АН: УИХ-ын ээлжит чуулганаар эсэргүүцлийн жагсаал цуглаан зохион байгуулна

Ардчилсан намын ерөнхий нарийн бичгийн дарга Ц.Туваан, нарийн бичгийн дарга О.Магнай, УИХ-ын гишүүн, АН-ын дэд дарга Б.Пүрэвдорж нар мэдээлэл хийлээ.

АН-аас дөрөвдүгээр сарын 5-нд хаврын ээлжит чуулган нээхтэй холбогдуулан АН-ын зүгээс жагсаал цуглаан зохион байгуулахаар ажиллаж байна. Жагсаал цуглааны гол сэдэв бол өнгөрсөн гурван жилийн хугацаанд МАН хоорондын тэмцэл зодооноос өөр олигтой ажил хийсэнгүй. Энэ хугацаанд улс эх орны эдийн засаг өсөлттэй байсан. Ямарваа нэгэн эдийн засгийн хориггүй байлаа. Ийм үед эдийн засгийг өсгөсөн тодорхой ажлуудыг хийхгүйгээр дотоодын зөрчил тэмцэлдээ анхаарал хандуулж удлаа. Жагсаалаар өнгөрсөн сонгуулийн үеэр амалсан амлалтаа биелүүлэхийг, нийгэмд маш их асуудал үүсгэсэн ЖДҮ-ийн асуудалд хариуцлага тооцохыг шаардана. ШХАБ-т элсэх нь бидний тусгаар тогтнол, эрх чөлөөг алдах томоохон асуудал учир үүнд элсэхийг эсэргүүцэн жагсана гэв