УИХ-ийн гишүүн Ж.Батзандангаас тодрууллаа.

-Таныг Будапештад явж байхад МАН-ын бүлгийн 26 гишүүн дээр АН-аас та, “Шудрага ёс” эвслээс Л.Цог нар Ерөнхий сайдыг огцруулах тогтоолын төслийг өргөн барьсан. Ерөнхий сайдыг огцруулах тогтоолын төсөл дээр яагаад заавал сөрөг хүчинтэй гарын үсэг зурав?

– Ерөнхий сайдыг огцруулах хоёр тогтоолын төсөл явж байна. Нэг нь Ардчилсан намын 10 гаруй гишүүдийн гарын үсэг бүхий тогтоол байгаа юм. Нөгөөх тогтоолын төсөл нь МАН-ын бүлгийн 20 гарай гишүүний гарын үсэгтэй тогтоолын төсөл ордноор явж байна. Уг тогтоолын төслүүд эхнээсээ өргөн баригдаад явж байна л даа. Энэ нөхцөл байдлаас харвал УИХ-ийн 40 гаруй гишүүн Ерөнхий сайдад хариуцлага тооцъё гэдэг санал гаргаад байгаа. Эдгээрийн нэг нь миний бие л дээ.

– МАН-ын бүлгийн зүгээс өргөн барьсан тогтоолын төсөл дээр та гарын үсэг зурсан байсан. АН-ын гэгдээд буй өөр тогтоолын төсөл дээр мөн гарын үсгээ зураа юу?

– Тийм ээ. Тэр тогтоолын төсөл дээр ч гэсэн би гарын үсэг зурсан.

– Ерөнхий сайдыг огцруулах гол шалтгаан нь юу вэ. Таныг намынхаа эсрэг явж байна гэх юм?

– Ерөнхий сайдыг огцруулах олон шалтгаан байна. Ялангуяа Монгол Улсын Ерөнхий сайд Н.Алтанхуяг Үндсэн хуулийг удаа дараа уландаа гишгэж байгаа юм. Мөн Монгол Улсын эдийн засгийг элгээр нь хэвтүүллээ. Хоёрхон жилийн дотор Монгол Улсын эдийн засаг үндсэндээ гурав дахин уналаа. Иргэдийн худалдан авах чадвар эрс буурсан. Монгол Улсын өрийн хэмжээ ДНБ-ээсээ хоёр дахин их боллоо. Манай улсын нэг иргэн, өлгийтэй хүүхэд 6800 ам.долларын өрөнд орж байна. ӨӨөр нэг шалтгаан нь ҮЗХ намынхаа гишүүдтэй зөвшилцөхгүйгээр бусад намуудтай, намын удирдлагуудтай янз бүрийн гэрээ хэлэлцээрт гарын үсэг зурж байгаа явдал.Намын гишүүд удаа дараа шаардлага хүргүүлсэн боловч нэг ч удаа ч гэсэн бидний шаардлагыг хүлээж авсангүй. Өөр нэг шалтгаан нь ҮЗХ намынхаа гишүүдтэй зөвшилцөхгүйгээр бусад намуудтай, намын удирдлагуудтай янз бүрийн гэрээ хэлэлцээрт гарын үсэг зурж байгаа явдал. Эдгээр үндэслэлүүд нь Ерөнхий сайд Н.Алтанхуягт хариуцлага тооцох хангалттай үндэслэл гэж харж байгаа. Огцруулъя гэсэн гишүүдийн саналыг би хувьдаа бүрэн дэмжиж байна даа.

– МАН-ын бүлэг Ерөнхий сайдыг огцруулах үндэслэлүүдээ танилцуулсан. Тэр үндэсэллүүд буй юу. МАН-ын бүлгийн огцруулах үндэслэлүүд танд таалагдаагүй зүйл заалт байна уу?

– АН, МАН-аас Н.Алтанхуяг Ерөнхий сайдад хариуцлага тооцох 20 гаруй үндэслэлийг гаргаж тавьсан. Би уг үндэслэлүүдтэй санал нэг байгаа.

– Засгийн газрын бүрэлдэхүүнийг томилохгүй байгаагаас шалтгаалан улсын ажил гацаанд орчихлоо гэдгийг хүмүүс хэлж байна. Бушуухан хэлэлцэээд сайд нараа томилж болохгүй юм уу. Эсвэл сайд нарыг томилсны дараа Ерөнхий сайдыг огцруулах асуудад яригдахаар Засаг солигдож магадгүй гэсэн хүлээлтээс болж байна уу?

– Засгийн газрыг огцруулах, ажлаа хийж чадахгүй байгаа сайд нартаа хариуцлага тооцох нь ардчилалсан нийгэмд жирийн үзэгдэл. Японыг хар л даа. Шинзо Абэгийн Засгийн газар томилогдоод нэг сар ч болоогүй байгаа сайдуудынхаа заримд хариуцлага тооцоод явж байна. Хариуцлага ёс зүйтэй газар ийм л байдаг юм байна гэдгийг бүнд харлаа. Монголчууд тэндээс суралцах хэрэгтэй. Хариуцлаггүй дарга нараа хаацайлж үлддэг, худал үнэн шалтаг шалтгаан хэлж хариуцлагаас бултаж үлддэг ёс зүйгүй улс төрд төгсгөлийн цэгийг тавих хэрэгтэй..

Э.ЭНХ