БНСУ-руу албан ёсны байгууллагаар виз мэдүүлнэ DNN.mn

Сүүлийн жилүүдэд манай улсын иргэд гадаад улс оронд ажиллаж амьдрах нь нэмэгдэж байгаа. Үүнтэй холбоотойгоор залилах гэмт хэрэг жил ирэх тусам өсөх хандлагатай байна.

Залилах гэмт хэрэг улсын хэмжээд 2022 онд 11,839 бүртгэгдсэн нь өмнөх оны мөн үеэс 5,281 буюу 80.5 хувиар, нийслэлийн хэмжээнд 9,810 бүртгэгдсэн нь 4,570 буюу 87.2 хувиар тус тус өсжээ.

Иргэд гадаад явах зорилгоор эд хөрөнгөө барьцаанд тавих, бусдаас мөнгө зээлэх, тусламж авч “Виз гаргана” гэсэн зараар баталгаагүй, найдваргүй хэн нэгэнд хандаж мөнгөө залилуулсаар байна.

Мөн бэлэн мөнгө авсан, өгсөн баримт үйлддэггүй, тухайн хүнээ судлалгүй “аман гэрээ” хийж их хэмжээний мөнгө залилуулсан иргэд нэмэгджээ.

Хэрэв БНСУ руу зорчих бол визийг виз мэдүүлэгч өөрийн биеэр зөвхөн визийн мэдүүлэг хүлээн авах төлөөлөн гүйцэтгэх албан ёсны 10 байгууллагаар виз мэдүүлэх боломжтой юм хэмээн ЦЕГ мэдээлэв.