Өвөр гүнтийн 4.5 км авто замыг энэ онд шинэчлэхээр төлөвлөсөн.
Үүний эхний 2 км авто замыг шинэчилж байна.
Уг замыг маргааш 06:00 цаг нээнэ.
Иймд иргэд, жолооч та бүхэн бусад замыг сонгон хөдөлгөөнд оролцоно уу.
<img decoding="async" src="https://scontent.fuln1-2.fna.fbcdn.net/v/t39.30808-6/505898433_122208540236257880_2528803185461983954_n.jpg?stp=cp6_dst-jpg_tt6&amp;_nc_cat=108&amp;ccb=1-7&amp;_nc_sid=833d8c&amp;_nc_ohc=GBpX0ehz8ggQ7kNvwEEjxwd&amp;_nc_oc=AdnLkAkRQIWAVgiJDuqUqHmFLzIsF26Jfht5gnIEmDhmCAQMkWOJn5LV4krqKcpK0d4&amp;_nc_zt=23&amp;_nc_ht=scontent.fuln1-2.fna&amp;_nc_gid=Oaqy5oU4ztt382zwVaVopQ&amp;oh=00_AfNhK6Q-Wuy58ZrnPU0TJESJhdFXFTNdOyXC-GpnbyPbGA&amp;oe=6853EE3B" alt="" width="100%" />

Өвөр гүнтийн 2 км авто замыг маргааш 06:00 цаг нээнэ

Ирэх долоо хоногт УИХ-ын чуулганаар хэлэлцэх асуудлууд

Энх тайвны төлөө тив дэлхийн өнцөг булан бүрээс ирсэн 24 орны төрийн далбаа  “Тавантолгой” дахь Зэвсэгт хүчний Сургалтын нэгдсэн төвд зэрэгцэн мандаж, “Хааны эрэлд-2025” энхийг дэмжих ажиллагааны олон улсын сургууль өчигдөр нээлтээ хийсэн.
Тус сургуулийн нээлтийн ажиллагаанд УИХ-ын дэд дарга Б.Пүрэвдорж, Зэвсэгт хүчний Жанжин штабын дарга хошууч генерал С.Ганбямба болон БХЯ, ЗХЖШ-ын удирдлага, төрийн цэргийн болон хууль сахиулах байгууллагын дарга нар, төрлийн цэргийн командлагч, удирдах газрын дарга нар, Монгол Улсад суугаа Элчин сайдууд, цэргийн атташе нар тэргүүтэй хүндэт зочид болон 24 орны цэрэг дайчид, хэвлэл мэдээллийн байгууллагын төлөөлөл оролцлоо.
<img decoding="async" class="graf-image" src="https://cdn-images-1.medium.com/max/800/1*iokphtpLoMjWK2Oq9sypqw.jpeg" data-image-id="1*iokphtpLoMjWK2Oq9sypqw.jpeg" data-width="1215" data-height="810" data-delayed-src="https://cdn-images-1.medium.com/max/800/1*iokphtpLoMjWK2Oq9sypqw.jpeg" />
УИХ-ын дэд дарга Б.Пүрэвдорж тус сургуулийн нээлтийн ажиллагааны үеэр хэлсэн үгэндээ “Дэлхийн улс орнууд энх тайван, тогтвортой байдлыг бэхжүүлэх талаар ихээхэн хүчин чармайлт гарган аливаа зөрчил, маргаантай асуудлыг улс төр-дипломатын аргаар, эв зүйгээр шийдвэрлэхийг эрмэлзэж байгаа боловч олон улсын аюулгүй байдлын нөхцөл улам бүр ээдрээтэй, тодорхой бус, урьд өмнө тохиолдож байгаагүй шинж чанартай болж буй энэ үед улс орнуудын эв санааны нэгдэл, хамтын хариуцлага, энхийг эрхэмлэх үзэл урьд урьдаас илүү чухал болж байна. “Хааны эрэлд” олон улсын сургуулийн үйл ажиллагаа нь энхийг дэмжих ажиллагааны олон улсын хамтын ажиллагааг гүнзгийрүүлж, улс орнуудын хоорондын харилцан итгэлцэл, ойлголцлыг бэхжүүлэхэд чухал гүүр болж ирсэн. Энэ сургуулийн цар хүрээ, хамрах оролцоо, агуулга, хөтөлбөр жилээс жилд өргөжин тэлж, дэлхий нийтийн энх тайвны төлөөх бодит хувь нэмрийн илэрхийлэл болсоор байна” гэдгийг онцлон тэмдэглэлээ.
Мөн тэрээр даян дэлхийн энхийн төлөө зорилгод нэгдэн Монгол эх оронд морилон саатсан гадаадын цэргийн алба хаагчдад сургуульдаа хамтран оролцож, мэдлэг, дадлага, ур чадвар, туршлагаа арвижуулахын зэрэгцээ нүүдэлчин соёл иргэншлийн хосгүй өвийг өнөө хүртэл уламжлан хадгалж үлдсэн монгол туургатны зан заншил, ахуй соёл, түүх цадигтай танилцаж, амьдралдаа үргэлжид дурсагдах гэгээн бүхнийг сэтгэлдээ тээн эх орондоо буцаж, улс орнуудын найрамдал, эв санааны нэгдэл, нөхөрлөлийн гүүр, эрхэм дотны анд нөхөд болохыг ерөөв.
Монгол Улс болон Америкийн Нэгдсэн Улсын батлан хамгаалах салбарын хамтын ажиллагааны хүрээнд хоёр талын хамтарсан сургууль хэлбэрээр анх зохион байгуулагдсанаас хойш өдгөө олон улсын статустай болон өргөжиж, дэлхийн 70 гаруй орны 20 мянга орчим цэргийн алба хаагчийг хамруулаад байгаа уг сургууль нь оролцогч улс орнуудын энхийг дэмжих ажиллагааны чадавхыг нэмэгдүүлэх, найрамдал нөхөрлөл, хамтын ажиллагаа, цэргийн итгэлцлийг бэхжүүлэхэд үнэтэй хувь нэмэр оруулдаг ач холбогдолтой.

<img decoding="async" class="graf-image" src="https://cdn-images-1.medium.com/max/800/1*bysyd47dp79TMhY1uc6SoQ.jpeg" data-image-id="1*bysyd47dp79TMhY1uc6SoQ.jpeg" data-width="1215" data-height="810" data-delayed-src="https://cdn-images-1.medium.com/max/800/1*bysyd47dp79TMhY1uc6SoQ.jpeg" />
<img decoding="async" class="graf-image" src="https://cdn-images-1.medium.com/max/800/1*_Lv43-6uG2od9s2YpzGBmg.jpeg" data-image-id="1*_Lv43-6uG2od9s2YpzGBmg.jpeg" data-width="1215" data-height="810" data-delayed-src="https://cdn-images-1.medium.com/max/800/1*_Lv43-6uG2od9s2YpzGBmg.jpeg" />
<img decoding="async" class="graf-image" src="https://cdn-images-1.medium.com/max/800/1*sOGy2BltHhnvLXBq5nD07A.jpeg" data-image-id="1*sOGy2BltHhnvLXBq5nD07A.jpeg" data-width="1215" data-height="810" data-delayed-src="https://cdn-images-1.medium.com/max/800/1*sOGy2BltHhnvLXBq5nD07A.jpeg" />
<img decoding="async" class="graf-image" src="https://cdn-images-1.medium.com/max/800/1*VqMdEh3xkkjPYuxEFw4C5A.jpeg" data-image-id="1*VqMdEh3xkkjPYuxEFw4C5A.jpeg" data-width="1215" data-height="810" data-delayed-src="https://cdn-images-1.medium.com/max/800/1*VqMdEh3xkkjPYuxEFw4C5A.jpeg" />

“Хааны эрэлд-2025” 24 орны цэрэг дайчид оролцож байна

Улаанбаатар хотын эрчим хүчний систем 2023-2024 онд шилжих өвөл 200 МВт чадлын дутагдалд орсон. Тэгвэл Бөөрөлжүүтийн цахилгаан станцын 150 МВт хүчин чадалтай I блок, Багануурын 50 МВт хүчин чадалтай батарей станцыг Улаанбаатар хот анх удаа дотоодын бонд босгож, богино хугацаанд буюу өнгөрсөн 2024 онд ашиглалтад оруулснаар чадлын дутагдлыг нөхсөн билээ. Үргэлжлүүлэн Бөөрөлжүүтийн цахилгаан станцын II блокийн барилга угсралтын ажлыг эхлүүлсэн бол тус блокийг ирэх арванхоёрдугаар сард ашиглалтад оруулахаар 1000 орчим инженер, техникийн ажилтан ажиллаж байна. Бөөрөлжүүтийн цахилгаан станц дээр өнөөдөр хотын дарга Х.Нямбаатар болон албаны хүмүүс ажиллалаа.
<img decoding="async" src="https://ulaanbaatar.mn/files/mn/images/eroncqtbl07/684d22a458634c4a0f5601be.jpg" />
Бөөрөлжүүтийн цахилгаан станц Диспетчерийн үндэсний төвөөс өгсөн горим, төлөвлөгөөний дагуу цахилгаан эрчим хүчний захиалгыг тасралтгүй биелүүлэн төвийн бүсийн нэгдсэн системд нийлүүлдэг. Өнөөдрийг хүртэл нийт 350 сая киловатт.цаг эрчим хүч үйлдвэрлэж, Улаанбаатар хотын төдийгүй төвийн бүсийн эрчим хүчний системд ихээхэн хувь нэмрээ оруулаад байна.
<img decoding="async" src="https://ulaanbaatar.mn/files/mn/images/8fk96bwsmmq/684d200b58634c4a0f5601b6.jpg" />
Бөөрөлжүүтийн цахилгаан станцад ажиллах үеэр хотын дарга Х.Нямбаатар “Саяхан дулааны гуравдугаар цахилгаан станцад харамсалтай осол гарч, хэд хэдэн турбин генераторд гэмтэл үүссэн. Мөн Эрдэнэтийн ДЦС-ын 12 МВт зогссон гэсэн мэдээлэл аваад байна. Ирэх өвөл дахин эрчим хүчний чадлын дутагдалд орох эрсдэлтэй. Тиймээс дутагдлыг нөхөх, эрчим хүчний салбарын үйл ажиллагааг дэмжихэд Бөөрөлжүүтийн цахилгаан станцын II блок болох 150 МВт станц чухал үүрэг гүйцэтгэнэ. Энэ бол Улаанбаатар хот 2024 онд анх удаа дотоодын зах зээлд бонд гаргаж, эрчим хүчний салбарт 350 МВт станц барихад хөрөнгө оруулалт хийсний үр дүн юм. Мөн үргэлжлүүлэн Бөөрөлжүүтийн 300 МВт хүчин чадалтай III, IV блокийг барих тухайд хэлэлцээр хийж байна. Өнөөдөр Багануур дүүргийн нутаг дэвсгэрт нийслэл Улаанбаатар хотын 100 хувийн өмчлөлийн батарей станц мөн бүрэн хүчин чадлаараа ажиллаж байгаа. Энэ жил эрчим хүчний салбарт төр, хувийн хэвшлийн түншлэлийн оролцоог хангаж, Хүннү хотод 300 МВт нарны станц, 90 МВт батарей станц хосолсон сэргээгдэх эрчим хүчний төслийн тендер сонгон шалгаруулалтыг зарласан. Морингийн давааны төвлөрсөн хогийн цэгийг түшиглэн Улаанбаатар хотын ахуйн болон үйлдвэрлэлийн хог хаягдлыг шатааж, 34 МВт эрчим хүч гаргаж авах төр, хувийн хэвшлийн түншлэлийн төслийн сонгон шалгаруулалт явагдаж байгаа. Түүнчлэн Улаанбаатар хотын бохирын үнэрийг шийдэх зорилгоор төв цэвэрлэх байгууламжийн лагийг шатааж 10 МВт эрчим хүч үйлдвэрлэх төслийн хөрөнгө оруулалтыг босгож байна. Долоодугаар сарын эхээр ТЭЦ-5 төслийн тендер сонгон шалгаруулалт дуусна” гэв.
<img decoding="async" src="https://ulaanbaatar.mn/files/mn/images/bxkxs54hzyr/684d22ba58634c4a0f5601bf.jpg" />
Улаанбаатар хотын эрчим хүчний үйлдвэрлэлийг бодитоор нэмэгдүүлж, иргэд, ААНБ-ын ажиллаж, амьдрах, үйлдвэрлэл, үйлчилгээ явуулах суурь шалтгааныг шийдэж өгөх нь нэн тэргүүний ажил бөгөөд цаашид ч Эрчим хүчний яамтай хамтран Улаанбаатар хотын төдийгүй төвийн бүсийн эрчим хүчний хэрэглээг хангах эх үүсвэрүүдийг барьж байгуулахад төслүүдийг амжилттай хэрэгжүүлнэ гэдгийг хотын дарга Х.Нямбаатар тодотголоо.

Бөөрөлжүүтийн цахилгаан станцын 150 МВт хүчин чадалтай II блокийг арванхоёрдугаар сард ашиглалтад оруулна

Халдварт өвчин судлалын үндэсний төвөөс улаанбурхан өвчний нөхцөл байдлын талаар мэдээлэл өглөө. Өнөөдөр буюу 2025 оны зургаадугаар сарын 15-ны байдлаар нийт улаанбурхан өвчний лабораториор батлагдсан тохиолдол 7454, эмнэлэгт хэвтэн эмчлүүлж байгаа 634, гэрээр 1156, эдгэрсэн 5659, Хавьтал 62 455, нас баралт 5 байна.
Улаанбурхан өвчин нь халдварлалт өндөртэй ч вакцинаар сэргийлэгдэх боломжтой халдварт өвчин юм. Улаанбурхан өвчний тохиолдлууд ихэвчлэн Ерөнхий боловсролын сургуульд голомтлон гарч байгаатай холбоотой хамт сурдаг, ажиллаж байгаа хүүхэд, иргэд халдвараас сэргийлэх үүднээс улаанбурханы эсрэг вакцинд хамрагдан өөрийгөө болон бусдыг улаанбурхан өвчнөөс хамгаалах боломжтой юм.
Эрүүл мэндийнхээ төлөө иргэн бүр хариуцлагатай байж, халдвараас сэргийлцгээе.

<img decoding="async" class="graf-image" src="https://cdn-images-1.medium.com/max/800/1*GHuKO81Q3rK8jQIfklrJpg.jpeg" data-image-id="1*GHuKO81Q3rK8jQIfklrJpg.jpeg" data-width="1632" data-height="1440" data-delayed-src="https://cdn-images-1.medium.com/max/800/1*GHuKO81Q3rK8jQIfklrJpg.jpeg" />

Улаанбурхан өвчний лабораториор батлагдсан тохиолдол 7454 болжээ

Монгол Улсын Ерөнхийлөгч Ухнаагийн Хүрэлсүхийн төрсөн өдрийг тохиолдуулан гадаадын орнуудын төрийн тэргүүн нар мэндчилгээ дэвшүүлсээр байна.
БНХАУ-ЫН ДАРГА ШИ ЖИНЬПИН:
Хятад, Монгол хоёр улс уул, усаар холбогдсон сайн хөрш, сайн түнш билээ. Та Хятад, Монголын Иж бүрэн стратегийн түншлэлийн харилцааны хөгжилд түлхэц үзүүлж, найрсаг хамтын ажиллагаанд урт хугацааны турш анхаарч, дэмжиж ирсэн. Миний бие Хятад, Монголын харилцааг хөгжүүлэхийг чухалчилдаг бөгөөд Тантай хамтран улс төрийн харилцан итгэлцлийг бэхжүүлэн, найрсаг хамтын ажиллагааг гүнзгийрүүлж, бүтээн байгуулалтыг харилцан дэмжиж, хоёр улсын ард түмэнд үр шимийг нь хүртээх, бүс нутгийн энх тайван, тогтвортой байдал, хөгжил цэцэглэлтэд хувь нэмрээ оруулахад бэлэн байна. Танд эрүүл энх, сайн сайхан бүхнийг хүсэн ерөөе.
БҮГД НАЙРАМДАХ КАЗАХСТАН УЛСЫН ЕРӨНХИЙЛӨГЧ КАСЫМ-ЖОМАРТ ТОКАЕВ:
Таны манлайлагч чанар, удирдлага дор Монгол Улсын нийгэм, эдийн засаг хөгжиж, олон улсын тавцанд нэр хүндээ бэхжүүлж байна. Манай хоёр оны найрамдал, харилцан хүндлэл, Стратегийн түншлэлд суурилсан харилцаа, хамтын ажиллагаа цаашид эрчимтэй хөгжинө гэдэгт итгэлтэй байна. Танд болон Монголын ард түмэнд хөгжил, дэвшил, цэцэглэлт хүсэн ерөөе.
БҮГД НАЙРАМДАХ УЗБЕКИСТАН УЛСЫН ЕРӨНХИЙЛӨГЧ ШАВКАТ МИРЗИЁЕВ:
Танд чин сэтгэлийн мэндчилгээ дэвшүүлж, сайн сайхан бүхнийг хүсэн ерөөе. Таны хэрэгжүүлж байгаа тууштай бодлого, шинэчлэлийн дүнд Монгол Улс хөгжин дэвжиж, олон улсын тавцанд нэр хүнд, нөлөө өсөн нэмэгдэж байна. Өнгөрсөн онд манай улсад хийсэн таны төрийн айлчлалын үеэр харилцан тохиролцсон зүйлс бидний хамтын ажиллагааг шинэ түвшинд гаргахад чухал түлхэц болсныг онцлон тэмдэглэе. Удахгүй танай сайхан оронд хийх төрийн айлчлалын үеэр эдийн засаг, хөдөө аж ахуй, уул уурхай, химийн үйлдвэрлэл, эм зүй, цахилгаан техник, тээвэр, соёл, хүмүүнлэг зэрэг салбарын харилцаа, хамтын ажиллагаанд шинэ хуудас нээнэ гэдэгт итгэлтэй байна. Танд болон Монголын найрсаг ард түмэнд энх тайван, аюулгүй байдал, хөгжил цэцэглэлт хүсэн ерөөе.
ОХУ-ЫН ТӨРИЙН ДУМЫН ДЕПУТАТ С.М.МИРОНОВ:
Та өнгөрсөн хугацаанд “Баялагтаа эзэн Монгол” уриа дэвшүүлж, бодит үр дүн гарган, хамгийн ойрын түнш ОХУ-тай харилцан ашигтай, олон талт, найрсаг харилцааг хөгжүүлж байна. Манай хоёр улсын Стратегийн түншлэлийн харилцаа хоёр орны ард түмнүүдийн тусын тулд улам бэхжинэ гэдэгт итгэлтэй байна. Танд болон Монголын ард түмэнд амжилт, сайн сайхан бүхнийг хүсэн ерөөе.

Гадаад улс орнуудын төрийн тэргүүн нар Ерөнхийлөгч У.Хүрэлсүхэд мэндчилгээ дэвшүүлсээр байна

Хариуцлага тооцжээ.
Цахим зөрчлийг шалгасан талаар: 
Олон нийтийн сүлжээ Facebook дэх “Paparazzi Traffic Mongolia” хуудсанд тавигдсан 2025 оны 06 дугаар сарын 12-ны өдөр “СБД-ийн 14 дугаар хороо 7 буудал орчмын 
урд замд урсгал сөрсөн гэх” гэх мэдээллийг шалгахад Toyota prius маркийн тээврийн хэрэгслийн жолооч нь хориглосон нөхцөлөөр урсгал сөрсөн байх тул Зөрчлийн тухай хуулийн 14.7 дугаар зүйлийн 30 дэх хэсэгт заасны дагуу 3 сар жолоодох эрхийг хасаж, 50 нэгж буюу 50.000 төгрөгийн торгуулийн арга хэмжээ тооцов.
Иргэд, жолооч та бүхэн замын хөдөлгөөний дүрмээ баримтлан бусдад хүндэтгэлтэй хандаж, хөдөлгөөнд соёлтой оролцохыг зөвлөж байна.

ТЦА: Урсгал сөрсөн жолоочид хариуцлага тооцов

Аялгуу сайхан монгол хэлээ нандигнан хайрлаж, цэвэр ариунаар хадгалж явах нь монголчууд бидний эрхэм үүрэг. Харамсалтай нь, өнөөдөр ялангуяа залуусын дунд монгол хэлээрээ зөв, цэгцтэй, утга найруулга төгөлдөр ярьж, бичих чадвар суларсаар байна. Энэ нь ерөнхий боловсролын сургуульд эх хэлний хичээл хангалттай үр дүнтэй явагдахгүй байгаагийн илрэл гэчихвэл хэтийдсэн болохгүй биз.
Найруулга зүйн дасгал дутмаг, уран зохиол унших цаг хомсоос гадна гадаад хэл, технологи хүчтэй нөлөөлсөөр байна. Тухайлбал, англи, солонгос зэрэг гадаад хэлний нөлөө ихэсч, холимог үг хэрэглэдэг болсон нь эх хэлний гажуудалд томоохон жин дарж буй. Жишээлбэл: “Чатлая”, “Аппаа татсан уу”, “Контентоо шэйрлэчих” гэх мэтчилэн эх сайхан хэлээ гадаад хэлтэй холивол хэлний дархлаа сулрах аюултай билээ.
Өнөөдөр нийгмийн сүлжээ ашиглахгүй монгол хүн гэж бараг байхгүй болсон. Гэвч нийгмийн сүлжээнд дүрмийн алдаатай, хэт товчилсон, доромж, бүдүүлэг үг хэллэг бүхий видео, бичлэгүүд түгээмэл болсон нь харамсалтай.
УИХ-ы н г ишүүдээсээ эхлээд хүний санаанд оромгүй үг хэллэгээр ярьж, өөр хоорондоо дайсагналцаж, бусдыг доромжилж байна. Нийгэмд нөлөө бүхий эрхмүүд, өөрсдийгөө инфлүүнсэр, көүч гэж өргөмжилсөн эрээвэр хураавар нөхөд ч элдэв хараал урсгаж, эх сайхан хэлийг минь гутаан доромжлоод зогсохгүй нийгмийн сүлжээ хэрэглэгч хүүхэд, залууст маш буруу үлгэр дуурайл үзүүлсээр байгааг анхаарах цаг болжээ.
Олон нийтийн сүлжээнд хэлний хэрэглээний хяналт, стандарт бий болгох шаардлагатай санагдана. Үүнээс өмнө эхлээд томчууд бид нийгмийн сүлжээнд зөв бичиж, монгол хэлээ цэвэр хэрэглэж, хүүхэд залуустаа үлгэрлэх нь юу юунаас чухал байна.
Монгол хэл бол бидний үнэт өв. Цахим орчинд ч гэсэн “Монгол хүн монгол хэлээрээ зөв ярьж, бодож бичих нь монгол соёлын суурь баталгаа болох юм.

Хайх