийлдэг. Тиймээс Blackpink нь дур булаам, эмэгтэйлэг гэсэн утгатай.

6. ХАМГИЙН ОЛОН ШАГНАЛ ХҮРТСЭН ХАМТЛАГ


Дебютээ хийснээс хойш нэг жил орчмын дараа Blackpink олон хөгжмийн шагнал хүртэж, Өмнөд Солонгосын шилдэг охидын хамтлаг болжээ.Тэд дебют хийснээсээ хойш 13 хоногийн дараа Инкигаёо хөгжмийн хөтөлбөрийн цомыг хүртсэн юм.

7. ХАМГИЙН ТОМ ФЕН КЛУБТЭЙ


Тэднийг үнэнчээр дэмжих шүтэн бишрэгчид байхгүй бол яаж нэр алдарт гарах билээ?Blackpink-ийн фен клубын нэрийг хамлагийн нэрнээс авснаар Блинк гэдэг. Blackpink нь дэлхий даяар алдаршсан тул Blinks клуб ч бас алдартай.

8. ГАНЦХАН МИНИ ЦОМОГТОЙ


Blackpink-ийн энэхүү баримт нь үнэхээр гайхмаар. Учир нь 2016 оны 8-р сард дебют хийснээсээ хойш үргэлж бусад K-pop хамтлагуудын адил дижитал синглүүдийг цомоггүйгээр гаргаж ирсэн. 2018 оны 6-р сард эргэн ирснийхээ дараа л Blackpink 4 дуу бүхий мини цомог гаргасан. “Square Up” нэртэй цомог нь “Ddu-du-ddu-du” нэртэй тэргүүлэх титл дуутай бөгөөд гарсны дараа Солонгос болон олон улсын хөгжмийн чартуудыг амжилттай тэргүүлж чадсан юм.

9. ӨӨРСДИЙН РЕАЛИТИ ШОУТАЙ


Олон уран бүтээлчид камерын урд болон ард өөр өөр зан араншинтай байдаг. Тэгвэл тус хамтлагын хувьд гишүүдийн өдөр тутмын амьдралыг харуулдаг телевизийн реалити нэвтрүүлэгтэй. "Blackpink House" нэртэй нэвтрүүлэгтээ тэд эмэгтэйлэг, өхөөрдөм байдлаар гардаг.

10. YOUTUBE СУВАГТ ХАМГИЙН ОЛОН ДАГАГЧТАЙ ОХИДЫН ХАМТЛАГ


Blackpink-ийн хувьд YouTube сувагт одоогоор хамгийн олон захиалагчтай охидын хамтлагаар бүртгэгдэж байгаа бөгөөд үүгээрээ АНУ-ын Little Mix, Fifth Harmony хамтлагуудыг тэргүүлж байна. Эхний 24 цагийн дотор "Ddu-du-ddu-du" дууны видео клип хүртэл ойролцоогоор 36 сая хандалт авсан.

Ч.БИНДЭРЪЯА

Онцлох нийтлэлүүд