Казахстанд 21 цагаас хойш архи худалдахыг хориглов

Казахстаны ерөнхийлөгч Нурсултан Назарбаев Архи, согтууруулах ундааг зохицуулах хууль тогтоомжид нэмэлт, өөрчлөлт оруулах тухай хуульд гарын үсэг зуржээ. Энэ хуулийн дагуу одоо Казахстан улсын нутаг дэвсгэрт 21.00 цагаас 12.00 цагийн хооронд архи, согтууруулах ундаа худалдаалахыг хатуу хоригложээ. Хууль гаргах болсон шалтгаан нь эдийн засгийн эрх ашиг, үндэсний эдийн засгийн аюулгүй байдал, иргэдийн амь нас, эрүүл мэндийг хамгаалах гэнэ. Автомашины зогсоол, сургууль, цэцэрлэг, эмнэлэг, спортын талбай, цэнгэлдэх хүрээлэнд архи худалдаалахыг хуулиар хоригложээ. Өмнөх хуулийн хориг нь 23.00 цагаас 8.00 цагийн хооронд үйлчилдэг байжээ.