ӨДРИЙН СОНИН ҮНЭНИЙГ ХЭЛНЭ
Спорт
2019.09.20 03:09

Т.Тулга Токио-2020 олимпийн эрх авлаа


Монгол Улс 65 кг-д "Токио-2020" олимпийн эрхтэй Эрэгтэйчүүдийн 65 кг-ын жинд өсвөр үе болон 23 хүртэлх насны Азийн аварга, үндэсний шигшээ баг, “Арслан” клубийн тамирчин ОУХМ Т.Тулга дагах барилдаанаа 2018 оны цэргийн ДАШТ-ий мөнгөн медальт Германы Александр Семисоровтой хийж 8:0-ээр яллаа.

Ийнхүү Т.Тулга Монголын чөлөөт бөхийн тамирчдаас “Токио-2020” зуны олимпийн их наадмын анхны эрхийг авчирч байна. Тэрбээр 20:00 цагт ДАШТ-ий мөнгө, хүрэл медальт, Азийн наадам болон Азийн аварга Энэтхэгийн Бажранг Пуньятай хүрэл медалийн төлөө барилдана.

Энэ бол Монгол Улсын тамирчдын эх орондоо авчирч буй олимпийн гуравдахь эрх юм. Түүнээс өмнө буудлагын тамирчин Ц.Анударь, Э.Даваахүү нар "Токио-2020"-д оролцох тийзээ захиалаад байгаа билээ.

Онцлох нийтлэлүүд