Авлигатай тэмцэх газрын Урьдчилан сэргийлэх, соён гэгээрүүлэх хэлтсээс арилжааны банкны ажилтнуудад зориулсан авлигын эсрэг цуврал сургалт зохион байгууллаа.

Монголбанк, Монголын банкны холбоо, “Банк санхүүгийн академи” төрийн бус байгууллагатай хамтран зохион байгуулсан уг сургалтад “Богд”, “Ариг” банкны удирдах болон захиргааны ажилтнууд оролцов.

Авлигын эсрэг хуулийн 18 дугаар зүйлийн 18.1.5-д заасан “авлигын нийгмийн хор аюулыг олон нийтэд ухуулан сурталчлах ажлыг тасралтгүй явуулах, олон нийтийн авлигын талаарх мэдлэгийг дээшлүүлэх, түүнтэй тэмцэх арга барилд сургах ажлыг зохион байгуулах чиглэлээр сургалт, сурталчилгаа хийх” чиг үүргийн хүрээнд “Авлигатай тэмцэхэд хувийн хэвшлийн оролцоо” сэдвээр мэдээлэл өгч, сургалтад оролцогчдын сонирхсон асуултад хариуллаа.