ӨДРИЙН СОНИН ҮНЭНИЙГ ХЭЛНЭ
Соёл урлаг
2020.01.09 02:01

“Oscar” наадмыг дахин хөтлөгчгүйгээр зохион байгуулна


Америкийн кино академиас жил бүр зохион байгуулдаг “Oscar” наадмын 2020 оны шагнал гардуулах ёслолыг дахин хөтлөгчгүйгээр зохион байгуулахаар болсон талаар “ABC” энтертайнментын захирал Карей Берк лхагва гарагт мэдэгджээ.

1989 оноос хойш зохион байгуулж буй “Oscar” наадмын шагнал гардуулах ёслолыг өнгөрсөн онд анх удаа хөтлөгчгүйгээр явуулсан юм. Энэ оны “Oscar” наадмыг инээдмийн жүжигчин Кевин Харт хөтөлж магадгүй хэмээн олон нийтийн хэвлэл мэдээллийн хэрэгслүүд мэдээлж байсан боловч хөтлөгчгүй явуулах шийдвэрийг гаргасан нь энэ ажээ.

2019 оны “Oscar” наадмыг үзсэн хүмүүсийн тоог өмнөх оныхтой харьцуулахад 12 хувиар өсөж, 29.6 сая хүрчээ. Энэхүү үзүүлэлт нь шүүмжлэл их байсан хийгээд хөтлөгчгүй явуулсны аль алинтай холбоотой байж магадгүй хэдий ч туршилт амжилттай болсныг харуулсан байна.

Калифорни муж улсын Лос-Анжелес хотноо байрладаг “Dolby” театрт ирэх хоёрдугаар сарын 9-нд болох “Oscar” наадмыг “ABC” суваг шууд дамжуулан үзүүлнэ. 

Онцлох нийтлэлүүд