ӨДРИЙН СОНИН ҮНЭНИЙГ ХЭЛНЭ
Гадаад
2020.02.19 02:02

Коронавирусийн халдварын нас баралтын түвшин хоёр хувьтай байна


Өнгөрсөн даваа гаригт Швейцарийн Женев хотноо ДЭМБ-ын тэргүүн Т.Гебреем сэтгүүлчдэд хандан мэдэгдэл хийжээ. Түүний хэлснээр “Шинэ төрлийн коронавирусийн халдварын нас баралтын түвшин амьсгалын замын цочмог халтай хам шинж (SARS), Ойрхи Дорнодын амьсгалын замын хам шинжийн (MERS) ижил үзүүлэлтээс харьцангуй бага байна. Хятадад бүртгэгдсэн коронавирусийн халдварын 44 мянга гаруй тохиолдлыг судалж үзэхэд нас баралтын түвшин нь хоёр хувь байна. Мөн шинэ төрлийн коронавирусээр халдварласан хүмүүсийн 80 гаруй хувьд хөнгөн шинж тэмдэг илэрч байгаа бөгөөд эдгэрэх боломжтой” гэжээ.

Сануулахад, Азийн орнуудад 2003 онд тархсан өөр төрлийн коронавирусээр үүсгэгддэг “SARS”-ын уг үзүүлэлт 9.6 хувь байжээ.

Онцлох нийтлэлүүд