Гадаад
2015.03.13 06:03

Өмнөд Солонгост сурагчдыг гар утсаар нь хянана

Өмнөд Солонгосын Засгийн газар дунд сургуулийн сурагчдыг гар утсаар нь дамжуулан амиа хорлолтоос урьдчилан сэргийлж, хянах арга боловсруулжээ.

Үүний тулд тусгай гар утасны аппликейшн зохион бүтээсэн байна. Гар утсаны аппликейшн нь сурагчид гар утсаараа амиа хорлолттой холбоотой хайлт хийж, мессеж бичсэн тохиолдолд эцэг, эхэд нь сэрэмжлүүлэг илгээх зориулалттай аж. Өмнөд Солонгосын боловсролын сайдын санаачлан боловсруулж буй гар утасны аппликейшн ирэх онд хэрэглээнд нэвтрэх гэнэ.

Эдийн засаг, хамтын ажиллагаа хөгжлийн байгууллагын (OECD) гишүүн 34 орны дунд Өмнөд Солонгос улсад амиа хорлолт өндөр байдаг аж. Өмнөд Солонгосын боловсролын яамны мэдээгээр 2009-2014 оны хооронд нийт 878 сурагч амиа хорлосон байна. Үүний 118 нь өнгөрсөн онд тохиосон нь амиа хорлох үзэгдэл нэмэгдэж буйг гэрчилжээ.

Онцлох нийтлэлүүд