Улаан бурхан өвчин нь вирусээр үүсгэгддэг цочмог халдварт өвчин юм. Агаар дуслын замаар буюу халдвартай хүн ханиаж найтаах төдийд маш амархан халдварлана. Уг өвчнөөр бага насны хүүхэд өвдсөн тохиолдолд хүндрэх, эндэх эрсдэл өндөр байдаг.
Халдварт өвчин дотроос халдварлах чадавхиараа хамгийн өндөрт ордог өвчний нэг бөгөөд халдварлалтын индекс нь 96-98 хувь юм. Улаанбурханаар өвдсөн 5 хүн тутмын 1 нь хүндрэх эрсдэлтэй. Уушгины хатгалгаа, тархины үрэвслээр хүндэрч болзошгүй бөгөөд улмаар үхэлд хүргэх аюултай.
&nbsp;
<img decoding="async" class="graf-image" src="https://cdn-images-1.medium.com/max/800/1*NqIrdBcTPTzDID2iF9qrbg.jpeg" data-image-id="1*NqIrdBcTPTzDID2iF9qrbg.jpeg" data-width="1081" data-height="1080" data-delayed-src="https://cdn-images-1.medium.com/max/800/1*NqIrdBcTPTzDID2iF9qrbg.jpeg" />

ХӨСҮТ: Улаанбурханаар өвдсөн 5 хүн тутмын 1 нь хүндрэх эрсдэлтэй

Жил жилийн хавар тохиодог, гэр бүлийн хувьд хүндхэн даваа байдаг ч гэгээн гэрэлт дурсамж үлдээдгээрээ хосгүй нэгэн үйл явдлыг бид Хонхны баяр гэж нэрийддэг. Ёстой л үртэй бүхэн үймж догдолдог баяр.
Яаж зүгээр байх вэ дээ. Хонхны баяр тойрсон хэл ам дандаа гардаг. Тэр нь голдуухан нийллэгийн мөнгөтэй холбоотой. Жил ирэх тусам мөнгө нь нэмэгдэж байна, гадаад оронд ингэдэггүй ёслоод л өнгөрдөг, цэцэрлэг хүртэл мөнгө хураалаа гээд л ам амандаа шуугьдаг ч нэг мэдэхэд даваад л гарсан байдаг. Нэг гэр бүлийн 34 хүүхдийн төгсөлтийн баяр давхцах асуудал мэдээж, тухайн айлд хүнд тусна. Гэхдээ хүүхдийнх нь сэтгэлд анги хамт олноороо хөхин баясаж өнгөрүүлсэн тэр төгсөлтийн баярын дурсамж насан туршид нь гэгээ татуулсаар байдаг юм.
Үнэндээ хэл ам таталдаг аав, ээжүүд өөрсдөө төдөн төгрөгөөр нийлье, ганцхан удаа юм чинь гэх санаачилгыг гаргадаг “буруутан” байдаг нь үнэн шүү. За тэгээд мөнгөний асуудлаа шийдсэний дараа хонхны баярын тов гарсан өдөр хүртэл эцэг эхчүүд өөрсдөө ёстой уяаны морьд шиг дэрвэж гарна даа. Эгээ л өөрсдөө төгсөх гэж байгаа юм шиг.
Жинхэнэ төгсөлтийн өдөр нь сургуулийн үүдэнд эгнэн зогсох үүргийн худалдаачдаас хамгийн том цэцгийн баглааг худалдаж аваад л хүүхдээ хайна. Эгнэн зогссон, ижилсэн гоёсон тэр олон хүүхдүүдээс өөрийнхөө үрийг олж харах, тэднээрээ бахархах гэдэг утгаараа аав ээжүүдийн баяр бахдал байдаг. Үе тэнгийнхэнтэйгээ хөтлөлцөөд алхах үр нь тэр мөчид хэрхэн хөл, хэлд орж байснаас эхлээд өнөөдөр сургууль төгсөж байгаа хүртэлх хугацаа дэлгэцийн зураг шиг нүдний өмнүүр жирэлзэн өнгөрч нүдэнд нулимс ивлээд ирдэг юм билээ.
Хэнзхэн охин минь ЕБС-иа төгссөн учраас энэ баярыг илүүтэй мэдэрлээ. Хонхны баярыг нь сэтгэл гаргаж, тэмдэглэж өгсөн эцэг эхчүүддээ тэд үнэхээр баярладаг юм байна. Тиймдээ ч тэд маань сэтгэлийн үгээ хэлдэг ажээ. Миний охин надад “Ээж ээ, өлөнгийн комплексгүй өсгөж, өдий хүргэсэнд баярлалаа” гэсэн. Дээр нь нэмээд “Энд би хоол яриагүй шүү, сэтгэлийн хувьд, хүний мөн чанартай байхын тухайд хэлж байгаа юм” гэж тодотгоно лээ. Үүнээс сайхан зүйл гэж хаана байх вэ. Хүүхэд бүр ээж, аавдаа чин сэтгэлийн үгээ хэлж, тэд нь үр хүүхдээрээ бахархаж бахаддаг сайхан баяр юм аа, Хонхны баяр.
Н.Саранчимэг
&nbsp;

Үрсээрээ бахархдаг Хонхны баяр сэтгэлд хамгийн гэгээн

“Өдрийн сонин”-ы цахим хувилбарыг “Qpay” ашиглан захиалан унших боломжтой боллоо. Өмнө нь цахим “Өдрийн сонин”-ыг уншихын тулд “Голомт”, “Худалдаа хөгжлийн банк”, “Хаан” банкаар дамжуулан төлбөрөө төлдөг байсан бол одоо илүү хялбар болж “Qpay” сонголт нэмэгдэж байна.
Ингэснээр уншигч танд олон үйлдэл хийлгүйгээр “Өдрийн сонин”-д нийтлэгдсэн хөрөг, ярилцлага, сурвалжлага, зарлал, тендерийн зар зэрэг өөрт хэрэгтэй мэдээ мэдээллээ цаг алдалгүй хялбараар унших боломж бүрдлээ.
Уншигч та цахим “Өдрийн сонин”-ыг захиалахын тулд Өдрийн сонин апп болон <a style="color: #0000ff;" href="https://tsahim.dnn.mn/">Tsahim.dnn.mn</a> сайт нэвтэрч сониноо захиалан уншаарай. Хэрэв та бүртгэлгүй бол БҮРТГҮҮЛЭХ гэснийг дарж бүртгэл үүсгэнэ.
Та ЭРХ СУНГАХ гэсэн хэсгийг дарж хугацаагаа сонгосноор банкны barcode гэсэн сонголт гарч ирнэ. Мөн та Голомт, Худалдаа хөгжлийн банк, Хаан банкны эрхээр нэвтэрч төлбөрөө төлөх боломжтой.
Уншигч та цахим “Өдрийн сонин”-ыг нэг өдрөөр худалдан авах бол 2000 төгрөг, нэг сараар бол 9000, жилээр 108.000 төгрөг гэсэн сонголтуудаас сонгон barcode-ыг уншуулахад л хангалттай.
&nbsp;
www.tsahim.dnn.mn,
Twitter: DNN_MN
Facebook: DNN.MN
Instagram:dnn_mn
E-mail: udriinsonind@gmail.com

“Qpay” ашиглан цахим “Өдрийн сонин”-ыг уншаарай

Хүүхэд байхад наадмыг ер тоодоггүй байж билээ. Надаас бусад нь наадам гээд хөл нь газар хүрэхгүй л хөөрдөг сөн. Учир нь наадмаар Цагаан сар, Шинэ жил шиг бэлэг өгдөггүй гэж бодохоор муухай баяр гэж төсөөлдөг байлаа. Яах вэ морь унадаг хүүхдүүдэд бол гоё л байсан байх.
Би сумын төвийн хүүхэд, дээр нь үеийнхнээсээ жаахан биеэрхүү байсан учраас морь малнаас багасаа хол өссөн дөө. Харин одоо хаврын цас хайлж, шинэ ногоо цухуйхтай зэрэгцээд л наадам боллоо доо, энэ жил хэн түрүүлдэг бол, хэний морь торгон жолоогоо өргөх бол гэх бодол өөрийн эрхгүй сэтгэл баясгана.
Нийгэмд улс төр хаашаа эргэх бол, хэнд хариуцлага тооцож, хэний хулгай, луйвар илчлэгдэж, хэн нь албан тушаалын төлөө үхэлдэн тэмцэх бол гэж харах хэсэг байхад, наадам хаяанд ирлээ, энэ жил манай нутгийн тэр бөх цол авах болов уу, хэний морь айрагдах бол, ямар шинэ мэргэн цолтон төрөх бол хэмээн өөр хоорондоо ярилцаж, өнгөрсөн жилийн наадмын дурсамжаа хуваалцах хүмүүс ч олон байна.
Нээрээ энэ жил хэн түрүүлэх бол оо. Улсын аварга О.Хангай түрүүлж даян болчих юм биш биз дээ. Үгүй юм аа гэхэд чансаагаараа тэргүүлж байгаа улсын заан Б.Бат-Өлзий цолоо ахиулах байлгүй&#8230; Одоо та намайг аль нутгийн хүн болохыг мэдсэн байх&#8230;
&nbsp;
&nbsp;

Наадам айсуй…

02-нд төв болон зүүн аймгуудын нутгийн зарим газраар, 03-нд Хөвсгөл, Хэнтийн уулархаг нутаг болон Халх голын сав газраар, 04-нд Монгол-Алтай, Хангай, Хөвсгөл, Хэнтийн уулархаг нутаг, Хэрлэн, Онон, Улз, Халх голын сав газраар, 05-нд баруун аймгуудын нутгийн зарим газар, төвийн аймгуудын нутгийн баруун, зүүн аймгуудын нутгийн зүүн хэсгээр, 06-нд Хөвсгөлийн уулархаг нутгаар бороо, уулаараа нойтон цас орно.
Салхи: 06-р сарын 01-нд нутгийн зарим газраар, 02-04-нд говь, тал хээрийн нутгаар секундэд 15-17 метр хүрч ширүүснэ.
Агаарын температур: Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс, Эг, Үүр голын хөндийгөөр шөнөдөө -2&#8230;+3 градус дулаан, өдөртөө +13&#8230;+18 градус, говийн бүс нутгийн өмнөд хэсгээр шөнөдөө +8&#8230;+13 градус, өдөртөө +26&#8230;+31 градус, Их нууруудын хотгор болон говийн бүс нутгийн хойд хэсгээр шөнөдөө +5&#8230;+10 градус, өдөртөө +21&#8230;+26 градус, бусад нутгаар шөнөдөө +2&#8230;+7 градус, өдөртөө +15&#8230;+20 градус дулаан байна. 06 дугаар сарын 01-нд төв болон зүүн аймгуудын нутгаар сэрүүхэн байна.
Улаанбаатар хот орчмын 10 хоногийн цаг агаарын урьдчилсан төлөв
Хур тунадас: 31-нээс 6 дугаар сарын 01-нд шилжих шөнө, 01-ний өдөр бага зэргийн бороо орно. Бусад хугацаанд бороо орохгүй.
Салхи: Ихэнх хугацаанд секундэд 5-10 метр, 01-нд баруун өмнөөс хойш эргэж секундэд 7-12 метр хүрч ширүүснэ.
Агаарын температур: 06 дугаар сарын 01-нд сэрүүхэн шөнөдөө 0&#8230;+5 градус, өдөртөө +13&#8230;+18 градус, бусад хугацаанд шөнөдөө +3&#8230;+8 градус, өдөртөө +17&#8230;+22 градус дулаан байна.

Улаанбаатарт өдөртөө 16 хэм дулаан байна

Авлигатай тэмцэх газрын Урьдчилан сэргийлэх, соён гэгээрүүлэх хэлтэс нь 2025 оны 5 дугаар сарын 19-23-ны өдрүүдэд авлигын шалтгаан, нөхцөлийг арилгах, авлигын үйлдлийг таслан зогсоох, үр дагаврыг арилгах, ил тод, нээлттэй байдалд дүн шинжилгээ хийх хүрээнд Хөдөлмөр халамжийн үйлчилгээний ерөнхий газар, Соёл, урлагийн газар, Чингэлтэй дүүргийн Татварын хэлтэс, Нийгмийн даатгалын хэлтэс, Улсын хоёрдугаар эмнэлэг, “Улаанбаатар төмөр зам” ХНН, Байгаль орчны судалгаа, шинжилгээний төв, “Геологи, судалгаа шинжилгээний төв” ТӨҮГ-тай хамтран ажиллав.
Авлигын эрсдэлийг бууруулах, шалтгаан, нөхцөлийг арилгах чиглэлээр “Иргэний нисэхийн үндэсний төв” ТӨХХК, Батлан хамгаалах яамны харьяа “Бөртэ” ТӨААТҮГ, Гадаад харилцааны яам зэрэг байгууллагад зөвлөмж хүргүүллээ. 
Төрийн байгууллагын үзүүлж буй үйлчилгээнд хүнд суртал, чирэгдэл үүсэж болзошгүй эрсдэлийг тогтоох, авлига, ашиг сонирхлын зөрчлөөс урьдчилан сэргийлэх, ил тод байдлыг хангуулах, авлига ашиг сонирхлын зөрчил, хүнд суртал, чирэгдэл учруулсан 8 дүрэм, журам, шийдвэрийг хянав. 
Өнгөрсөн долоо хоногт авлигын эсрэг сургалтад 17 байгууллагын 1008 албан тушаалтныг хамруулав.

АТГ: Хүнд суртал, чирэгдэл учруулсан 8 дүрэм, журмыг хянав

КОВИД-19-өөс хойш 5 жил шахам зогссон Улаанбаатар – Бээжин чиглэлийн 24/23 дугаар галт тэрэг 2025 оны 06 дугаар сарын 03-ны өдрөөс аялж эхлэхээр боллоо.
Хамгийн анхны зорчигчийн галт тэрэг Бээжингээс энэ сарын 3-нд хөдөлж 4-ний өдөр Улаанбаатарт ирэх юм. Цаашдаа Мягмар гараг бүрийн 07:27 цагт Бээжингээс хөдөлж Лхагва гараг бүрийн 14:35 цагт Улаанбаатарт ирнэ. Харин Пүрэв гараг бүрийн 07:18 цагт Улаанбаатараас хөдөлж, Баасан гараг бүрийн 14:35 цагт Бээжинд очих юм.
Ийнхүү БНХАУ-тай олон улсын зорчигчийн галт тэрэгний хөдөлгөөнийг бүрэн сэргээлээ. Өмнө нь Улаанбаатар &#8211; Эрээн, Улаанбаатар – Хөх хотын галт тэрэгний хөдөлгөөнийг сэргээгээд багагүй хугацаа өнгөрч байгаа юм. Ташрамд өгүүлэхэд, БНХАУ нь 6 улстай төмөр замаар зорчигчийн галт тэрэг солилцдог бөгөөд дэлхий нийтийг хамарсан халдварт цар тахлаас хойш хамгийн анх Лаос улстай зорчигчийн галт тэрэгний хөдөлгөөнөө нээсэн бол хоёр дахь улс нь манай улс болж байсан.
“Хятадын төмөр замууд” корпорацын ерөнхий захирлын урилгаар 2023 онд УБТЗ-ын дарга Х.Хэрлэн БНХАУ-д айлчлахдаа Замын-Үүд – Эрээн өртөө хоорондын төмөр замын ачаа тээврийн хэмжээг нэмэгдүүлэх, Замын-Үүд өртөөний нарийн царигийн хоёр дахь замыг хятадын талтай холбох, олон улсын зорчигчийн галт тэрэгний хөдөлгөөнийг сэргээх зэрэг олон чухал асуудлаар тохиролцсоны нэг ийнхүү бүрэн шийдэгдэж байна.

Улаанбаатар-Бээжин чиглэлд галт тэрэг явдаг боллоо

Нийслэлийн есөн дүүргийн 40 байршилд өнөөдрөөс буюу тавдугаар сарын 31-наас зургаадугаар сарын 6-ны хооронд нөөцийн махны өргөтгөсөн худалдааг хямдралтай үнээр зохион байгуулна.
Энэ үеэр хонины махыг гулуузаар 1 кг нь 10,000 төгрөг, үхрийн махыг 13,000 төгрөгөөр тус тус борлуулна.

Хайх