<p>Монгол Улсын Ерөнхийлөгч Ухнаагийн Хүрэлсүхийн урилгаар төрийн айлчлал хийж буй Япон Улсын Цог Жавхлант Эзэн Хаан Нарүхито Техник, технологийн дээд сургуулийн харьяа “Монгол Коосэн” технологийн коллежид зочиллоо.</p>
<p>Эзэн Хаан Нарүхито коллежийн механик инженерчлэлийн ангиар зочлон багш, сурагчидтай уулзаж, чөлөөт ярилцлага хийлээ.</p>
<p>“Монгол Коосэн технологийн коллеж” нь Японы “коосэн” технологийн коллежийн хөтөлбөрийг загвар болгон технологи, инженерийн сургалт, судалгаа, аж үйлдвэрлэлийн салбарт “ноу-хау” нэвтрүүлдэг. Суурь боловсролтой хүүхэд, залуучуудыг 5 жилийн хугацаанд сургаж инженер бэлтгэдэг юм.</p>
<p>Монгол Улсын Засгийн газар, Японы Олон улсын хамтын ажиллагааны байгууллага (ЖАЙКА) хооронд 2014 онд байгуулсан зээлийн хэлэлцээрийн дагуу Боловсролын яамнаас “Инженер, технологийн дээд боловсрол” (1000 инженер) төслийг амжилттай хэрэгжүүлээд байна.</p>
<p>Манай улсад нэн шаардлагатай өндөр ур чадвар бүхий инженер, технологийн мэргэжилтэн бэлтгэх, инженерийн боловсролын чанарыг дээшлүүлэх, багшлах боловсон хүчний нөөцийг бэхжүүлэх, сургалт, судалгааны орчныг шинэчлэн сайжруулах төсөл хэрэгжүүлдэг.</p>
<p>Төслийн хүрээнд бакалаврын хамтарсан хөтөлбөрөөр 292, “коосэн” хөтөлбөрөөр 177, магистр 37, доктор 104, зэргийн бус богино хугацааны сургалтаар 488, нийт 1,098 оюутан, багш судлаач Японд боловсрол эзэмшиж, төгсөгчдийн 96 хувь нь мэргэжлийнхээ дагуу ажиллаж байна.</p>
<p>Одоогийн байдлаар Улаанбаатар хотноо ШУТИС-ийн харьяа “Технологийн коллеж”, “Монгол Коосэн технологийн коллеж”, “Шинэ Монгол технологийн коллеж” гэсэн гурван “коосэн” байдаг.</p>
<p>Мөн Дархан-Уул, Орхон, Өмнөговь аймагт гурван “коосэн” үйл ажиллагаа явуулж байна.</p>


Япон Улсын Цог Жавхлант Эзэн Хаан Нарүхито “Монгол Коосэн технологийн коллеж”-ид зочиллоо

<p>Баяр наадмын өдрүүдэд 24 цагаар ажиллах эрүүл мэндийн байгууллагуудтай холбоо барих утасны дугааруудыг хүргэж байна.<img loading="lazy" decoding="async" class="alignnone size-medium wp-image-649355" src="https://admin.dnn.mn/wp/wp-content/uploads/2025/07/Image-17-293x420.jpeg" alt="" width="293" height="420" srcset="https://admin.dnn.mn/wp/wp-content/uploads/2025/07/Image-17-293x420.jpeg?v=1752036899 293w, https://admin.dnn.mn/wp/wp-content/uploads/2025/07/Image-17.jpeg?v=1752036899 584w" sizes="auto, (max-width: 293px) 100vw, 293px" /></p>


Баяр наадмын өдрүүдэд 24 цагаар ажиллах эрүүл мэндийн байгууллагуудтай холбоо барих утасны дугаар

<p><em>Эрсдэлийн удирдлагын газрын хэлтсийн дарга, хошууч Ш.Анхтуяа,</em></p>
<p>“Улсын хэмжээнд долдугаар сарын 09-ний байдлаар 12 аймгийн 26 суманд усны ослын 42 тохиолдол бүртгэгдэж 27 иргэн амь насаа алдсаны найм нь хүүхэд байна. Энэ нь өнгөрсөн оны мөн үетэй харьцуулахад тохиолдлын тоо 27.6 хувь, амь насаа алдсан хүний тоо 32.5 хувиар тус тус буурсан хэдий ч  өнгөрсөн оны улсын баяр наадмын амралтын 5 хоногийн хугацаанд 18 иргэн усны ослоор амь насаа алдсан тохиолдол бүртгэгдсэн.</p>
<p>Тиймээс гол, нуурын эрэг дагуу амарч, зугаалж байгаа иргэд та бүхэн стандартын бус завь, хийлдэг гудас зэргийг ашиглахгүй байх, гол, мөрөн нуурын ойролцоо амарч зугаалахдаа сонор, сэрэмжтэй байх, гэр бүл найз нөхөд, хамт олноороо амралт зугаалгаар явахдаа нэгдсэн зохион байгуулалттай, нэгнийгээ бүртгэдэг байх, хүүхдийг гол усны эрэг дагуу явуулж, тоглуулахгүй байх, хүүхдэд тавих хараа, хяналтаа сайжруулах, согтууруулах ундаа хэрэглэсэн үедээ гол усанд орохгүй байх, баталгаатай гүүр, гарам, гарцтай газраар автомашинтай зорчиж гол, усны ослоос урьдчилан сэргийлэхийг анхааруулж байна” гэлээ.</p>
<p>6-р сарын 24-нөөс долдугаар сарын 4 хүртэл гэмт хэргийн шинжтэй гурав, зөрчлийн шинжтэй дөрвөн гомдол мэдээлэл бүртгэгдсэн. Дээр дурдсан дөрвөн гомдол мэдээлэлд мөрдөн шалгах ажиллагаа явуулахад хуурайшилт ихтэй газар аянга бууснаас ой хээрийн түймэр гарсан нөхцөл байдал тогтоогдоод байна.</p>
<p>Ой хээрийн түймрээс урьдчилан сэргийлэх чиглэлээр цагдаагийн байгууллагаас нэгдсэн болон хэсэгчилсэн арга хэмжээг орон нутгийн цагдаагийн байгууллагатай хамтран хэрэгжүүлж байгаа&#8221; гэлээ.</p>


Ш. Анхтуяа: Улсын хэмжээнд усны ослын 42 тохиолдол бүртгэгдэж 27 иргэн амь насаа алдсан

<p>Хэвлэлийн хуралд ОБЕГ-ын Гал түймэртэй тэмцэх газрын хэлтсийн дарга, дэд хурандаа П.Соронзонболд, Эрсдэлийн удирдлагын газрын хэлтсийн дарга, хошууч Ш.Анхтуяа, Экологийн цагдаагийн албаны Урьдчилан сэргийлэх хамтын ажиллагааны хэлтсийн дарга, цагдаагийн хурандаа З.Хүрэлбагана, ЦУОШГ-ын Урьдчилан мэдээлэх хэлтсийн ахлах мэргэжилтэн О.Оюунчимэг нар оролцож, мэдээлэл өгсөн юм.</p>
<p>Экологийн цагдаагийн албаны Урьдчилан сэргийлэх хамтын ажиллагааны хэлтсийн дарга, цагдаагийн хурандаа З.Хүрэлбагана “Он гарсаар долдугаар сарын 04-нийг хүртэлх хугацаанд ой, хээрийн түймрийн гэмт хэргийн шинжтэй 71, зөрчлийн шинжтэй 5 гомдол мэдээлэл бүртгэгдсэн. Үүнээс 12 гомдол мэдээлэлд хэрэг бүртгэлийн хэрэг нээж, 5 гомдол мэдээллийг харьяаллын дагуу шилжүүлж, 4 гомдол мэдээлэлд мөрдөн шалгах ажиллагаа явуулж байна. Эдгээр 4 гомдол, мэдээлэл нь эзэнгүй буюу цаг агаарын хуурайшил ихтэй газар аянга бууж гал гарсан болохыг мөрдөн шалгах ажиллагаагаар тогтоон ажиллаж байна. Нийт бүртгэгдсэн ой, хээрийн гал түймрийн 70 орчим хувийг ил задгай гал, асгасан үнс, нурам, тамхи, чүдэнз, автомашин техник хэрэгслийн яндан зэрэг хүний буруутай үйл ажиллагаанаас үүссэн нөхцөл байдал тогтоогдсон” гэв.</p>


З. Хүрэлбагана: Нийт бүртгэгдсэн ой хээрийн түймрийн 70 орчим хувь нь хүний буруутай үйлдлээс болж гарсан

<div id="news-content" class="content">
<div class="content-div">
<p class="grey_background">Баяр, наадмын амралтын өдрүүд тохиож байгаатай холбогдуулан ОБЕГ, ЦУОШГ, Экологийн цагдаагийн албанаас хамтран хэвлэлийн бага хурлыг өнөөдөр зохион байгууллаа.</p>
<p>Энэ үеээр ОБЕГ-ын Гал түймэртэй тэмцэх газрын хэлтсийн дарга, дэд хурандаа П.Соронзонболд: ”Улсын хэмжээнд өнөөдөр /2025.07.09/ 11:30 цагийн байдлаар нийт 12 түймэртэй байгаагаас 5 ой, хээрийн түймрийг цурамд оруулж, 7 түймрийг унтраахаар төв, орон нутгийн Онцгой байдлын байгууллагын 300 гаруй алба хаагч, орон нутгийн мэргэжлийн ангийн 80 гаруй хүн үүрэг гүйцэтгэж байна. Он гарсаар 170 удаагийн ой, хээрийн түймэр бүртгэгдсэн бөгөөд дээрх бүртгэгдсэн түймрийн 25 хувийг хиймэл дагуул буюу түймрийн дулааны цэг илрүүлэх сайтаар, 6 орчим хувийг нисдэг тэргээр тандалт хийн илрүүлж, шуурхай арга хэмжээг авч ажиллаж байна” гэв.</p>
</div>
</div>


Одоогийн байдлаар нийт 12 түймрээс 5 түймрийг цурамд оруулаад байна

<div>
<p class="">УИХ-ын Аюулгүй байдал, гадаад бодлогын байнгын хороо хуралдаж даргаа сонгох тухай асуудлыг хэлэлцлээ.</p>
</div>
<div>
<p class="">УИХ дахь МАН-ын бүлгийн дарга Ж.Бат-Эрдэнэ тус намын бүлгээс Аюулгүй байдал, гадаад бодлогын байнгын хорооны даргаар Г.Тэмүүлэнг улируулан сонгохоор нэр дэвшүүлэх шийдвэр гаргасныг танилцуулав. Түүний УИХ-ын гишүүнээр гурван удаа сонгогдож ажилласан ажлын туршлага, төрийн албанд ажилласан мэдлэг ур чадварыг нь харгалзан ийнхүү Байнгын хорооны даргаар улируулан сонгохоор нэр дэвшүүлж байгааг бүлгийн дарга Ж.Бат-Эрдэнэ тодотгосон.</p>
</div>
<div>
<p class="">Байнгын хорооны хуралдаанд оролцсон гишүүдийн олонх нь түүнийг Байнгын хорооны даргаар улираан ажиллуулахыг дэмжлээ. Үүнтэй холбогдуулан товч намтрыг нь танилцуулъя.</p>
</div>
<div>
<p class="">Г.Тэмүүлэн 1981 онд төрсөн, эхнэр гурван хүүхдийн хамт амьдардаг.</p>
</div>
<div>
<p class="">2003 онд “American university” сургуулийг олон улсын харилцааны бакалавр,</p>
</div>
<div>
<p class="">2005 онд тус сургуулийг Олон улсын удирдлагын магистр зэрэгтэй төгссөн.</p>
</div>
<div>
<p class="">2006-2009 онд Ашигт малтмал газрын тосны газрын Гэрээлэлтийн хэлтэст мэргэжилтэн, ахлах мэргэжилтэн, хэлтсийн дарга,</p>
</div>
<div>
<p class="">2009-2014 онд Төрийн өмчит “Эрдэнэс МГЛ” ХХК-д дэд захирал,</p>
</div>
<div>
<p class="">2013-2015 онд“Оюутолгой” ХХК-д Төлөөлөн удирдах зөвлөлийн гишүүн,</p>
</div>
<div>
<p class="">2014-2015 онд Монгол Улсын Уул уурхайн яамны дэд сайд,</p>
</div>
<div>
<p class="">2015 оноос Нийгмийн ардчилал монголын залуучуудын холбооны ерөнхийлөгч, Монгол ардын намын удирдах зөвлөлийн гишүүн,</p>
</div>
<div>
<p class="">2016-2020, 2020-2024 он, 2024 оноос УИХ-ын гишүүн,</p>
</div>
<div>
<p class="">2022-2024 онд УИХ-ын Төсвийн байнгын хорооны дарга,</p>
</div>
<div>
<p class="">2024 оноос УИХ-ын Аюулгүй байдал, гадаад бодлогын байнгын хорооны даргаар ажиллаж байгаа юм.</p>
</div>
<div>
<p class="">УИХ-ын Аюулгүй байдал, гадаад бодлогын байнгын хороонд дараах гишүүд харьяалагддаг.</p>
</div>
<div>
<p class="">1. Ч.Анар,</p>
</div>
<div>
<p class="">2. О.Амгаланбаатар,</p>
</div>
<div>
<p class="">3. Э.Бат-Амгалан,</p>
</div>
<div>
<p class="">4. Н.Батсүмбэрэл,</p>
</div>
<div>
<p class="">5. Д.Бум-Очир,</p>
</div>
<div>
<p class="">6. Э.Болормаа,</p>
</div>
<div>
<p class="">7. Д.Ганбат,</p>
</div>
<div>
<p class="">8. Л.Гантөмөр,</p>
</div>
<div>
<p class="">9. Х. Жангабыл,</p>
</div>
<div>
<p class="">10. Б.Жаргалан,</p>
</div>
<div>
<p class="">11. С.Лүндэг,</p>
</div>
<div>
<p class="">12. Ц.Мөнхбат,</p>
</div>
<div>
<p class="">13. Н.Наранбаатар,</p>
</div>
<div>
<p class="">14. П.Наранбаяр,</p>
</div>
<div>
<p class="">15. Н.Номтойбаяр,</p>
</div>
<div>
<p class="">16. Л.Оюун-Эрдэнэ,</p>
</div>
<div>
<p class="">17. Г.Очирбат,</p>
</div>
<div>
<p class="">18. Б.Тулга,</p>
</div>
<div>
<p class="">19. Х.Тэмүүжин,</p>
</div>
<div>
<p class="">20. Г.Тэмүүлэн,</p>
</div>
<div>
<p class="">21. Г.Хосбаяр,</p>
</div>
<div>
<p class="">22. Дам.Цогтбаатар</p>
</div>
<div>
<p class="">23. Ө.Шижир,</p>
</div>
<div>
<p class="">24. Б.Энхбаяр,</p>
</div>
<div>
<p class="">25. Ж.Энхбаяр,</p>
</div>
<div>
<p class="">26. Д.Энхтүвшин,</p>
</div>
<div>
<p class="">27. Л.Энхнасан,</p>
</div>
<div>
<p class="">28. С.Эрдэнэболд,</p>
</div>
<div>
<p class="">29. Р.Эрдэнэбүрэн.</p>
</div>
<div>
<p>&nbsp;</p>
</div>


Г.Тэмүүлэнг Аюулгүй байдал, гадаад бодлогын байнгын хорооны даргаар улираан ажиллуулахыг дэмжлээ

<div class="post-content">
<div>
<p class="">Налайх дүүргийн баяр наадам өнөөдөр болж байна. Баяр наадмын бөхийн барилдаанд улс, аймгийн алдар цолтой бөхчүүд барилдаж байна.</p>
</div>
<div>
<p class="">Бөхийн барилдааны хоёрын даваанд улсын цолтнууд сумын цолтнуудад уналаа. Тодруулбал, улсын гарьд Ш.Жаргалсайхан сумын заан Д.Далайбаярт, улсын харцага Ш.Уламбаяр сумын заан Д.Төгс-Эрдэнэд, улсын харцага Н.Батзаяа аймгийн начин Х.Хажыхалид унаж наадмын барилдаанаа өндөрлүүллээ.</p>
</div>
<div>
<p class="">Мөн улсын цолтой бөхчүүд энэ даваанд олон бөх уналаа. Улсын начин И.Ёндонсамбуу аймгийн харцага Н.Ширчинхүүд, улсын начин Р.Ганхуяг аймгийн заан О.Баяржаргалд, улсын начин Н.Мустафа цэргийн заан Ө.Батсуурьт унаж барилдаанаа дуусгалаа.</p>
</div>
<div>
<p class="">Налайхын наадмын бөхийн барилдаанд улсын цолтой 40 бөх барилдаж байгаагаас хоёрын даваанд 11 бөх аймаг, сум, цэргийн цолтой бөхчүүдэд уналаа.</p>
<div class="post-content">
<div>
<p class=""><b>ХОЁРЫН ДАВАА: </b></p>
</div>
<div>
<p class="">Улсын гарьд Ш.Жаргалсайхан – <b>сумын заан Д.Далайбаяр </b></p>
</div>
<div>
<p class=""><b>Улсын гарьд Ж.Бат-Эрдэнэ</b> – сумын заан Ц.Галсансанжаа</p>
</div>
<div>
<p class=""><b>Улсын заан Д.Баасандорж</b> – сумын заан М.Нармандах</p>
</div>
<div>
<p class=""><b>Улсын заан Б.Батмөнх</b> – сумын заан Б.Цагаанбанди</p>
</div>
<div>
<p class=""><b>Улсын заан Серик </b>– сумын заан Ц.Нямсүрэн</p>
</div>
<div>
<p class="">Улсын харцага Ш.Уламбаяр – <b>сумын заан Д.Төгс-Эрдэнэ </b></p>
</div>
<div>
<p class="">Улсын харцага Н.Батзаяа – <b>аймгийн начин Х.Хажыхали </b></p>
</div>
<div>
<p class="">Улсын начин И.Ёндонсамбуу – <b>аймгийн харцага Н.Ширчинхүү </b></p>
</div>
<div>
<p class="">Улсын начин Р.Ганхуяг – <b>аймгийн заан О.Баяржаргал </b></p>
</div>
<div>
<p class=""><b>Улсын начин Ч.Батчулуун</b> – аймгийн заан Т.Батсүрэн</p>
</div>
<div>
<p class="">Улсын начин Н.Мустафа – <b>цэргийн заан Ө.Батсуурь </b></p>
</div>
<div>
<p class="">Улсын начин Б.Бадамсүрэн – <b>аймгийн заан С.Оргилбаатар </b></p>
</div>
<div>
<p class="">Улсын начин Д.Тамир – <b>аймгийн арслан Э.Мөнх-Эрдэнэ </b></p>
</div>
<div>
<p class="">Улсын начин Д.Амаржаргал – <b>аймгийн арслан О.Баярбаасан </b></p>
</div>
<div>
<p class="">Улсын начин Н.Оргилболд – <b>аймгийн арслан Н.Намнансүрэн </b></p>
</div>
<div>
<p class="">Улсын начин О.Түмэн – <b>аймгийн арслан Х.Наранбаяр </b></p>
</div>
</div>
<div class="mt-5 mb-4"></div>
</div>
</div>
<div class="mt-5 mb-4"></div>


Хайх