Н.Номтойбаярыг МАН-ын бүлгийн дэд даргад нэр дэвшүүллээ

МАН-ын удирдах зөвлөл дөнгөж сая хуралдаж дууслаа. Хуралдаанаар тус намын УИХ-дахь бүлгийн дэд даргад Н.Номтойбаярыг дэвшүүлэхээр шийдвэрлэсэн байна. Тус намын бүлгийн дарга С.Бямбацогт өмнө нь дэд даргын ажлыг хашиж байсан бөгөөд түүнийг албан тушаал дэвшснээс хойш Д.Оюунхорол гишүүн ганцаараа энэ албыг хашиж байсан юм. МАН-ын удирдах зөвлөл хуралдаж Н.Номтойбаярыг МАН-ын бүлгийн дэд даргаар томилох болсноор тус бүлэг хуучнаараа хоёр дэд ахлагчтай ажиллах болж байна. Өнөөдөр үдээс хойш хуралдах МАН-ын бүлгийн хуралд удирдах зөвлөлийн шийдвэрийг танилцуулж санал хураалт явуулах бөгөөд энэ үеэр бусад гишүүдээс бүлгийн дэд даргын өрсөлдөөнд саналаараа өрсөлдөж нэр дэвшиж болох ажээ.