ӨДРИЙН СОНИН ҮНЭНИЙГ ХЭЛНЭ
Нийгэм
2019.08.03 12:08

Хууль эрхзүйн мэдлэг олгох сургалт боллоо

Онцгой байдлын ерөнхий газрын дэргэдэх Гамшиг судлалын хүрээлэнгээс Нийслэлийн прокурорын газартай хамтран 2019.08.02-ны өдөр гал түймрийн шалтгаан, нөхцлийг тогтоох ажиллагаанд оролцогч алба хаагчдад зориулсан хууль эрх зүйн мэдлэг олгох сургалтыг зохион байгууллаа.

Сургалтад ОБЕГ-ын Гал түймэртэй тэмцэх газрын мэргэжилтэн, Гамшиг судлалын хүрээлэнгийн судлаачид, НОБГ-ын Гал түймрийн улсын хяналтын жижүүрийн байцаагч, дүүргийн Онцгой байдлын хэлтэсийн Гал түймрийн улсын хяналтын байцаагч, Мэдээлэл, шуурхай удирдлагын төвийн галын шинжээчид оролцлоо.

Энэ удаагийн сургалтаар Нийслэлийн прокурорын газрын Зөрчлийн хэрэг бүртгэлийн ажиллагаанд хяналт тавих хэлтсийн хяналтын прокурор Г.Магнайжав, Мөрдөн байцаах ажиллагаанд хяналт тавих хэлтсийн хяналтын прокурор Б.Энэрэл, Цагдаагийн ерөнхий газрын Мөрдөн байцаах албаны Хүрээлэн буй орчны эсрэг гэмт хэрэг мөрдөн шалгах хэлтсийн ахлах мөрдөгч, цагдаагийн ахмад А.Магнай нар оролцогчдод мэдлэг олгож, тэдний сонирхсон асуултанд нь хариуллаа.

Сургалт Шүүхийн шинжилгээний тухай хууль, Зөрчил шалган шийдвэрлэхэд тулгамдаж буй зарим асуудлууд, Авилга, албан тушаалын гэмт хэрэг, урьдчилан сэргийлэх, Хүрээлэн байгаа орчны эсрэг гэмт хэргийн нөхцөл байдалд анхаарах асуудал болон ой хээрийн түймэр тавих гэмт хэргийн мөрдөн шалгах ажиллагааны арга тактик зэрэг сэдвийн хүрээнд явагдаж, оролцогчид мэдлэг, туршлага олж авлаа гэж Онцгой байдлын ерөнхий газраас мэдээллээ.

Онцлох нийтлэлүүд