Спорт
2020.11.29 07:11

​Майк Тайсон, Рой Жонес нарын тулаан тэнцээгээр өндөрлөлөө


Мэргэжлийн боксын домгууд болох хүнд жингийн дэлхийн аварга Майк Тайсон болон хүнд, дунд жингийн дэлхийн аварга Рой Жонес Жуниор нарын үзүүлэх тулаан өнөөдөр АНУ-ын Калифорни мужийн Карсон хотод байрлах Дигнити спортын ордонд зохион байгуулагдлаа.

Хоёр домгийн тулаанаас өмнө сагсан бөмбөгийн спортын чанга залуусын нэг, NBA-ийн гурван удаагийн тохолтын тэмцээний аварга Нэйт Робинсон болон “youtube”-ийн од Жэйк Пол нар хоорондоо тулалдсан юм. Тулааны хоёрдугаар үед Жэйк Пол чанга залуу Нэйт Робинсонг хүнд цохилтоор унагааж ялалт байгууллаа. Тулааны дараа Жэйк Пол “Конор МакГрегор, Диллон Данис нарыг би ялах болно” хэмээжээ.

Үүний дараа гол тулаан болсон юм. “USA TODAY Sports” 78:74 оноогоор Тайсон ялсан гэж тооцоолсон бол “The Guardian” хэвлэлийн спортын мэргэжилтнүүд 79:73 оноогоор мөн Тайсон ялсан гэж үзэж байна. WBC Frontline Battle Belt бүсийн төлөөх домогт боксчдын тулаан онцгой дүрмээр болжээ. Найман үе тус бүр хоёр минут үргэлжилсэн бол бээлий нь стандартын бээлийнээс илүү том буюу 340 гр жинтэй байв. Тайсон, Жонс нарыг хамгаалалтын малгайтай тулалдуулахаар төлөвлөж байсан ч боксчид эцсийн мөчид хамгаалалтын өмсөлгүй гарч иржээ. Тулааны төлөө Тайсон 10 сая, Жонс гурван сая ам.доллар авах юм.

Тулааны дүнг алдарт тамирчдын албан ёсны статистик оруулахгүй. Тайсон нийт 56 тулаан хийснээс 50 удаа ялж (44 нокаут), зургаан удаа ялагджээ. Жонс 66 ялалт (47 нокаут), есөн ялагдалтай. Хоёр домгийн үзүүлэх тулаан хоёр минутаар 12 үргэлжлэх байсан ч найм үе тулалдсаны эцэст Майк Тайсон, Рой Жонес Жуниор нар харилцан тохиролцож, тэнцээгээр тулаанаа өндөрлүүллээ.


Онцлох нийтлэлүүд