ӨДРИЙН СОНИН ҮНЭНИЙГ ХЭЛНЭ
Нийгэм
2019.05.03 11:05

Амралтын ногоон бүсэд түймэр гарсан нь иргэдийн буруутай үйлдлээс үүдсэн байх магадлалтай


Дархан-Уул аймгийн Зулзагын голын ногоон бүсэд ойн түймэр гарчээ. Албаны эх сурвалжийн мэдээлж байгаагаар зугаалж явсан иргэдийн хайхрамжгүй байдлаас үүдэн гал гарсан байх магадлалтай гэлээ. Гал түймэр 300мкв талбайг хамарсан байна. Түймэр гарсан мэдээллээр аймгийн онцгой байдлын албаны нэг бүлэг очиход иргэд галыг нурманд оруулж унтраасан байжээ. Манай орны ихэнх нутгаар хуурайшилт их байна. Хуурайшилтын ид үед иргэд амарч зугаалахдаа гал түймрийн аюулаас дээд зэргээр урьдчилан сэргийлж ил задгай гал түлэхгүй байх, түлсэн тохиолдолд цог нурмыг гүйцэд унтраах, татсан тамхиныхаа ишийг унтраалгүй үл хаях зэрэгт онцгой анхаарах шаардлагатайг Дархан сумын ЗДТГ, ОБГ-аас анхааруулж байна.


Онцлох нийтлэлүүд