АТГ-аас сар бүр зохион байгуулдаг хэвлэлийн бага хурал боллоо. М.Энхсайханыг шүүхийн зөвшөөрөлгүй баривчилсан, “Жаст”-ын гэх Ш.Батхүүтэй холбоотой хэрэг болон “Эрэл”-ийн П.Эрдэнэбат нарын талаар тодрууллаа. Ерөнхий сайд асан М.Энхсайханыг баривчилсан талаар “Эрүүгийн хэрэг хянан шийдвэр тухай хуульд заасны дагуу шүүхийн зөвшөөрөлгүй баривчилсан. Хуулийн 1.3-т заасны дагуу гэмт хэрэг үйлдсэн хэмээн гэрч шууд заасан гэх үндэслэлээр прокурорын хяналтан дор баривчлах ажиллагаа явагдсан бөгөөд хууль зөрчсөн үйлдэл байхгүй. Мөрдөн шалгах ажиллагаа үргэлжилж байгаа гэсэн байна. Харин “Эрэл”-ийн П.Эрдэнбатад эрүүгийн хэрэг үүсгэсэн эсэх талаар “Хөгжлийн банкны зээлтэй холбоотой маш олон хэрэг олон жил дамжаад шалгагдаж байгаа. Тодорхой нэр, үйлдэл заасан мэдээлэл байхгүй учраас мэдээлэл өгөх боломжгүй байна” гэлээ.