Боловсруулах салбарын үйлдвэрлэл энэ оны эхний улирлын урьдчилсан гүйцэтгэлээр 1.4 их наяд төгрөгт хүрчээ. Энэ нь өмнөх оны мөн үеэс 125.4 тэрбум төгрөгөөр өссөн үзүүлэлт юм.
Харин он гарсаар аж үйлдвэрийн салбарын нийт үйлдвэрлэл 7.2 их наяд төгрөг болж, өмнөх оны мөн үеэс 859 тэрбум төгрөгөөр буюу 13.6 хувиар өссөн байна.
Түүнчлэн уул уурхай, олборлох аж үйлдвэрийн салбарын үйлдвэрлэл эхний улирлын байдлаар 5.1 их наяд төгрөгт хүрчээ. Энэ нь өмнөх оны мөн үетэй харьцуулахад 14.5 хувиар өссөн үзүүлэлт юм.

Боловсруулах салбарын үйлдвэрлэл 1.4 их наяд төгрөгт хүрчээ DNN.mn

Улсын дээд шүүхийн Эрүүгийн хэргийн танхимын нийт шүүгчийн хуралдаанаар Т.Бадамжунай, Э.Жаргалсайхан, Д.Баярсайхан, Д.Бямба-Очир нарт холбогдох хэргийг прокурорын бичсэн эсэргүүцэл болон шүүгдэгч Т.Бадамжунайгийн өмгөөлөгч Э.Эрдэнэхишиг, Н.Цэцэгмаа, шүүгдэгч Д.Бямба-Очирын өмгөөлөгч Б.Мөнхбат нарын гаргасан гомдлыг үндэслэн хяналтын шатны шүүх хуралдаанаар хэлэлцүүлэх эсэхийг 2024 оны дөрөвдүгээр сарын 17-нд хэлэлцжээ.
Нийт шүүгчийн хуралдаанаар прокурорын бичсэн эсэргүүцэл, шүүгдэгчдийн өмгөөлөгчдийн гаргасан гомдлыг хянан хэлэлцээд Эрүүгийн хэрэг хянан шийдвэрлэх тухай хуулийн 40.1 дүгээр зүйлийн 1 дэх хэсэгт заасан хяналтын журмаар гомдол, эсэргүүцэл гаргах үндэслэлд хамаарахгүй байгаа тул уг хэргийг хяналтын шатны шүүх хуралдаанаар хэлэлцүүлэхээс татгалзав.
Ингэснээр давж заалдах шатны шүүхийн магадлал хэвээр үлдэж байна хэмээн Улсын Дээд Шүүхээс мэдээлжээ.
Энэ талаар албаны эх сурвалжаас тодруулахад &#8220;Прокурор тус хэргийг шийдвэрлэхдээ зөвхөн авлига авсан этгээдүүдэд яллах дүгнэлт үйлдэж ирүүлсэн.
Энэ нь хэргийн бодит байдлыг тогтооход саад учруулахаар байгаа тул авлига өгсөн этгээдийн хэргийг авлига авсантай нь нэгтгэн шийдвэрлэх нь зүйтэй.
Тиймээс гурван шатны шүүхээс авлига өгсөн гэх Ц.Анандбазар болон авлига авсан гэх Т.Бадамжунайн нарын хэргийг нэгтгэж шийдвэрлүүлэхээр прокурорт буцааж байна&#8221; хэмээн тайлбарлав.
Сүхбаатар дүүргийн эрүүгийн хэргийн анхан шатны шүүхээс Т.Бадамжунай нарт холбогдох хэргээс зарим яллагдагчийн хэргийг тусгаарласан нь хэргийн бодит байдлыг тогтооход саад учруулахаар байна гэх зэрэг үндэслэлээр  хэрэгт нэмэлт мөрдөн шалгах ажиллагаа хийлгэхээр Нийслэлийн прокурорын газарт буцаахаар шийдвэрлэсэн.
Нийслэлийн эрүүгийн хэргийн давж заалдах шатны шүүхээс Т.Бадамжунай нарт холбогдох хэргийг зарим яллагдагчийн хэргээс тусгаарласан нь хэргийн бодит байдлыг тогтооход саад учруулахаар байгаа тул нэгтгэн шийдвэрлэх нь зүйтэй, мөн хэргийг тусгаарлах үндэслэл хангалтгүй, иймээс хэргийг прокурорт буцаах тухай анхан шатны шүүхийн шүүгчийн захирамжийг хэвээр үлдээж шийдвэрлэсэн юм.

ДЭЭД ШҮҮХ: Т.Бадамжунай, Ц.Анандбазар нарт холбогдох авлигын хэргийг нэгтгэх нь зүйтэй гэсэн шийдвэр гарав DNN.mn

НЭЭЛТТЭЙ ТЕНДЕР ШАЛГАРУУЛАЛТЫН УРИЛГА

НЭЭЛТТЭЙ ТЕНДЕР ШАЛГАРУУЛАЛТЫН УРИЛГА

Баянгол дүүргийн 15 дугаар хороо гал гарч байна гэсэн дуудлага дөрөвдүгээр сарын 17-ны өдрийн 22:51 цагт Онцгой байдлын алба хүлээн авчээ.
Тус дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчдыг очиход иргэн М-ын 70 м.кв хэмжээтэй байранд эд хогшил шатаж байсныг унтраажээ. Утаажилтын бүсээс 35 иргэн /30 том хүн, 5 хүүхэд/-ийг аюулгүй газарт гарган ажилласан байна.

Угааржилтын бүсээс 35 хүнийг гаргажээ DNN.mn

Дональд Трампыг шүүх эрүүгийн хэргийн шүүх хурал Нью-Йорк хотноо эхэллээ. Ингэснээр Трамп түүхэнд АНУ-ын эрүүгийн хариуцлага хүлээх гэж буй анхны ерөнхийлөгч болов. Сар гаруй хойшилсон шүүх хурал тангарагтны шүүгчдийг сонгосноор эхэллээ. Эхний хэдэн минутын дотор нэр дэвшигчдийн тал орчим хувь нь (96-аас 50 нь) “Энэ шүүх хурлын шийдвэрт би шударгаар хандаж чадахгүй байх” гэж хэлээд хасагдсан байна. Үлдсэн тангарагтны шүүгчдээс мэдээ, ном унших дадал зуршил зэрэг олон асуулт асуун нийт 12 хүнийг тангарагтны шүүгчээр сонгожээ.
Долоон цаг орчим үргэлжилсэн сонсголын дараа Трамп шүүгч Хуан Мерчаныг дахин шүүмжилж сэтгүүлчдэд “Бидний хооронд асуудал байна” гэж хэлэв. Учир нь уг шүүх хуралдааны өмнө Трампын өмгөөлөгчдийн хүсэлтээс Мерчан хоёр удаа татгалзсан юм. Мөн Трампын өмгөөлөгчид “Охин нь Ардчилсан намынханд улс төрийн зөвлөх үйлчилгээ үзүүлдэг компанид ажилладаг” учир ашиг сонирхлын зөрчил үүсч байна” хэмээн Мерчаныг уг хэргийг шүүхээс татгалзахыг уриалсан байна.
Трампыг 2016 оны ерөнхийлөгчийн сонгуулийн өмнө порно жүжигчин Сторми Даниэлст 130 мянган ам.доллар төлсөн гэдгээ нуухыг оролдсон хэмээн буруутгаж байгаа юм. Гэхдээ төлбөрийн баримт нь өөрөө хуулийн зөрчил биш юм. Харин Трамп өмгөөлөгчдөө мөнгөө төлсөн болж, хууль ёсны хураамж төлсөн мэт харагдуулсан нь нотлогдсон тул Нью-Йорк мужийн прокурорын газар энэ үйлдлийг Трамп санхүүгийн баримт бичгийг хуурамчаар үйлдсэн гэж үзэж байгаа бөгөөд энэ нь гэмт хэрэг юм. Жүжигчин Дэниэлс нь 2006 онд Трамптай бэлгийн харьцаатай байсан бөгөөд Трампын өмгөөлөгч Майкл Коэн түүнд энэ асуудлыг дарах гэж мөнгө төлсөн гэж мэдэгдээд байгаа билээ. Ер нь АНУ-ын ерөнхийлөгч асан 34 зүйл ангиар залилангийн хэрэгт буруутгагдаж байгаа аж. Трамп өөрөө ямар нэгэн хууль бус үйлдэл хийсэн гэдгээ үгүйсгэж бүр Даниэлстэй бэлгийн холбоогүй байсан гэж мэдэгдсээр байгаа билээ.
Шүүх хурлын өмнө Дональд Трамп уг хэргийг хариуцаж буй шүүгчийг шүүмжилж, түүнийг Ардчилсан намаар удирдуулсан “шулмын ан” хийх гэж байна гэж мэдэгдсэн. Ерөнхийлөгч асан “Truth Social” олон нийтийн сүлжээнд “Шүүх хурал даргалагч маш их зөрчилдөөнтэй байгаа учир шүүгч хийж болохгүй” гэж бичсэн аж. Гэтэл уг шүүх өмнө нь Трампын үйл ажиллагаанд хязгаарлалт тавьж, шүүхийн ажилтнууд, тангарагтны шүүгчид, дүүргийн прокурорын газрын гэрч, өмгөөлөгчид болон тэдний ар гэрийнхний талаар олон нийтэд мэдээлэл хийхийг хориглоод байсан юм. Иймээс Трампын олон нийтийн сүлжээн дэх зарим нийтлэл нь шүүхийн захирамжийг зөрчсөн гэж үзэн Манхэттэн дүүргийн прокурорын газар нийгмийн сүлжээннд тавьсан гурван нийтлэлийнх нь төлөө Трампыг 3000 ам.доллараар торгохыг Мерчанаас хүсээд байгаа аж.
Нью-Йорк хотын Шүүхийн байрны гадна хэдэн арван сэтгүүлчдээс гадна Трампыг эсэргүүцэгчид болон дэмжигчид цугларчээ. Экс ерөнхийлөгчийг дэмжихээр цугларсан зарим хүмүүс өнгөрсөн зун Жоржиа мужийн шоронд Трампын авахуулсан зураг бүхий хувцас өмсөн түүний фото зураг бүхий АНУ-ын тугийг барьсан байв. Харин экс ерөнхийлөгчийг эсэргүүцэгчид “Хэн ч хуулиас дээгүүр тавигдах ёсгүй” гэсэн бичигтэй уриа барин жагсчээ.
 
Г.АМАРСАНАА

Түүхэн гэгдэж буй шүүх хурал DNN.mn

Монгол Улсын нийгэм, эдийн засгийн 2024 оны эхний улирлын үзүүлэлтүүдийг өнөөдөр Үндэсний Статистикийн Хорооноос мэдээллээ.
Аж үйлдвэрийн салбарын нийт үйлдвэрлэл 2024 оны эхний улирлын урьдчилсан гүйцэтгэлээр 7.2 их наяд төгрөг болж, өмнөх оны мөн үеэс 859 тэрбум төгрөгөөр буюу 13.6 хувиар өсчээ.

Аж үйлдвэрийн салбарын нийт үйлдвэрлэл 13.6 хувиар өсчээ DNN.mn

Цагдаагийн Ерөнхий газраас өчигдөр /2024.04.17/ 19 цагийн үед Чингэлтэй дүүргийн 15 дугаар хорооны нутаг дэвсгэрт гарсан зам тээврийн ноцтой ослын талаар ЦЕГ-аас мэдээлэл өглөө.
ЦЕГ “Toyota Prius маркийн автомашин Hyundai Verna маркийн автомашинтай мөргөлдсөний улмаас явганаар зорчиж байсан 9-14 насны 6 хүүхэд, насанд хүрсэн 1 хүнийг мөргөсөн харамсалтай осол бүртгэгдэж, 16 настай хүүхэд амь насаа алдсан харамсалтай хэрэг гарлаа.
Жолооч хааз, торомз андуурч гишгэсэн эсэхийг шалгалтын явцад тогтооно. Автомашины жолооч нар согтууруулах ундаа хэрэглээгүй байсан. Жолооч нь эмэгтэй байсан. Осолд өртсөн иргэдийн ГССҮТ-д хүргэж эмнэлгийн тусламж, үйлчилгээ үзүүлж байгаа&#8221; гэлээ.

ЦЕГ: Хайлаастад ноцтой осол гаргасан жолооч хааз, тоормосоо андуурсан эсэхийг шалгалтын явцад тогтооно DNN.mn

2024 оны эхний улиралд бүх төрлийн тээврээр 34.6 сая тонн ачаа тээвэрлэжээ.
Энэ нь өмнөх оны мөн үеэс 12.6 сая тонноор буюу 57.2 хувиар өссөн үзүүлэлт аж.  Үүнд авто тээврээр тээвэрлэсэн ачаа 87.6, төмөр замаар тээвэрлэсэн ачаа 5.2 хувиар өсжээ. Үүнийг дагаад авто тээвэр болон төмөр замын тээврийн орлого ч мөн өссөн байна. Энэ нь бүх төрлийн тээврийн орлого өсөхөд голлон нөлөөлжээ.
Бүх төрлийн тээврийн орлого 1.8 их наяд төгрөг хүрч, өмнөх оны мөн үеэс 41.7 хувиар өссөн байна. Авто тээврээр тээвэрлэсэн уул уурхайн бүтээгдэхүүний тээвэрлэлт сүүлийн гурван жилийн хугацаанд өсөж байгаа бөгөөд энэ оны эхний улиралд 97.8 хувийг эзэлжээ.
Мөн уул уурхайн бүтээгдэхүүний төмөр замын тээвэрлэлт төмөр замаар тээвэрлэсэн ачааны дүнд 92.3 хувийг бүрдүүлсэн байна. Уул уурхайн голлох бүтээгдэхүүн болох нүүрсний экспорт оны эхнээс дөрөвдүгээр сарын 7-ны өдөр хүртэлх хугацаанд 19 сая тонн хүрсэн. Энэ нь өмнөх оны мөн үеэс 27.9 хувиар өссөн болохыг Гаалийн ерөнхий газар мэдээллээ.

Хайх