Өнөөдөр Алтай, Хангай, Хөвсгөлийн уулархаг нутгаар ялимгүй цас орно.
2025 оны 02 дугаар сарын 03-ны 08 цагаас 20 цаг хүртэлх цаг агаарын урьдчилсан мэдээ:
Нутгийн баруун хэсгээр үүлшинэ, бусад нутгаар солигдмол үүлтэй. Алтай, Хангай, Хөвсгөлийн уулархаг нутгаар ялимгүй цас орно. Бусад нутгаар цас орохгүй. Нутгийн баруун хэсгээр баруун өмнөөс баруун хойш эргэж, бусад нутгаар баруун хойноос секундэд 5-10 метр. Увс нуур болон Дархадын хотгор, Завхан голын эх, Тэс, Халх голын хөндий, Дарьгангын тал нутгаар -22…-27 градус хүйтэн.
Их нууруудын хотгор, Хангай, Хөвсгөл, Хэнтийн уулархаг нутаг, Идэр, Байдраг, Эг, Үүр, Орхон, Сэлэнгэ, Хараа, Ерөө, Онон, Улз голын хөндий, Дорнод-Монголын тал нутгаар -16…-21 градус, Алтайн өвөр говиор -2…-7 градус, Хангайн нурууны өвөр бэл, Арц Богдын өвөр хоолойгоор -8…-13 градус, бусад нутгаар -13&#8230;-18 градус хүйтэн байна.

Алтай, Хангай, Хөвсгөлийн уулархаг нутгаар ялимгүй цас орно DNN.mn

Улсын Их Хурлын Байгаль орчин, хүнс, хөдөө аж ахуйн байнгын хорооноос өнөөдөр (2025.02.03) “Агаарын бохирдлыг бууруулах хүрээнд утааны асуудлаарх бодлого, шийдвэрийн хэрэгжилтийн үр дүн, шийдэл” ерөнхий хяналтын сонсгол өнөөдөр Төрийн ордны Их эзэн Чингис хаан танхимд эхэлнэ.
Өнөөдрийн сонсголд “Агаарын бохирдол-хүн амын эрүүл мэнд (Амьд явах, эрүүл, аюулгүй орчинд амьдрах эрх) нэг дэх хэлэлцүүлгийн талаар Улсын Их Хурлын гишүүн, Хүний эрхийн дэд хорооны дарга С.Эрдэнэболд, “Утааны асуудал: Стандарт, хяналт (Зуух, түлшний технологи) сэдэвт хэлэлцүүлгийн талаар Улсын Их Хурлын гишүүн З.Мэндсайхан нар тус тус танилцуулна.
Ташрамд дурдахад, Утааны асуудлаар хяналтын сонсгол явуулах талаар Монгол Улсын иргэн Б.Мөнгөнхишиг нарын цахим системд байршуулсан нийтийн өргөдөл Монгол Улсын Их Хурлын тухай хуулийн 39 дүгээр зүйлийн 39.4.2-т заасан тоонд хүрсэн тул Монгол Улсын Их Хурал авч хэлэлцэн 2024 оны 12 дугаар сарын 19-ний өдрийн Байгаль орчин, хүнс, хөдөө аж ахуйн хорооны хуралдаанаар утааны асуудлаар ерөнхий хяналтын сонсгол явуулахыг хуралдаанд оролцсон гишүүдийн олонх дэмжсэн. Мөн хуралдаанаар Ерөнхий хяналтын сонсголын бэлтгэл ажлыг хангах, зохион байгуулах ажлыг хэсгийг 22 гишүүний бүрэлдэхүүнтэй байгуулж, Ажлын хэсгийн ахлагч, сонсгол даргалагчаар Улсын Их Хурлын гишүүн Ж.Чинбүрэнг сонгосон хэмээн Улсын Их Хурлын Хэвлэл мэдээллийн газраас мэдээлэв.

“Агаарын бохирдлыг бууруулах хүрээнд утааны асуудлаарх бодлого, шийдвэрийн хэрэгжилтийн үр дүн, шийдэл” ерөнхий хяналтын сонсгол болно DNN.mn

Автобус шинэчилснээр нэг жилийн хугацаанд иргэдийн нийтийн тээврээр зорчилт 14.3 хувиар нэмэгджээ.
Эн талаар Улаанбаатар хотын агаарын бохирдлыг бууруулах, дэд бүтцийн төсөл арга хэмжээг хэрэгжүүлэх Шуурхай штабын ээлжит хуралдааны үеэр танилцууллаа.
Цаашид нийтийн тээврийн автобусыг саадгүй явуулахын тулд авто замаа өргөсгөх, шинээр барих, нэгдүгээр эгнээгээр зорчуулах зэрэг зохицуулалтыг үргэлжлүүлэн хийнэ.
Мөн автобус доторх хяналтын камерууд дүрсийг бодит цагаар хяналтын төв рүү илгээж байгаа тул жолооч хөдөлгөөнд оролцож байхдаа утсаар ярих, тамхи татах, эгнээ байр буруу эзлэх, хурд хэтрүүлэх зэрэг зөрчил тодорхой хэмжээгээр багасаж байна. Мөн зорчигч тоолох систем ажиллаж, автобусанд суусан зорчигчийн тоо төлсөн төлбөр хоёрын дүнг харьцуулж, дүгнэлт хийж, автобусны буудлууд дээр лед дэлгэц байршуулах ажил үргэлжилж байгаа юм.

Нэг жилийн хугацаанд иргэдийн нийтийн тээврээр зорчилт 14.3 хувиар нэмэгджээ DNN.mn

Дэлхийн улсууд хөгжлөөрөө үнэхээр тасарч байна. Технологийн дэвшил, хиймэл оюун ухааныг улс орон болгон хэрэглээндээ нэвтрүүллээ. Сая Хятадын цагаан сарын хүндэтгэлийн тоглолтод гэхэд хиймэл оюун ухаан, робот техникийн гайхамшигт үзүүлбэрүүд олон байлаа. Тэнд роботууд хүнтэй хамт бүжиглэж байгааг та бүхэн харсан байх. Энэ бол технологи, программ хангамж, хиймэл оюун ухаан ямар түвшинд хөгжсөний тод жишээ юм. Үүгээрээ хятадын ард түмэн жигтэйхэн их бахархаж, гайхуулж байна шүү дээ. Дэлхий нийтээрээ хүртэл Хятад улсыг шагшин магтаж ярьцгааж байна. Дэлхийн бүх оронд технологийн хөгжил ингэж л явж байна. Яагаад гэвэл энэ цаг үед улс орнууд хиймэл оюун ухаан, технологийн шийдлээрээ өрсөлдөж байгаа. Нэг ёсондоо тухайн улсын хөгжлийн бас нэг хэмжүүр ч гэж хэлж болох юм. Эдийн засаг, улс төр, боловсрол, эрүүл мэнд гээд хиймэл оюун ухаан, технологийн дэвшил хүрээгүй салбар ч гэж алга.
Тэгвэл бид ямар байна вэ, монголчууд аа. Ахуйтайгаа зууралдаж, тулга тойрсон хэрүүл хийхээс өөр гавьж байгаа юм байна уу. Сүүлийн хэдэн өдрийн байдлыг харахад өвөл морь уралдана, уралдахгүй гээд нийгэм даяараа талцаад хэрэлдэж байх жишээтэй. Тэрнээс өмнө халуун намраас авахуулаад цагаан сарын баярыг гуравдугаар сард хийнэ, хийхгүй гэж баахан зурхай ярьж маргацгаасан. Улаанбаатарчуудын хамгийн том асуудал болох утаа, түгжрэл дээр хүртэл хоёр тал болж байгаад үзэлцэх юм. Нийтээрээ “Утаандаа бөглөрч үхлээ” гэхээр улстөрчид, шийдвэр гаргагчид нь “Үхэхгүй ээ” гээд зөрнө. Зам дээр гарангуутаа “Түгжрэлд тэсэрлээ” гэхээр “Тэсрэхгүй” гэх сөрөгчид босоод ирнэ. Улс орны эдийн засгийг авч яваа нүүрс маань бас л маргааны цөм байсаар байгаа. Нүүрсээ нэг гаргана гээд, нэг гаргахгүй л гэх юм. Монголчуудын энэ хуваагдалд хамрахгүй сэдэв гэж алга. Бичиг үсгийн хэрэглээндээ хүртэл дундад зуунд хаясан уйгаржин бичгийг оруулна, оруулахгүй гэж хэрэлдсээр байгаад хойшоо харсаар оруулаад ирлээ.
Яаж хойшоо ухрах вэ гэхээс арга нь барагдаж байгаа бололтой эзгүй хээрт өмнө нийслэл хот байсан гэсэн домог ярианд үнэмшээд Хархорин хот байгуулж тийшээ нийслэлийг нүүлгэнэ ч гэж байх шиг. Энэ асуудал дээр тогтож ярихад, Монгол Улсын нийслэлийг Хархорин руу нүүлгэвэл олон сөрөг үр дагавартайг захын эрдэмтэн судлаачид хэлнэ. Том зургаараа улсын эдийн засагт асар хортой. Хамгийн түрүүнд Улаанбаатарын иргэдийн өмч үнэгүйднэ. Ядаж л хотын А зэрэглэлийн газрыг авах гэж улсууд ямар их мөнгө зарж, тэнд барилга багууламж барьж хөрөнгө орууллаа даа Хэрэв Хархорин улсын нийслэл болчихвол энэ бүх хөрөнгийн үнэ цэнэ үгүй болно. Монгол Улсын эдийн засгийн 70 гаруй хувь нь Улаанбаатарт төвлөрдөг. Энд улс төр, эдийн засаг, аж үйлдвэрлэл, худалдаа үйлчилгээ, сургууль соёл, бизнесүүд гээд бүгд бий. Нийслэл хотыг нүүлгэснээр эдгээр салбаруудын үйл ажиллагаа зогсож, улсын эдийн засагт хүнд цохилт болно гэдгийг эрхбиш мэдмээр дээ. Үүнийг дагаад гадаадын хөрөнгө оруулагчдын итгэх итгэл хүртэл унана. Цаашлаад тээвэр, логистикийн асуудал, нийгмийн сэтгэл зүйн хямралууд үүсэх зэрэг олон эрсдэл дагуулна. Ингэн байж, өнөөдрийн Улаанбаатарыг бүтээсэн, бүтээж байгаа олон хүний хөрөнгийг шороо болгоод нүүнэ гэж сэтгэх нь өөрөө аймар санагдах юм. Энэ улсууд чинь бариад идчихдэггүй юм уу. За энэ ч яахав, тусдаа сэдэв.
Дэлхийн улсуудыг хараад байхад хөгжил дэвшлийн төлөө бүх хүчээрээ тэмүүлж байна. Жишээлбэл, эдийн засгийн өсөлт, нийгмийн тогтвортой байдлыг бүрдүүлэхийн зэрэгцээ боловсрол, эрүүл мэнд, байгаль орчны асуудлуудаа системтэй бодлогоор хөгжүүлж байна шүү дээ. Зарим нь байгалийн баялгаа зөв ашиглаж байхад зарим нь инноваци, технологи, боловсролд ихээхэн хөрөнгө оруулалт хийж байна. Ирээдүйд хиймэл оюун ухаан болон робот, технологийн дэвшил хөгжилд тэмүүлэх гол түлхүүр боллоо. Дэлхийн толгой компаниудын нэг “Тесла” гэхэд энэ жилээс хүн дүрст робот үйлдвэрлэж, худалдаанд гаргана гэж байсан. Хүн төрөлхтний өдөр тутмын үйл ажиллагаанд роботууд оролцдог болно гэсэн үг. Гэтэл бид яаж байна. Өөрсдийгөө нэг хар даа. Яагаад давааны цаана үлдэж хоцрох гээд ингэж их үхэлдэн зүтгээд байгаа юм бэ. Энэ бүгд зүгээр сууж байгаад мөнгө олох гэсэн тэнэг хүслээс үүдэлтэй. Монголчуудын үндэсний бахархал болсон өв соёл дээр дөрөөлсөн хийрхэл биднийг хөгжлөөс хойш зулгааж байна. Нум сум, сур, шагай харваа, туйл хайлах, бий биелгээ, хөөмий зэрэг ондоошлоороо дэлхийд түүчээлнэ гэцгээх юм. Энэ бүгдийгээ хийдэг улсуудыг өв соёл тээгч гээд жигтэйхэн их мандуулдаг. Бай шагнал, цол хэргэм ч олгоно. Амар хялбар байдлаар алдар нэрд гардаг болохоор бүгд өв тээгч болох гэж зүтгэнэ. Уран, нүүрс эсэргүүцвэл мөнгө өгнө. Барууны уурхай хаавал мөнгө өгнө. Морь уралдсан ч татваргүй бөөн мөнгө эргэлдэнэ. Уйгаржин бичиг нь ч тухайн үедээ гадаадын мөнгөөр орж ирсэн төсөл гээд хэвлэл мэдээллээр бишгүй гарч үүнд оролцсон хүмүүс нь гадаадын тагнуул гээд шоронд хүртэл байгаа. Бүгд зүгээр суугаад олз олох гэсэн хүслээс үүдэлтэй. Харин хэн тэдэнд мөнгө төлөөд байдгийг мэддэг амьтан үгүй. Ингээд бичихээр бусдын авьяас билэг, хөдөлмөр зүтгэлийг үгүйсгэлээ гэх л байх. Тэгвэл нум сум харвах, бий биелгээ хийх нь их сургуульд сураад физик, математик, химийн томьёо нухахаас хамаагүй амархан биз дээ. Тоо бодож толгойгоо эргүүлж зовно гэхгүй. Тэгээд ч олж байгаа мөнгө нь илүү болохоор бүгд л хөөмийчин, туйл хайлаач, нум сум харваач болох гээд зүтгээд байгаа юм биш үү. Үнэт зүйлээ хэдэн сохор зоосноос арилжсан монголчууд тэгээд яах вэ. Эцсийн дүндээ уулын мухарт хэдэн солиорсон хөлдүү бүдүүлэг монголчууд л үлдэх гээд байна.
Тэгвэл өнөөх бидний бахдан яриад байдаг үндэсний сөрөн тэсвэрлэх чадвар, тусгаар тогтнол чинь үлгэр болно. Үнэндээ энэ бүх өв соёл, эх оронч хүмүүн гэсэн хийрхэлээс чинь болж монголчууд дэлхийн хөгжлөөс давааны цаана хоцроод байна. Одоо хэдүүлээ шинжлэх ухаан, технологийн шийдлийг шүтэж, хөгжилд хүрмээр байна.
М.МӨНХЦЭЦЭГ
&nbsp;

Монголчууд давааны цаана хоцрох гэж зүтгэдэг нь ямар учиртай байна вэ DNN.mn

Хур тунадас: 31-нд баруун болон төвийн аймгуудын нутгийн зарим газраар, 02 дугаар сарын 01-нд Хэнтийн уулархаг нутгаар, 03-нд баруун аймгуудын нутгийн зарим газраар, 04-нд Алтай, Хангай, Хөвсгөл, Хэнтийн уулархаг нутаг, Халх голын сав газраар ялимгүй цас, 05-нд баруун, төв, зүүн аймгуудын нутгийн хойд хэсгээр, 06,07-нд баруун болон төвийн аймгуудын ихэнх нутаг, говь болон зүүн аймгуудын нутгийн зарим газраар, 08-нд нутгийн зүүн хагаст, 09-нд нутгийн зарим газраар цас орж, цасан шуурга шуурна.
Салхи: Ихэнх хугацаанд ихэнх нутгаар секундэд 5-10 метр, 05-нд говь, тал, хээрийн нутгаар, 06-нд ихэнх нутгаар, 07-нд нутгийн өмнөд хэсгээр, 08,09-нд говь, талын нутгаар секундэд түр зуур 16-18 метр хүрч ширүүснэ.
Агаарын температур: Хугацааны эхээр Увс нуурын болон Дархадын хотгор, Завхан голын эх, Идэр, Тэс, Байдраг, Халх голын хөндийгөөр шөнөдөө -32&#8230;-37 градус, өдөртөө -20&#8230;-25 градус, Монгол-Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Эг, Үүр, Хараа, Ерөө, Туул, Тэрэлж, Хэрлэн, Онон, Улз голын хөндийгөөр шөнөдөө -28&#8230;-33 градус, өдөртөө -18&#8230;-23 градус, говийн бүс нутгийн баруун өмнөд хэсгээр шөнөдөө -9&#8230;.-14 градус, өдөртөө -1&#8230;-6 градус, бусад нутгаар шөнөдөө -20&#8230;-25 градус, өдөртөө -10&#8230;-15 градус хүйтэн байна. 05-нд нутгийн хойд хэсгээр, цаашдаа буюу 09-нийг хүртэл ихэнх нутгаар хүйтний эрч нэмж чангарч Увс нуурын болон Дархадын хотгор, Завхан голын эх, Идэр, Тэс, Байдраг, Халх голын хөндийгөөр шөнөдөө -43&#8230;-48 градус, өдөртөө -30&#8230;-35 градус, Монгол-Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Эг, Үүр, Хараа, Ерөө, Туул, Тэрэлж, Хэрлэн, Онон, Улз голын хөндийгөөр шөнөдөө -37&#8230;-42 градус, өдөртөө -27&#8230;-32 градус, говийн бүс нутгийн өмнөд хэсгээр шөнөдөө -15&#8230;.-20 градус, өдөртөө -9&#8230;-14 градус, бусад нутгаар шөнөдөө -28&#8230;-33 градус, өдөртөө -15&#8230;-20 градус хүйтэн байна.

ЦАГ АГААР: Улаанбаатарт өдөртөө 16 хэм хүйтэн байна DNN.mn

Аргын тооллын хоёрдугаар сарын 3, Сумъяа гариг. Билгийн тооллын 5, Дэлгэрүүлэгч одтой, харагчин туулай өдөр. Өдрийн наран 08:17 цагт мандаж 17:55 цагт жаргана. Тухайн өдөр хонь, гахай жилтнээ аливаа үйлийг хийхэд эерэг сайн. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, гарагийг тахих, мал аж ахуйн үйл, удирдлагын суудалд суух, хийморийн дарцаг хатгахад сайн. Газар хагалах, ус булгийн эх малтах, улаа гаргах, хиншүү хярвас гаргах, уул овоо тахихад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулбал эд, мал арвидна. Модон луу жилийн хаврын уур орох улирал (22ц 30м) эхлэнэ.

ЗУРХАЙ: Өнөөдөр харагчин туулай өдөр DNN.mn

“Өдрийн сонин”-ы баасан  гаригийн дугаар хэвлэгдэж, та бүхний гарт хүрч байна.
<hr />
“Өдрийн сонин”-ы тэргүүн нүүрт УИХ-ын гишүүн Б.Заяабалтай ярилцлаа. Тэрбээр &#8220;НӨАТ-аар маш том хэмжээний өөрчлөлт хийх нь улс орны хувьд өндөр эрсдэлтэй&#8221; хэмээн ярилаа.
<blockquote>ХӨСҮТ-ийн цочмог гепатитийн тасгийн эмч Л.Хуягбаатартай менингококкт халдварын өвчлөл, шинж тэмдэг, хэрхэн урьдчилан сэргийлэх талаар ярилцлаа</blockquote>
“Өдрийн сонин”-ы нийтлэлийн бодлогыг тодорхойлогч, ард түмний дуу хоолой болдог “Баримт, үзэл бодол” нүүрт &#8220;Улсаасаа том Төрийн тухай ойлголтоосоо салъя &#8220; хэмээн өгүүллээ.
<blockquote>Махны экспортын талаар Хүнс, хөдөө аж ахуй, хөнгөн үйлдвэрийн яамны Хүнсний үйлдвэрийн бодлогын хэрэгжилтийг зохицуулах газрын дарга Д.Довчинсүрэн &#8220;Махны экспортыг зургаан сар хүртэлх хугацаагаар зогсоох саналыг Хүнсний аюулгүй байдлын зөвлөлд тавьсан&#8221; гэлээ.
&nbsp;</blockquote>
Шинэ Ёкозүна мэндэллээ
НОМ ЯРЬЖ ӨГЬЕ: Өөрсдөөсөө соёлын хувьсгал эхлүүлье ээ
<hr />
&nbsp;
Эдгээр болон бусад цаг үеийн мэдээ мэдээлэл, ярилцлага, сурвалжлагыг “Өдрийн сонин”-ы  баасан гаригийн дугаараас уншаарай.
&nbsp;
Дэлгэрэнгүй мэдээллүүдийг уншихыг хүсвэл дараах линкээр бүртгүүлж уншина уу. https://tsahim.dnn.mn/login
&nbsp;
Эрхэм уншигч та, манай сонины өнөөдрийн дугаарыг “Монгол шуудан” компанийн(77078975) нийслэл Улаанбаатар дахь 35 салбар, “Түгээмэл” шуудангийн салбаруудаас(70115015) болон сонин борлуулах цэгүүд, Хэвлэлийн биржээс худалдан авах боломжтой. “Өдрийн сонин”-ы өөрийн байранд ирж худалдан авч болно.
&nbsp;
Уншигч та “Өдрийн сонин”-ыг захиалан уншихыг хүсвэл 9911-2954, 8811-1375 дугаарт холбогдоно уу.
&nbsp;
Цахим хэлбэрээр нь захиалахыг хүсвэл 88111375 дугаарт холбогдож дэлгэрэнгүй мэдээлэл аваарай.
&nbsp;
“Өдрийн сонин”-той холбоотой мэдээ мэдээллийг 1900-1987-гоос лавлана уу
&nbsp;
&nbsp;
&nbsp;
&nbsp;
“ӨДРИЙН СОНИН” ӨГЛӨӨ БҮР ТАНТАЙ ХАМТ

ТОЙМ: “Улсаасаа том Төрийн тухай ойлголтоосоо салъя ” хэмээн өгүүллээ DNN.mn

&#8220;Teach for Mongolia&#8221; хөтөлбөрийнхөн 2025 оны 1 дүгээр сарын 8-10-ны өдрүүдэд уламжлал ёсоор “Өвлийн нэгдсэн” уулзалтаа амжилттай зохион байгуулжээ. Энэхүү гурван өдрийн уулзалтад 6 аймгийн 7 суманд багшилж буй 16 багш оролцсон байна.
Мөн өөр хоорондоо сайн туршлага, бүтэлгүйтэл, бэрхшээл, шийдэл зэрэг багшлахад тулгамдаж буй бүхий л зүйлсээ нээлттэй хуваалцаж шинэ улирлын хичээлдээ бэлдэж, эрч хүчээ сэлбэцгээсэн байна. Мөн уулзалтын үеэр бид “Teach for Mongolia” хөтөлбөрийн сургалт, хэрэгжилтийн үр дүнтэй байдлыг хэмжих зорилгоор оролцогч багш нараасаа фокус бүлгийн ярилцлага хийсэн байна.
&nbsp;

Хайх