Өдрийн сонин үнэнийг хэлнэ
"Арьс шир, ноос ноолууран бүтээгдэхүүн-2021" үзэсгэлэн худалдаа болж байна Монгол Улс аж ахуйн нэгжүүдээ тоолно Наса “Артимес-1” хөлгийг сар луу хөөргөх хугацааг хойшлууллаа Үндэсний бөхийн лигийн хоёрын давааны эхний 8 бөхийн барилдааны дүн 3000 орчим Монголчууд Энэтхэгийн техник, хамтын ажиллагааны хөтөлбөр хамрагджээ Алек Балдвинаас ч өмнө зураг авалтын явцад сум алдсан байв Бэлчээрийн талбай 925 мянган га-гаар буурчээ Боксын дэлхийн аваргад түрүүлсэн тамирчин 100 мянган ам.доллар авна "My Name" цуврал "Netflix"-ийн хит киноны жагсаалтад багтлаа ​Болгар улс ковидтой өвчтөнүүдээ эмчлүүлэхээр гадаад руу илгээж болзошгүй байна "Арьс шир, ноос ноолууран бүтээгдэхүүн-2021" үзэсгэлэн худалдаа болж байна Монгол Улс аж ахуйн нэгжүүдээ тоолно Наса “Артимес-1” хөлгийг сар луу хөөргөх хугацааг хойшлууллаа Үндэсний бөхийн лигийн хоёрын давааны эхний 8 бөхийн барилдааны дүн 3000 орчим Монголчууд Энэтхэгийн техник, хамтын ажиллагааны хөтөлбөр хамрагджээ Алек Балдвинаас ч өмнө зураг авалтын явцад сум алдсан байв Бэлчээрийн талбай 925 мянган га-гаар буурчээ Боксын дэлхийн аваргад түрүүлсэн тамирчин 100 мянган ам.доллар авна "My Name" цуврал "Netflix"-ийн хит киноны жагсаалтад багтлаа ​Болгар улс ковидтой өвчтөнүүдээ эмчлүүлэхээр гадаад руу илгээж болзошгүй байна
Гадаад
2021.10.14 10:10

Нобелийн шагнал хүртсэн сэтгүүлчид Владимир Путин анхааруулга өгөв

Өнгөрсөн баасан гаригт ОХУ-ын цөөхөн хараат бус хэвлэлүүдийн нэг гэгддэг Новая Газета сонины эрхлэгч Дмитрий Муратов мэргэжил нэгт Филиппиний сэтгүүлч Мариа Рессагийн хамт Нобелийн энх тайвны шагналыг хүртсэн билээ.

Нобелийн шагналын хороо тэднийг үг хэлэх эрх чөлөөний төлөө тэмцэгчид гэж өргөмжилсөн юм. Тухайн үед Кремлийн хэвлэлийн алба Муратовт баяр хүргэж байжээ.

Харин ОХУ-ын ерөнхийлөгч Владимир Путин энэ талаар өчигдөр анх удаа ам нээхдээ Муратовт анхааруулга өгсөн байна.


Лхагва гаригт Москва хотод болсон Оросын Эрчим Хүчний Долоо Хоногийн арга хэмжээнд оролцохдоо Путин “Хэрвээ тэр Нобелийн шагналыг Оросын хуулийг зөрчихдөө бамбай болгон ашиглах гэвэл хариуцлага хүлээлгэх болно. Харин хууль зөрчилгүй, “гадаадын төлөөлөгч” ангилалд орох шалтгаан гаргахгүй бол яах ч үгүй” гэж хэлжээ.

ОХУ-д сүүлд мөрдөж эхэлсэн хуулийн дагуу Кремлийг шүүмжилсэн хэвлэл мэдээллийн байгууллага, төрийн бус байгууллагуудад “гадаадын төлөөлөгч” (foreign agent) хэмээх нэр хаяг зүүлгэж, үйл ажиллагааг нь хориглодог болоод байгаа. Энэ он гарсаар олон арван сэтгүүлч, хэвлэл мэдээллийн байгууллага уг ангилалд орж, үйл ажиллагаагаа зогсоосон юм.

Путиний мэдэгдлийн дараа Муратов “Төр засаг хүссэнээ хийж болно. Гэхдээ бид шагналаасаа татгалзахгүй” гэж Интерфакс агентлагт ярьжээ.

Одоо 59 настай Дмитрий Муратов нь 1993 онд хэсэг сэтгүүлчдийн хамт Новая Газета сониныг үүсгэн байгуулж байв. Тус сониныг өнөөдөр ОХУ-д үлдсэн цөөхөн хараат бус хэвлэлүүдийн нэг гэдэг.

Муратов өөрт оногдсон Нобелийн мөнгөн шагналынхаа талыг бусдын гарт амиа алдсан зургаан сэтгүүлчийнхээ ар гэрийнхэнд хуваарилахаар болсон юм.

Онцлох нийтлэлүүд