Нийслэлд үйл ажиллагаа явуулж байсан ТҮЦ-нүүдийг буулгасан ч шинэ шилэн түцнүүдийг Сүхбаатар дүүргийн ЗДТГ-аас байрлуулсан байна” гэх мэдээлэл цацагдаж, шүүмжлэл дагуулаад байна. Тэгвэл тус шилэн байгууламжийг Сүхбаатар дүүргийн 4 дүгээр хороо буюу 45 дугаар сургуулийн урд талбайд төр-хувийн хэвшлийн хамтын ажиллагааны хүрээнд зуны түр үйлчилгээг нэвтрүүлэх ажлын хүрээнд хийжээ.

Одоогоор түр үйлчилгээний бэлтгэл, бүтээн байгуулалтын ажил явагдаж байгаа бөгөөд Голден билэгт ХХК нь дүүргийн Засаг даргад “Өглөөний цай” төсөл хэрэгжүүлэх хүсэлтийг ирүүлсэн байна.

Уг хүсэлтэд Өглөөний цай хөтөлбөр хэрэгжүүлэх, түүнд шаардагдах төсөв, санхүү, шаардлагатай бүтээн байгуулалтыг компани өөрийн хөрөнгөөр барих зэрэг агуулгыг тусгажээ.

Мөн ССАЖЗЯ-наас жуулчдад зориулсан гудамжтай болох тухай албан бичгээр ирүүлсэн чиглэл, нийслэлийн Засаг даргын санаачилсан Сүү хөтөлбөрийг хэрэгжүүлэхээр 2025 оны 7 дугаар сарын 1-нээс 11 дүгээр сарын 1 хүртэл зуны түр зөвшөөрлийг олгосон байна.

Тус гудамжинд архи, согтууруулах ундаа, тамхи зэргээр үйлчлэхгүй бөгөөд эрүүл эко өглөөний цайгаа уух боломжийг бүрдүүлнэ гэдгийг албаныхан онцоллоо.