ӨДРИЙН СОНИН ҮНЭНИЙГ ХЭЛНЭ
Нийгэм
2019.08.03 06:08

Хаздаг хар хорхойн нүүдлээс сэрэмжлүүлж байна

Нийслэл хот, хөдөө орон нутаг болон зусланд хаздаг хар хорхойн нүүдэл их байгаа аж. Оройн цагаар ихэвчлэн гарч ирдэг тул нялх хүүхэдтэй эцэг, эхчүүд анхааралтай байхыг сануулж байна. Энэ талаар нэгэн иргэн цахим хуудастаа сэрэмжлүүлэг бичжээ. Тэрбээр “Гадуур хар хорхой маш их байна. Сибирийн түймрээс дайжсан байх. Эцэг эхчүүд хүүхдийнхээ чихийг хамгаалж, шалгаж байгаарай” гэсэн байна.

Иргэн Ц-ийн хүүхдийн чихэнд хар хорхой орж, яаралтай түргэн тусламжийн 103 утсанд холбогдоход нэн түрүүн чихэндээ дүүртэл ус хийхийг зөвлөжээ. Зааврын дагуу ус хийсний дараа хар хорхой унаад ирсэн байна. Хар хорхой орсон тохиолдолд яаралтай арга хэмжээ авахгүй бол хэнгэрэг гэмтээж, цааш тархи руу ордог ажээ. Мөн энэ шавьжны булчин маш сайн хөгжсөн тул хазуулсан тохиолдолд тодорхой хэмжээгээр өвдөж, сорвижилт үүсдэг байна.

Онцлох нийтлэлүүд