ӨДРИЙН СОНИН ҮНЭНИЙГ ХЭЛНЭ
Гадаад
2020.02.19 03:02

Уур амьсгалын өөрчлөлттэй тэмцэхэд 10 тэрбум ам.долларыг хандивлана


Дэлхийн хамгийн чинээлэг эр Жэф Безос уур амьсгалын өөрчлөлттэй тэмцэхэд 10 тэрбум ам.доллар зарцуулахаар болжээ. Амазон компанийн үүсгэн байгуулагч тэрээр “Bezos Earth Fund” гэх нэртэй сан байгуулаад буй.

Хандивын мөнгөө ирэх зунаас эхлэн тус сан руу шилжүүлэх гэнэ. Блүүмбэргийн мэдээлснээр түүний нийт хөрөнгө 130 тэрбум ам.доллар агаад хөрөнгийнхөө 7.7 хувийг буяны үйлсэд зарцуулдаг байна. Ж.Безос “Уур амьсгалын өөрчлөлт бол манай гаригийн хамгийн том аюул юм. Бид бүгдийн амьдардаг дэлхийг энэ аюулаас аврахын тулд одоо мэдэгдэж байгаа арга замуудыг сайжруулах, шинэ арга замыг хайж олох хоёр чиглэлд би бусад хүмүүсийн нэгэн адил ажиллах хүсэлтэй байна” гэжээ. Дашрамд хэлэхэд, Амазон компанийн 350 гаруй ажилтан уур амьсгалын өөрчлөлттэй тэмцэхэд илүү их анхаарал тавихыг удирдлагуудаасаа шаардаж байв. Тус компани 2030 он гэхэд хүлэмжийн хий огт үйлдвэрлэдэггүй байгууллага болох зорилт тавиад байгаа юм.

Д.ЦЭРЭНДОЛГОР

Онцлох нийтлэлүүд