Үерийн хамгаалалтын сувгийн хашлагыг мөргөж суваг руу машинтайгаа унаж, осолджээ. Эх сурвалжийн мэдээлснээр тухайн автомашины жолоочийн биеийн байдал тогтвортой байгаа бөгөөд тус байршилд явган зорчигч далан руу унаж гэмтэхээс сэргийлэн хамгаалалтын хайс хашлагыг засварласан байна.
Халиа тошин үүссэн байршлуудад Геодези, Усны барилга байгууламжийн газар ОНӨААТҮГ-аас үзлэг шалгалт хийж байгаа бөгөөд иргэдийг анхаарал болгоомжтой замын хөдөлгөөнд оролцохыг анхаарууллаа.

Хашлага мөргөсөн жолоочийн биеийн байдал хэвийн байна DNN.mn

Улсын хэмжээнд бага насны хүүхдүүд товчин зай залгих тохиолдол сүүлийн жилүүдэд нэмэгдэж байна. 2024 оны эхний улирлын байдлаар товчин зай, соронз, ээмэг зэрэг гадны биет залгисан 55 тохиолдол бүртгэгдсэн байна.
Товчин зай нь алсын удирдлага, тооны машин, машины түлхүүр, тоглоом, цаг, ярианы ном, дуутай мэндчилгээ зэрэг олон төрлийн эд зүйлсэд байдаг. Товчин зай нь хүний биед ороод нэг цагийн дотор улаан хоолой, ходоодны салстыг түлэх, амь насанд аюултай тул цаг алдалгүй эмнэлгийн байгууллагад хандах хэрэгтэйг Нийгмийн эрүүл мэндийн үндэсний төвөөс анхааруулж байна.
Бага насны хүүхдийг товчин зай залгихаас урьдчилан сэргийлье.
-Товчин зай агуулсан зүйлсийг гэрт байлгахаас зайлсхийх
-Тоглоомын зайны аюулгүй байдлыг хангаж, скочоор битүүмжлэх
-Товчин зай агуулсан зүйлсийг хүүхдийн гар хүрэхгүй газар хадгалах
-Товчин зай болон тэдгээрийг агуулсан зүйлсийг (сав, баглаа, боодолд хийх) аюулгүй устгах
-Бага насны хүүхдийг хараа хяналтгүйгээр үлдээхгүй байх
-Хүүхдэд тавих хараа хяналтаа нэмэгдүүлэх.

СЭРЭМЖЛҮҮЛЭГ: Товчин зай залгисан тохиолдолд ходоод түлэгдэж дотор эрхтэн гэмтдэг DNN.mn

Хүүхдийн урлан бүтээх төв дараах ангиудад нэмэлт элсэлт авч байна.
&#8211; Монгол уран бичиг – Даваа/Лхагва болон Мягмар/Пүрэв гараг 
&#8211; Хар Зураг – Даваа/Лхагва болон Мягмар/Пүрэв гараг 
&#8211; Эко гар урлал &#8211; Даваа/Лхагва болон Мягмар/Пүрэв гараг 
&#8211; Сүрлэн сүлжмэл &#8211; Даваа/Лхагва болон Мягмар/Пүрэв гараг 
&#8211; Үндэсний уламжлалт уран хатгамал &#8211; Даваа/Лхагва болон Мягмар/Пүрэв гараг 
&#8211; Хар зураг, уран зураг &#8211; Даваа/Лхагва болон Мягмар/Пүрэв гараг 
&#8211; Арьсан урлал &#8211; Даваа/Лхагва болон Мягмар/Пүрэв гараг 
&#8211; Хувцас загвар &#8211; Мягмар/Пүрэв гараг Өдрийн ээлж 
&#8211; Сүрлэн наамал &#8211; Даваа/Лхагва болон Мягмар/Пүрэв гараг 
&#8211; Уран зураг анхан шат &#8211; Даваа/Лхагва болон Мягмар/Пүрэв гараг
Өглөөний ээлж: 09:00-11:00 цагийн хооронд 
Өглөөний ээлж: 14:00-16:00 цагийн хооронд
Бүрдүүлэх материал: 
&#8211; Төрсний гэрчилгээний хуулбар 
&#8211; Цээж зураг
Холбоо барих утас: 
11-329426, 9977-5707

Хүүхдийн урлан бүтээх төв нэмэлт элсэлт авч байна DNN.mn

Хятадын баруун өмнөд нутгийн Төвөдийн өөртөө засах оронд мягмар гарагийн өглөө буюу Бээжингийн цагаар өглөөний 09:05 цагт 6.8 магнитудын хүчтэй газар хөдлөлт боллоо.
Газар хөдлөлтийн улмаас Хималайн нурууны хойд энгэрт олон мянган байшин барилга нурсны улмаас 126 хүн нас барж, 188 хүн гэмтэж бэртсэн байна.
Шигазэ хотын Динри хошууны Цого сууринд голомт нь бүртгэгдсэн бөгөөд голомтоос 20 км-ийн эргэн тойронд 27 тосгон, 6900 орчим хүн амьдардаг аж.
Тухайн голомтын ойролцоо 3609 байшин нурж, нурангид дарагдсан 407 хүнийг аварч, байгалийн гамшигт өртсөн 30 мянга гаруй оршин суугчийг нүүлгэн шилжүүлсэн гэж мэдээллээ.
БНХАУ-ын дарга Ши Жиньпин байгалийн гамшигт өртсөн бүсэд хүмүүсийн амь насыг аварч, гарз хохирлыг багасгахын тулд бүх хүчээ дайчлан ажиллахыг үүрэг болгосноор Шадар сайд Жан Гуочин байгалийн гамшигт нэрвэгдсэн бүсэд аврах, тусламж үзүүлэх ажиллагааг удирдан зохион байгуулж байна.
Хятадын төв Засгийн газрын эрх баригчид газар хөдлөлтөд нэрвэгдсэн бүс нутагт майхан, өвлийн хүрэм, хөнжил, эвхдэг ор зэрэг гамшгаас аврах 22 мянга орчим эд зүйл, мөн өндөр газар болон хүйтэн бүс нутагт ажиллахад шаардлагатай тусламжийн хэрэгслүүдийг илгээжээ гэж ОБЕГ-аас мэдээллээ.

Газар хөдлөлтийн улмаас 126 хүн нас барж, 188 хүн гэмтжээ DNN.mn

Нэгдүгээр сарын хүүхдийн мөнгө, нийгмийн халамжийн тэтгэвэр, тэтгэмж олгох хуваарийг танилцуулж байна.
<ul>
<li>Нийгмийн халамжийн тэтгэвэр</li>
<li>Асаргааны тэтгэмж</li>
<li>Амьжиргааг дэмжих мөнгөн тэтгэмж</li>
<li>Ахмад настан, хөгжлийн бэрхшээлтэй иргэнд олгох дэмжлэг, хөнгөлөлт</li>
<li>Алдар цолтон, ахмад настанд олгох хөнгөлөлт, тусламж</li>
<li>Олон нийтийн оролцоонд түшиглэсэн халамжийн үйлчилгээ энэ сарын 25-нд</li>
<li>Хүүхдийн мөнгөн тэтгэмж</li>
<li>Эцэг эх, олон хүүхэдтэй өрх толгойлсон эх, эцэгт олгох тэтгэмжийг энэ сарын 20-нд</li>
<li>Онцгой тохиолдлын мөнгөн тэтгэмж</li>
<li>Хүнс тэжээлийн дэмжлэг үзүүлэх үйлчилгээний мөнгө</li>
<li>Насны хишиг</li>
<li>Эхийн алдар одонгийн мөнгөн тусламжийг олгоно.</li>
</ul>
<span id="par-aHR0cHMlM0ElMkYlMkZtZ2wuZ29nby5tbiUyRm5ld3NuJTJGaW1hZ2VzJTJGY2slMkYyMDI1JTJGMDElMkYwOCUyRjQ3MjcxMDA2Nl8xMDMxODA3NjM1NjQwMzk0XzcwNjQ0NTk5NjA1NDEwODQ0MDRfbi0xNTE4MjAtMTg3MDU1MTQzMS5qcGVn" class="imgdv"><a class="gogo-zoom" href="https://mgl.gogo.mn/newsn/images/ck/2025/01/08/472710066_1031807635640394_7064459960541084404_n-151820-1870551431.jpeg"><img decoding="async" src="https://mgl.gogo.mn/newsn/images/ck/2025/01/08/472710066_1031807635640394_7064459960541084404_n-151820-1870551431.jpeg" alt="" /></a>

Хүүхдийн мөнгө, халамжийн тэтгэвэр, тэтгэмж олгох энэ сарын хуваарь DNN.mn

Өмнөговь аймгийн Ханхонгор сумын Хондот  багийн “Шар тээг” гэдэг газар  суудлын автомашин онхолдож нэг хүн дарагдаж нас барсан байна харамсалтай хэрэг гарчээ.
Энэ тухай дуудлагыг нэгдүгээр сарын 07-ны өдрийн 21:53 цагт холбогдох албан хаагчид хүлээн авсан байна. Дуудлагын дагуу тус аймгийн Онцгой байдлын газрын 21 дүгээр ангийн  алба хаагчдыг очиход Цогтцэций сумаас Улаанбаатар хотын чиглэлд зорчиж явсан Г-гийн &#8220;Премио&#8221; загварын суудлын автомашин замын хажуу руу онхолдож жолооч Г /41 настай, эрэгтэй/ автомашиндаа даруулан нас барсан байсныг 23:53 цагт цогцсыг гаргаж Цагдаагийн байгууллагад шилжүүлэн өгчээ.

Автомашин осолдож, нэг иргэн амиа алджээ DNN.mn

Улсын Их Хурал, Гэр бүл, хөдөлмөр, нийгмийн хамгааллын яам, Монголын ахмадын холбоо хамтран зохион байгуулж буй Ахмадын үндэсний чуулганд Улсын Их Хурлын Нийгмийн бодлогын байнгын хорооны дарга Л.Энхнасан Ахмад настны тухай хуулийн нэмэлт, өөрчлөлт, түүнд тусгагдсан гол асуудлуудын талаар танилцууллаа. Хуулийг Улсын Их Хурлаас 2024 оны зургадугаар сарын 05-нд баталж, энэ оны нэгдүгээр сарын 01-нээс хэрэгжиж байгааг тэрбээр дурдаад, ахмад настны хөдөлмөр эрхлэлтийг дэмжих, тэдэнд учирч буй эдийн засаг, сэтгэл зүйн дарамт, хүчирхийллээс сэргийлэх, нийгмийн оролцоо, хөгжлийг дэмжих үйлчилгээний нэр төрөл, санхүүжилтийг эрүүл мэнд, боловсролын салбарт ахмадууд өөрсдийн хүсэлтээр үргэлжлүүлэн ажиллаж болнэмэгдүүлэх, мөн Ахмадын сантай холбоотой зохицуулалтуудыг дэлгэрэнгүй тайлбарласан юм. 50 ба түүнээс дээш ажиллагсадтай аж ахуйн нэгж нийт ажиллагсадынхаа хоёроос доошгүй хувьд ахмад настныг ажиллуулах, эрүүл мэнд, боловсролын салбарт ахмадууд өөрсдийн хүсэлтээр үргэлжлүүлэн ажиллаж болох, өөрөө хүсвэл нийгмийн даатгалын шимтгэл төлөхгүй байж болох зохицуулалтуудыг хуульд тусгасан байна. Түүнчлэн, ахмад настны тэтгэвэр, тэтгэмжийг зөвшөөрөлгүй зарцуулах, барьцаалж зээл авах, өмч хөрөнгийг нь дур мэдэн зарцуулах, ашиглах зэрэгт Эрүүгийн болон Зөрчлийн тухай хуульд заасан хариуцлага хүлээлгэхээр заажээ.
Нийгмийн халамжийн сангаас ахмад настанд зориулан олгож байгаа нийт зардлын 10-аас доошгүй хувийг тэдний нийгмийн оролцоог дэмжих, хөгжлийг дэмжих үйлчилгээнд зарцуулахаар хуульд тусгаад байгаа юм. Үүний дагуу жилд 600.0 орчим сая төгрөг зарцуулж байсан бол хууль хэрэгжсэнээр зарцуулах хөрөнгө жилд 15-20 тэрбум төгрөгт хүрч нэмэгдсэнийг Улсын Их Хурлын Нийгмийн бодлогын байнгын хорооны дарга Л.Энхнасан илтгэлдээ онцолж, ахмадын өргөө байгуулахаас гадна ахмадын төв, сэргээн засах төв, идэвхтэй насжилтыг дэмжих төв, дасгалын клуб, олон нийтийн төвийг ажиллуулах, барилга байгууламж, хөдлөх хөрөнгийн ашиглалт, засварын зардлыг санхүүжүүлэх зэрэг олон асуудал хуульд тусгалаа олсныг дурдлаа. Мөн тэрбээр, өмнө нь таван жил тутам олгож байсан протез, ортопедийн хэрэгсэл, тэргэнцэр, нэн шаардлагатай тусгай хэрэгсэл худалдан авсан зардлын үнийн хөнгөлөлтийг гурван жил тутам олгох болсон, ганц бие ахмад настанд олгож байсан түлээ нүүрсний үнийн хөнгөлөлтийг нийгмийн халамжийн дэмжлэг туслалцаа зайлшгүй шаардлагатай ахмад настнуудад олгохоор болгож, хүрээ хэмжээг нь тэлсэн зэрэг хуулийн өөрчлөлтүүдийг танилцуулж, Ахмадын өдрийг жил бүрийн 10 дугаар сарын эхний долоон хоногийн турш зохион байгуулж байхаар хуульчилсныг дурдав. Ахмад настны тухай хуульд нэмэлт, өөрчлөлт ороогүй байхад настнууд хөнгөлөлттэй үнээр үйлчлүүлэх сувиллын газрын тоо 20 хүрэхгүй байсан бол нэмэлт, өөрчлөлт оруулсан хуулиар бүх сувиллын газар хөнгөлөлттэй үнээр үйлчлэх болсон бөгөөд Ахмадын сангийн зардлыг төсөвт байгууллагууд төсөвтөө, аж ахуйн нэгжүүд тус санг дүрэмдээ тусгаж ажиллуулахаар хуульчилсан байна.
Ахмад настны тухай хуульд нэмэлт, өөрчлөлт оруулах тухай хууль үр дүнтэй хэрэгжүүлж, тэдний нийгмийн харилцаа, олон нийтийн үйл ажиллагаанд оролцох боломжийг нэмэгдүүлснээр сэтгэл зүйн болон нийгмийн дэмжлэг сайжрах, эрүүл мэндийн үйлчилгээ, урьдчилан сэргийлэх арга хэмжээний хүртээмжийг нэмэгдүүлж, амьдралын чанарыг дээшлүүлэх, ялгаварлан гадуурхалтыг бууруулж, илүү аюулгүй, нэр хүндтэй амьдрах нөхцөлийг хангах, хөдөлмөр эрхлэлтийг дэмжиж, тэдний мэдлэг, туршлагыг үр дүнтэй ашиглан эдийн засгийн үр ашгийг нэмэгдүүлэх зэрэг олон талын ач холбогдолтойг Нийгмийн бодлогын байнгын хорооны дарга илтгэлдээ чухалчилсан юм.
Ахмад настны хөдөлмөр эрхлэлтийг дэмжих чиглэлээр хуульд шинээр оруулсан зохицуулалтуудыг Гэр бүл, хөдөлмөр, нийгмийн хамгааллын сайд Л.Энх-Амгалан илтгэлдээ мөнхүү чухалчилсан юм. Нийт ажиллагсадынхаа хоёроос доошгүй хувьд ахмад настныг ажиллуулах асуудалд байгууллага, аж ахуйн нэгжүүд онцгой ач холбогдол өгөхийг тэрбээр уриалж, ахмад настан өөрийн сонголтоор тэтгэвэрт гарах, нийгмийн даатгалын шимтгэл төлсөн 20-оос дээших жил тутамд дундаж цалин хөлсний 1.5 хувиар нэмэгдүүлж байсныг 2.0 хувиар тооцдог болж байгаа, тэтгэвэр авагч нас барсан бол тэтгэврийнх нь 20 хувьтай тэнцэх хэмжээний нэмэгдлийг гэр бүлийн хүнийх нь тэтгэвэр дээр нэмж олгох, мөн тэтгэврийг жил бүр инфляцын түвшинтэй уялдуулан нэмэгдүүлэх, ажил эрхэлж байгаа ахмад настан өөрөө хүсвэл нийгмийн даатгалын шимтгэл төлөхгүй байж болох зэрэг хуульд шинээр орсон зохицуулалтуудыг танилцуулсан юм. Мөн тэрбээр илтгэлдээ, ахмад настнуудын 60 орчим хувь нь тэтгэвэр барьцаалсан зээлтэй байгааг дурдаж, зээлийг настнууд өөртөө биш ихэвчлэн сургалтын төлбөр, байр, автомашин худалдан авах зэрэгт зарцуулсан талаар Фридрих-Эбертийн сангаас 2022 онд хийсэн судалгаанаас эш татан дурдсан юм. Энэ төрлийн зээл нь ахмад настны амьжиргааг дэмжих бус тэдний эрх зөрчигдөх, өрийн дарамтад оруулах, улмаар ядууралд өртөхөд хүргэж байгааг сайд онцлоод, уг зээлийн хугацааг багасгах, өр, орлогын харьцааг зохистой хэмжээнд барих асуудлаар Монголбанканд хандаад байгаа гэлээ.
Ахмад настны тухай хуульд нэмэлт, өөрчлөлт оруулах тухай хуулийн талаар танилцуулахын зэрэгцээ нийгмийн даатгалын шинэчлэлийн хүрээнд хувийн нэмэлт тэтгэврийн эрх зүйн орчныг бүрдүүлэхээр ажиллаж байгаагаа Гэр бүл, хөдөлмөр, нийгмийн хамгааллын сайд ярьсан юм. Энэхүү эрх зүйн орчин бүрдсэнээр тэтгэврийн хуваарилалтын тогтолцооноос хагас хуримтлалын тогтолцоонд шилжих, ахмад настан олон эх үүсвэрээс тэтгэвэр авах боломж бүрдэх, дараалсан таван жилийг нэмэгдүүлж тэтгэвэр тогтоох, насандаа эрт суух тохиолдолд тэтгэврийн хэмжээ буурч, хожуу гарах тохиолдолд нэмэгддэг байх, ердийн болон эрт тэтгэвэрт гарах насыг нэмэгдүүлэх, ажил олгогчоос төлөх шимтгэлийн дээд хэмжээнд хязгаар тогтоож, хувийн нэмэлт тэтгэврийн тогтолцоо хэрэгжих боломж бүрдүүлэх, нийгмийн даатгалд хамрагдаж чадахгүй байгаа бүлгийг шимтгэл төлөгч болгох зэрэг эерэг өөрчлөлт гарах ажээ.
Хуулийн нэмэлт, өөрчлөлтийг хэрэгжүүлэх үүднээс Монгол Улсын Засгийн газрын 2024-2028 оны үйл ажиллагааны хөтөлбөрт Гэр бүлийн цогц төвөөр дамжуулан ахмад настанд хөгжлийн болон нийгмийн үйлчилгээ үзүүлэх, нийт ажлын байрны хоёроос доошгүй хувьд тэднийг ажиллуулах, мөн шинэ ур чадварт сургах, асаргааны хувилбарт үйлчилгээг хөгжүүлэх, тэтгэврийн хэмжээг жил бүр нэмэгдүүлэх талаар тодорхой зорилтууд туссаныг дэгэрэнгүй танилцуулсан юм.
Мөн Улсын Их Хурлын гишүүн Ж.Чинбүрэн эрүүл мэнд, эм хангамжийн талаар илтгэл тавилаа. Тэрбээр Улсын Их Хурлаас 2024 оны зургадугаар сарын 05-нд шинэчлэн баталсан Эм, эмнэлгийн хэрэгслийн тухай хуульд орсон гол өөрчлөлтүүдийг танилцуулсан юм. Уг хуульд, нийслэлд үйл ажиллагаа явуулах тусгай зөвшөөрөл эзэмшигч 10 эмийн сан тутамдаа эмийн хүртээмж муутай алслагдсан байршилд нэг эмийн сан байгуулах, аймгийн төвд ажиллаж буй тусгай зөвшөөрөл эзэмшигч гурван эмийн сан тутамдаа нэгийг суманд байгуулж ажиллуулахаар заасан юм. Үүний үр дүнд эмийн хүртээмж тодорхой хэмжээнд нэмэгдэх хүлээлттэй байгааг дурдав.
Хөнгөлөлттэй эмийн жагсаалтад 2024 онд 651 нэр төрлийн эм байсан бөгөөд үүнд 37.0 тэрбум төгрөг зарцуулсан бол 2025 онд 825 нэр төрлийн эмийг жагсааж, 171.0 тэрбуи төгрөг зарцуулахаар төсөвлөснийг тэрбээр танилцуулж, Монгол Улсын урт хугацааны хөгжлийн “Алсын хараа 2050” хөтөлбөрт иргэн бүрийг хоёр жил тутамд урьдчилан сэргийлэх, эрт илрүүлэх үзлэг, оношилгоо, шинжилгээнд тогтмол хамруулж хэвшүүлэхээр тусгасан бөгөөд 2025 оны төсөвт үүнд 38.0 тэрбум төгрөг тусгаад байгааг онцолсон юм.
Монголын ахмадын холбооны ерөнхийлөгч Ц.Сүхбаатар Ахмад настны тухай хуулийн хэрэгжилтийг хангахад ахмадын байгууллагуудын оролцоо, хамтын ажиллагааны талаар илтгэл тавив. Илтгэлийнхээ эхэнд тэрбээр Монголын ахмадын байгууллагын цахим сан, түүний бүртгэл, мэдээлэл болон удирдлага, зохион байгуулалтын талаар тодорхой танилцуулаад, хуулийн хэрэгжилтийг хангах хүрээнд цаашид авч хэрэгжүүлэ арга хэмжээ болон ахмадын байгууллага хэрхэн оролцож ажиллах талаар голчлон ярьсан юм. Үүний хүрээнд бараа, бүтээгдэхүүний үнэд аудит хийж, мах, гурил зэрэг өргөн хэрэглээний барааны үнэд хязгаар тогтоох, амралт, рашаан сувилалд хамрагдах ахмад настны тоо, зардлыг нэмэгдүүлэх, Ахмадын сан байгуулах ажлыг эрчимжүүлэх, тэтгэвэр бодох цалингийн дээд хязгаарыг өсгөх, тэдний хөдөлмөр эрхлэлтийг дэмжих хүрээнд хөнгөлөлттэй зээлийн хэмжээг 10.0 сая төгрөг болгож нэмэгдүүлэх, эрүүл мэндийн үйлчилгээний чирэгдлийг багасгах зэрэг арга хэмжээг авч хэрэжүүлэх шаардлага байгааг тэрбээр дурдлаа. Мөн ахмадуудыг хямд, түрээсийн орон сууцтай болох нөхцөлөөр хангах, тэтгэврийн зээлийн хугацааг богиносгож, алсдаа энэ төрлийг зээлийг олгохгүй байх, төрөлжсөн асрамжийн газар байгуулах, асаргааны хувилбарт үйлчилгээний төрөлжилтийг нэмэгдүүлж, боловсон хүчнийг бэлтгэх, амралт, сувиллын газрын тоог нэмэгдүүлэх зэрэгт анхаарч ажиллах нь зүйтэй гэв. Ахмадын байгууллага хуулийн хэрэгжилтийг хангахад чухал оролцоотойг тэрбээр онцолж, тус байгууллагын сонгуульт ажилтнуудыг ажиллах нөхцөл техник хэрэгслээр хангах, цахим сангийн хөгжүүлэлт, төрийн байгууллагуудын ХУР системтэй холбоход дэмжлэг үзүүлэхийг хүссэн юм.
Үүний дараа “Сайн туршлага, идэвхтэй оролцоо: Ахмад үе ба хөдөлмөрийн зах зээл” сэдэвт панел хэлэлцүүлэг боллоо. Хэлэлцүүлгийг Улсын Их Хурлын даргын Тогтвортой хөгжил, цахим бодлогын зөвлөх Р.Алтангэрэл чиглүүлэн явуулж, Улсын Их Хурлын гишүүн Ж.Чинбүрэн, Гэр бүл, хөдөлмөр, нийгмийн хамгааллын яамны Төрийн нарийн бичгийн дарга Л.Мөнхзул, Эрүүл мэндийн яамны Стратеги төлөвлөлтийн газрын дарга П.Оюунцэцэг, Боловсролын яамны Төрийн нарийн бичгийн дарга Х.Батжаргал болон Ахмадын хөдөлмөр эрхлэлтийг дэмжих нэгдсэн холбооны тэргүүн Г.Атармаа нар оролцсон юм. Тус хэлэлцүүлгээр ахмад настны хөдөлмөр эрхлэлтийг дэмжих, тэдний мэдлэг туршлага, ур чадварыг өвлүүлэн уламжлуулах, залуу үеийг сурган, дадлагажуулах болон энэ талаарх төрийн бодлого, үйл ажиллагааг холбон зуучлах зэрэг өргөн хүрээний асуудлаар санал солилцож, чуулганд оролцогчдын санал бодлыг сонслоо. Хуульд оруулсан нэмэлт, өөрчлөлт нь хэрэгжих боломжтой бөгөөд бодитой үр дүн гарч, нийгмийн амьдралд эерэгээр нөлөөлөх ач холбогдолтойг хэлэлцүүлэгт оролцогчид онцлон дурдсан бөгөөд энэхүү бодлогын зорилтуудыг хэрэгжүүлэхэд ахмадын байгууллагууд, ахмад настнуудын өөрсдийн идэвх чармайлт, оролцоо чухал болохыг чухалчилж байв. Үндэсний чуулган үргэлжилж байна гэж Улсын Их Хурлын Хэвлэл мэдээллийн газраас мэдээллээ.

Үндэсний чуулганаар Ахмад настны тухай хуульд нэмэлт, өөрчлөлт оруулах тухай хуулийг хэрэгжүүлэх тухай асуудлыг хэлэлцэж байна DNN.mn

Агаарын бохирдлыг бууруулах Үндэсний хорооноос хэрэгжүүлж буй арга хэмжээний талаар тус үндэсний хорооны дарга бөгөөд Байгаль орчин, уур амьсгалын өөрчлөлтийн сайд С.Одонтуяа танилцуулга хийлээ.
Монгол Улсын Засгийн газраас “Энержи ресурс” ХХК-тай байгуулсан  түүхий эд нийлүүлэх гэрээ дууссан,  “Тавантолгой түлш” ХХК-ийн шахмал түлшний түүхий эдийг шинэчлэх, өөрчлөх хэрэгцээ шаардлага үүсэж байгаатай холбогдуулан шахмал түлшний чанарыг сайжруулах зорилгоор үндсэн түүхий эдийг өөрчлөх талаар холбогдох судалгаанууд хийжээ. Тухайлбал, хагас коксон /хөх нүүрс/ шахмал түлш, “Эрдэнэс тавантолгой”-н ордын “0” давхаргын баяжмалаар үйлдвэрлэсэн шахмал түлш зэргийг судалсан байна. 
“Эрдэнэс Тавантолгой” ХК-тай гэрээ байгуулан угааж, баяжуулсан завсрын бүтээгдэхүүн болох эрчим хүчний нүүрсийг 2025 оны гуравдугаар сараас нийлүүлнэ. 
Улаанбаатар хотын агаарын бохирдолд сөрөг нөлөө үзүүлж түүхий нүүрс түлж байгаа уурын болон усан халаалтын нийт 276 зууханд технологийн шинэчлэл хийж хатуу түлшнээс хийн түлшинд шилжүүлэх, төвлөрсөн дулаан хангамжид холбох, тоног төхөөрөмжийг сайжруулах арга хэмжээ авахаар төлөвлөөд байна. Түүхий нүүрс түлж байгаа зуухуудад шинэчлэл хийж түүхий нүүрсний хэрэглээг хязгаарласнаар агаарын бохирдлыг 13 хувиар бууруулна. Тухайлбал, 2025 онд дээрх зуухын 30 хувийг хийн түлшид шилжүүлэхээр ажиллаж байна. 
Нийслэлийн агаарын бохирдлын 6 хувийг ДЦС-уудын яндангаас гарч байгаа утаа эзэлж байна. “Амгалан” дулааны станцаас бусад цахилгаан станцуудын зуух нь бүгд 1961-1990 онд суурилагдсан бөгөөд утааны шүүлтүүрүүд нь хуучирчээ. Ялангуяа, ДЦС-3 ТӨХК-ийн нойтон үнс баригчтай зуухуудын үйл ажиллагаанд технологийн шинэчлэл хийх, ДЦС-2, ДЦС-3-ын шүүлтүүрийг цахилгаанд шилжүүлэх, солих  санхүүжилтийг шийдвэрлэх шаардлагатай байгаа юм. 
Агаарын бохирдлын 30-аас доошгүй хувийг автомашинаас үүдэлтэй бохирдол эзэлж байна. Нийслэлд 804,656 автомашин бүртгэлтэй байгаагаас 74.2 хувь нь 10-аас дээш жилийн насжилттай. Автомашин 0-5 км/цаг хурдтай явахад түүнээс ялгарах утаанд хорт бодисын хэмжээ энгийн үеэс 2-3 дахин их байдаг. Улаанбаатар хотод 1278 автобус бүртгэлтэй, өдөрт 1128 автобус нийтийн тээврийн үйлчилгээнд ажилладаг. Эдгээр автобусны 84 хувь нь Евро-5 стандартын шатахуун ашигладаг. 2025 оны аравдугаар сарын 01-ний дотор нийтийн тээврийн автобусыг хийн түлш рүү шилжүүлснээр агаарын бохирдлыг бууруулахад нөлөө үзүүлнэ гэж үзэж байна. 
Мөн шинээр боловсруулсан Нийслэлийн агаарын бохирдлын хуулийн төслөөр холбогдох зохицуулалтуудыг хийхээр төлөвлөжээ.
Товч мэдээ 
·      Төрийн өмчит компаниудын 2025 оны бизнес төлөвлөгөө, төсвийн төлөвлөгөөний талаар Монгол Улсын сайд, Засгийн газрын Хэрэг эрхлэх газрын дарга Н.Учрал танилцууллаа. Өнөөдрийн хуралдаанд “Монголросцветмет” ТӨҮГ, “МИАТ” ТӨХК, “Төрийн банк” ТӨХК-ийн талаар дэлгэрэнгүй танилцуулга хийв. 
·      “Эрдэнэс Тавантолгой” ХК-ийг нээлттэй хувьцаат компани болгох зорилгоор олон улсын хүний нөөцийн компаниар дамжуулан удирдлагын багийн гишүүдийн сонгон шалгаруулалтыг яаралтай зохион байгуулахыг “Эрдэнэс Тавантолгой&#8221; ХК-ийн Төлөөлөн удирдах зөвлөлд,  хяналт тавьж ажиллахыг Монгол Улсын сайд, Засгийн газрын Хэрэг эрхлэх газрын дарга Н.Учрал, “Эрдэнэс Монгол” ХХК-ийн гүйцэтгэх захирал С.Наранцогт нарт даалгалаа. “Эрдэнэс Тавантолгой” ХК-ийн удирдлагын багийн гишүүдийн сонгон шалгаруулалтын зарыг олон улсад мэдээлж, түгээхээр боллоо. 
·      Төрийн болон орон нутгийн өмчит компанийн бүтээмж, ил тод байдал, засаглалыг сайжруулах тухай хуулийн төсөл болон дагалдах бусад хууль тогтоомжийн төслийг хэлэлцээд УИХ-д өргөн мэдүүлэхээр тогтлоо. 
·      Нийслэл Улаанбаатар хотын 2040 он хүртэлх хөгжлийн ерөнхий төлөвлөгөө батлах тухай” Улсын Их Хурлын тогтоолын төслийг өргөн барихаар шийдвэрлэв.

Хайх