Монголын Бодибилдинг фитнессийн холбооноос оюуны өмчийн газраар баталгаажсан 28 дахь удаагийн &#8220;Ирээдүйн мистер-2025&#8221; Улаанбаатар хотын аварга шалгаруулах тэмцээнийг энэ сарын 29-ний өдөр Zaisan hill event hall-д зохион байгуулна. Тэмцээн нийт 15 төрлөөр 30 ангилалтай болно. Давхардсан тоогоор 400 гаруй тамирчин оролцох юм. Энэ жилийн тэмцээнийг нийслэлийн Засаг даргын ивээл дор зохион байгуулж байгаа онцлогтой. Нийслэлээс хүн амын эрүүл мэндийг дэмжих, нийтийн биеийн тамирыг хөгжүүлэх, залуучуудыг дэмжиж оролцож байгаа нь нийт тамирчид болон спортыг сонирхон хичээллэгч нарт том урам зориг болж буй. Улаанбаатар хотын аварга шалгаруулах тэмцээний зорилго нь Монгол Улсад бодибилдинг, фитнессийг хөгжүүлж, Засгийн газар болон биеийн тамир спортын хороодтой хамтран ажиллаж, эв нэгдлийг эрхэмлэн тамирчдыг олон улс, тив дэлхий, цаашид олимпын наадамд амжилттай оролцуулж, эх орныхоо нэрийг өндөрт өргөх, эх орноо дэлхий дахинд сурталчлан таниулах, ирээдүй хойч үеийг төлөвшүүлэн хүмүүжүүлэхэд оршино.
<div>
<div class="NewsDetail__content">
Тэмцээний ивээн тэтгэгч байгууллагууд:
&#8211; Colorita
&#8211; Scitec nutrition
&#8211; Power nutrition
&#8211; Duran mongolia
&#8211; Хатан урлахуй ухаан төв
&#8211; Perfect body club
&#8211; Bolor fittness club
&#8211; Athlete fittness club
&#8211; Land fittness club
</div>
</div>

“Ирээдүйн мистер-2025” хотын аварга шалгаруулах тэмцээн энэ сарын 29-нд болно DNN.mn

Монгол Улсын Их Хурлын дарга Д.Амарбаясгалан, Улсын Их Хурлын гишүүн Ц.Мөнхбат, Г.Ганбаатар, М.Мандхай нар  (2025.03.13) Дундговь аймагт ажиллаж, тус аймгийн хоршоологчидтой уулзан, санал хүсэлтийг нь сонслоо.
Өнөөдрийн байдлаар Дундговь аймагт 463 хоршооны гишүүн 1603 малчин хоршоологч 54,3 тэрбум төгрөгийн хөнгөлөлттэй зээлд хамрагджээ. Хоршоологчид авсан зээлээ зориулалтын дагуу ашиглаж, эхнээсээ үр дүнгээ хүртээд эхэлсэн тухай хэлж байна. Тухайлбал сур элдэх техник авч, үнэгүйдээд байсан малын гаралтай бүтээгдэхүүнээ боловсруулан зах зээлд нийлүүлж эхэлжээ. Мөн уут савлагаа, эрүүл ахуй, стандартын шаардлагыг чанд барьж,  малынхаа дайвар бүтээгдэхүүнийг нийслэл хот болон бусад суурин газруудад худалдаалж байгаа гэв. Үүнээс гадна боловсруулсан сүү, сүүн бүтээгдэхүүнээрээ “Өвлийн идэш”, “Амар байна уу” зэрэг үзэсгэлэн худалдаанд оролцсон байна. Хоршоологчдын хувьд тулгамдсан асуудал нь үйл ажиллагаагаа улам бүр өргөжүүлэхэд эргэлтийн хөрөнгө нэмэх шаардлагатай байгаагаа  Улсын Их Хурлын дарга болон гишүүдэд  уламжиллаа.
Уулзалтын үеэр хоршоологчдод газар эзэмшүүлэх боломжтой болсон мэдээг албаныхан дуулгав. Хоршоод болон хоршооны гишүүдэд мал аж ахуйн үйлдвэрлэл эрхлэх, ногоон тэжээл тариалах зорилгоор дундын хоршоодыг үйл ажиллагаа эрчимжүүлэхэд дэмжиж ажиллахаар болжээ хэмээн Улсын Их Хурлын Хэвлэл мэдээллийн газраас мэдээллээ.

Дундговь аймагт 1603 малчин хоршоологч 54,3 тэрбум төгрөгийн хөнгөлөлттэй зээлд хамрагджээ DNN.mn

Үндэсний үйлдвэрлэгч &#8220;Бест Буйдан&#8221; компанийн нэрэмжит &#8220;Best buzzer-2025&#8221; өндөр чансаатай, шилдэг 64 бөхийн барилдааныг энэ сарын 29-ний бямба гаригт Монгол бөхийн өргөөнд болно.
Энэ барилдаан хоёр дахь жилдээ зохион байгуулагдах гэж буй юм. Бөхийн барилдааны дүрэм нь бөхчүүд учраа бөхөө сугалж барилдана. Түрүү бөх 20 сая, үзүүрлэсэн бөх 10 сая, их шөвгийн бөхчүүд таван сая төгрөг тус тус гардана.
Нэг давсан бөх 200 мянган төгрөг, хоёр давсан бөх 300 мянган төгрөг, гурав давсан бөх 400 мянган төгрөгийн давааны урамшуулал авах аж.

Чансаа өндөр 64 бөхийн барилдааны түрүү бөх 20 сая төгрөг гардана DNN.mn

Тариаланчдыг дэмжих зорилгоор зах зээлд худалдан борлуулсан, стандартын шаардлага хангасан хүнснийн ногооны урамшууллыг олгожээ.
Хүнс, хөдөө аж ахуй, хөнгөн үйлдвэрийн яам хүнсний ногооны тариалалтыг нэмэгдүүлэхээр 10 нэр төрлийн хүнсний ногооны тонн тутамд 100 мянган төгрөгийн мөнгөн урамшууллыг 2022 оноос хойш олгож ирсэн билээ.
Ил болон хүлэмжийн 10 нэр төрлийн хүнсний ногоонд урамшуулал олгодог. Энэ хүрээнд 2024 оны 8-11 дүгээр сард 82  мянган тонн хүнсний ногоо зах зээлд борлуулсан 782 тариалан эрхлэгчдэд 8.2 тэрбум төгрөгийн урамшууллыг олгосон байна.
2024 оны урамшууллын мөнгийг иргэн, аж ахуйн нэгжийн дансанд шилжүүлжээ.

Хүнсний ногооны урамшуулалд 8.2 тэрбум төгрөг олгоод байна DNN.mn

Онцгой байдлын ерөнхий газраас Азийн хөгжлийн банкны дэмжлэгтэйгээр Ядуурлыг бууруулах Японы сангийн санхүүжилтээр “Гамшгийн эрсдэлийн үнэлгээ, төлөвлөлт болон эрсдэл шилжүүлэх чадавхыг бэхжүүлэх” техник туслалцааны төслийг хүрээнд Монгол Улсад зонхилон тохиолддог гамшгийн 10 төрлөөр эрсдэлийн үнэлгээ хийж,  нийт 1500 орчим зураглалыг боловсруулсан. Тус төслийн хүрээнд боловсруулсан &#8220;Монгол орны ой, хээрийн түймрийн эрсдэлийн үнэлгээ&#8221;-г танилцуулж байна.
Монгол орны хувьд ойн экосистемийн орон зай-цаг хугацааны динамикийг тодорхойлдог гол хүчин зүйл бол ойн түймэр юм. Зарим судалгаагаар манай орны нийт нутаг дэвсгэрийн 55.6 хувь нь ой, хээрийн түймэрт өртөж байгаа бөгөөд жил бүр 80-100 тал хээр, ой хээрийн түймэр ихэвчлэн 3-6-р саруудад гардаг.
Хээрийн түймэр нь бэлчээрт их хэмжээний эдийн засаг, экологийн хохирол учруулдаг. Тухайлбал, хээрийн түймэр нь ялзарсан өвс, ургамлууд, бут сөөгийг шатааж, хөрсний чанарыг бууруулж, органик бодисыг устгаж, хөрсний элэгдэлд хүргэдэг. Тал хээрийн түймрийн шалтгааныг (1) байгалийн, (2) хүний санаатай үйл ажиллагааны үр дүнд, (3) эсвэл санамсар болгоомжгүй үйл ажиллагааны үр дүнд гэсэн гурван төрөлд ангилдаг байна.
<img decoding="async" src="https://cdn.greensoft.mn/uploads/users/5112/images/viber_image_2025-03-13_10-21-23-355.jpg" width="100%" />

Нийт нутаг дэвсгэрийн 55.6 хувь нь ой, хээрийн түймэрт өртөж байна DNN.mn

Нийслэлийн ногоон бүсэд хуурайшилт их байгааг Цаг уур орчны шинжилгээний газраас мэдээллээ. Өнгөрсөн онд нийслэлийн хэмжээнд шар өвсний гал түймрийн 48 тохиолдлоор 62.7 га талбай шатаж иргэдийн өмч хөрөнгө, байгаль экологид хохирол учирсан байна.
Ногоон бүсийн хуурайшилт нь болзошгүй ой, хээрийн түймэр болон шар өвсний гал түймрийн аюул, эрсдэлийг нэмэгдүүлдэг. Иймд, нийслэлийн ногоон бүсэд зорчиж буй иргэд, зуслангийн чиглэлд оршин сууж буй айл өрхүүд цогтой үнс нурмаа тагтай төмөр саванд хийж хэвших, тамхи, чүдэнз, ил галыг бүрэн унтраан, айл өрхүүд хашааны шар өвс, хог хаягдлыг ил задгай шатаахгүй байхыг нийслэлийн Онцгой байдлын газраас зөвлөж байна. Мэргэжлийн байгууллагаас өгч байгаа зөвлөмжийг хэрэгжүүлж, эрүүл мэнд, амь нас, өмч хөрөнгөө гал түймрийн аюулаас урьдчилан сэргийлээрэй

Хашааны шар өвс, хог хаягдлыг ил задгай шатаахгүй байхыг анхаарууллаа DNN.mn

Улаанбурхан өвчний батлагдсан тохиолдлууд ерөнхий боловсролын сургуулийн хүүхдүүдийн дундаас бүртгэгдэж байгаа тул хүүхдийн байгууллагуудад дараах зөвлөмжийг өгч ажиллаж байна. Үүнд:
<ul>
<li>Хүүхдийн байгууллагууд  багш, ажилчид, хүүхдүүдийн  ирцийг өдөр бүр авч, шинж тэмдгийн тандалт хийх.</li>
<li>Ажил, хичээлдээ ирээгүй шалтгааныг заавал тодруулах.</li>
<li>Халуурах, тууралт гарсан, бөөлжсөн, суулгасан, ханиасан шинж тэмдэг илэрсэн тохиолдол илэрвэл заавал, яаралтай эрүүл мэндийн байгууллагад хандахыг зөвлөх.</li>
<li>Улаанбурхан өвчин нь амьсгалын замаар дамждаг, халдварлалт өндөр өвчин учир бусдад халдвар  тархахаас урьдчилан сэргийлж анги, танхимын цэвэрлэгээ,  агаар сэлгэлтэд анхаарах,</li>
<li>Cургуулийн анги танхимд амны хаалт тогтмол зөв зүүх.</li>
<li>Багш, ажилтан, хүүхдүүдийн улаанбурханы эсрэг вакцин хийлгэсэн эсэх болон өвдсөн эсэхийг тодруулах.</li>
<li>Улаанбурхан өвчин нь вакцинаар сэргийлэгддэг халдварт өвчин тул багш, ажилтан, хүүхдүүдээс улаанбурханаар өвдөөгүй, улаанбурханы эсрэг вакцинд хамрагдаагүй, вакцин хийлгэсэн эсэхээ мэдэхгүй байвал улаанбурханы эсрэг вакцинд заавал хамрагдах.</li>
<li>Эцэг, эх, асран хамгаалагчдад хүүхдийнхээ эрүүл мэндэд хариуцлагатай хандаж, улаанбурханы эсрэг товлолт вакцинд бүрэн хамруулсан эсэхийг нь тодруулах, хоцорсон бол хүүхдээ вакцинд хамруулах талаар зөвлөгөө өгөх.</li>
<li>Тодруулах, лавлах зүйлс гарвал 89016199, 75 103 100 утсанд хандана уу.</li>
</ul>
&nbsp;
Эх сурвалж: Нийгмийн эрүүл мэндийн үндэсний хүрээлэн

ЗӨВЛӨМЖ: Улаанбурхан өвчний тохиолдол сургуулийн хүүхдүүд дундаас илэрч байна DNN.mn

2025 оны эхний 2 сарын гадаад худалдааны статистик мэдээллийг хүргэж байна.
Нийт экспорт 2,004.9 сая ам.долларт хүрч өмнөх оны мөн үеэс 200.0 сая ам.доллараар буюу 10.5 хувиар буурсан байна. Эсрэгээрээ импорт 1,710.8 сая ам.долларт хүрч 115.0 сая ам.доллараар буюу 7.2 хувь өсчээ.

Хайх