Амралтын өдөр та гэр бүлдээ амттай талх хийж өгөөрэй. Дэлгүүрээр зарагддаг хөөлгөгч ихтэй, удсан талх идэхийн оронд өөрөө гэртээ хийгээд идэх нь хамаагүй амттай болдог төдийгүй хэмнэлттэй юм. Гэртээ талх барих нь халуун талхны үнэр ханхалж ер бусын гайхалтай мэдрэмж төрүүлдэг. Түүнийг дагаад гэр бүлийнхний сэтгэл хүртэл ханамжтай байдаг. Тиймээс гэртээ талх барих хялбар жорыг хүргэж байна.

Өөрийн гараар гэр бүлдээ зориулж энгийн аргаар амтат гэрийн талх барьж өгөөрэй.

ОРЦ: /10 порц

-10г хөөлгөгч

-50г элсэн чихэр

-2ш өндөг хутгасан

-1ш өндөгний шар

-4х/х ургамлын тос

-4-5 стакан дээд гурил /675г

-Үр тариа /өөрийн хүслээр/

-Стакан бүлээн ус

-1.5 ц/х давс

ХИЙХ АРГА:

1. Жижиг аяганд хөөлгөгч болон 1 ц/х элсэн чихэр нэмээд бүлээн ус нэмнэ. Хутгасны дараа 10 минут байлгана. Аяга өндөр байх хэрэгтэй.

2. Зуурмаг бэлдэнэ. Гурилан дээрээ хөөлгөгчтэй ус, хутгасан 2ш өндөг, давс, элсэн чихэр, есийн тос нэмнэ. Хутгуураар сайн хутгасны дараа нухна.

3. Гурилны савыг тослоно. Зуурмагийг тосолсон саванд хийгээд нойтон алчуураар бүтээнэ. 2 цаг дулаан газар амраана.

4. 2 цагийн дараа гурилаа нухна. 2 тэнцүү хуваагаад, хэсэг бүрийг дахин 3 хэсэгт хуваана. Бүгдийг тэнцүү урттайгаар бөөрөнхийлнө. Дараа нь сүлжинэ.

5. Сүлжсэн гурилаа алчуураар бүтээгээд 1 цаг амраана. Амраасны дараа гуриланд дээр өндөгний шар түрхэнэ. Зуухыг халаасан байна.

6. 180С-т 30 минут шарна. Эсвэл алтлаг бор өнгөтэй болтол нь шарна.