ӨДРИЙН СОНИН ҮНЭНИЙГ ХЭЛНЭ
Нийгэм
2020.01.23 07:01

Коронавирусийн халдвар авсан байж болзошгүй 10 иргэнийг ХӨСҮТ-д тусгаарлажээ


Өчигдөр Бээжингээс – Москва хотын чиглэлд зорчиж явсан галт тэргэнд урд хөршийн иргэн өндөр халуурч, яаралтайгаар шинжилгээнд хамруулахад коронавирус илэрсэн болох нь тогтоогджээ. БНХАУ-ын талаас албан ёсоор мэдээлэл хүргүүлснээр яг одоо ХӨСҮТ-д уг өвчтөнтэй зорчин явсан Монгол Улсын 10 иргэнийг тусгаарлан шинжилгээнд хамруулж байна.

Энэ мэдээллийг үнэн бодит эсэхийг ЭМЯ-аас тодруулахад үнэн болохыг нотлов. Мөн өнөөдөр Дорноговь аймгийн Замын-Үүд дэх хилийн боомтоор коронавирусээр өвчилсөн байж болзошгүй хоёр иргэн нэвтэрснийг саатуулан, нутаг буцаажээ. Энэ хоёр хүний шинжилгээний хариу маргааш гарна гэдгийг Эрүүл мэндийн яамнаас мэдээлээд байна.

Онцлох нийтлэлүүд