Эх орныхоо хөгжил дэвшил, ард түмнийхээ түвшин сайхан амьдралын төлөө халуунд халж, хүйтэнд хөрч, залуу нас, мэдлэг боловсрол, оюун ухаан, авьяас чадвар, хүч хөдөлмөрөө зориулан өнөөдрийн ололт, амжилтын суурийг тавьсан үе үеийн ахмадууд, тэдний үйл хэрэг, ажил мэргэжлийг залгамжлан шаргуу хөдөлмөр, бүтээлч үйлсээ зориулан ажиллаж байгаа инженер техникийн ажилтнууд, тээвэрчид болон автотээврийн салбарт үйл ажиллагаа эрхэлдэг үйлчилгээний, эрдэм шинжилгээний, сургалтын байгууллагын ажилтан, албан хаагчид, тэдгээрийн гэр бүл, хамт олон, автотээврийн салбарын мэргэжлийг сонгон суралцаж буй нийт суралцагч Та бүхэнд Монгол Улсад автотээврийн салбар үүсэж хөгжсөний 100 жилийн ойн баярын халуун мэндчилгээг өргөн дэвшүүлье.
Тэртээ 100 жилийн өмнө уламжлалт тээвэр болох тэмээн жин, морин өртөөг халж автотээврийн анхны байгууллагыг байгуулснаас хойш автотээвэр нь улс орны нийгэм, эдийн засгийн хөгжил, батлан хамгаалах, эрүүл мэнд, бүтээн байгуулалтын үйл хэрэгт үнэлж баршгүй хувь нэмрээ оруулж, ачаа, зорчигч тээврийн үйлчилгээг хаалганаас хаалганд хүргэдэг хамгийн түгээмэл, хүртээмжтэй, өдөр тутмын хэрэглээ болтлоо өргөжин хөгжсөн салбар болсныг онцлон тэмдэглээд, энэхүү үйл хэрэгт оюун ухаан, хүч хөдөлмөрөө зориулсан салбарын нийт ахмадууд, ажилтан, албан хаагчид Та бүхний нөр их хөдөлмөр, хичээл зүтгэлийг өндрөөр үнэлж байгаагаа илэрхийлье.
Салбарын хууль эрх зүйн орчныг боловсронгуй болгох, тээврийн аюулгүй байдал, аюулгүй ажиллагааг сайжруулах, байгаль орчинд ээлтэй, эдийн засгийн үр ашигтай, судалгаа, шинжилгээнд суурилсан тээврийн үйлчилгээ үзүүлдэг болох, орчин үеийн дэвшилтэт техник технологи, цахим үйлчилгээг нэвтрүүлэх, салбарын ажил, үйлчилгээг дэлхийн чиг хандлагатай уялдуулан хөгжүүлэх, мэргэжил, ур чадварт тулгуурласан удирдлага зохион байгуулалтын тогтолцоог бүрдүүлэх,  тээврийн төрлүүдийн харилцан уялдаа, бодлогын нэгдмэл байдлыг хангах, тээврийн дэд бүтцийг хөгжүүлж салбарын өрсөлдөх чадварыг нэмэгдүүлэн дэлхийн хөгжингүй орнуудын автотээврийн салбарын үйлдвэрлэл, үйлчилгээний түвшинд цаг алдалгүй хүрэх, тэдэнтэй мөр зэрэгцэн ажиллах зүй ёсны шаардлага тээвэрчид Та бидний өмнө чухлаар тавигдаж байгааг онцлон хэлэх нь зүйтэй гэж үзэж байна.
Монголын автотээвэрчдийн нэгдсэн холбооноос тээвэрчдийг чадавхжуулан мэргэшүүлэх зорилгоор Аюултай ачаа, Жолоочийн ажил амралтын горим /Тахограф/, Ачааг аюулгүй ачих, бэхлэх, тээвэрлэх болон Олон улсын мэргэшсэн жолоочийн сургалтын төрлүүдээр Олон улсын автотээврийн холбоо /IRU/-ны Сургалтын академиас магадлан итгэмжлэл авснаар автотээврийн салбарын түүхэнд анх удаа дэлхийн 70 гаруй улсад хүлээн зөвшөөрөгдсөн үнэмлэхийг тээвэрчид Та бүхэн эх орондоо суралцан авах боломжтой болсныг дуулгахад таатай байна.
Түүнчлэн төрийн зарим чиг үүргийг гэрээний үндсэн дээр гүйцэтгэдэг мэргэжлийн холбооны хувьд нийгэмд үйлчилдэг статусаа эрх зүйн хувьд баталгаажуулж, салбарын мэргэжлийн чиглэлийн төрийн бус байгууллагуудтай хамтын ажиллагаагаа өргөжүүлж, төрийн ачааллыг үүрэлцэн, төр-хувийн хэвшлийн хамтын ажиллагааны баттай гүүр болон, салбартаа мэргэжил, арга зүйн зөвлөгөө өгөх, хууль, эрх зүйн орчныг боловсронгуй болгох, олон улсын гэрээ, хэлэлцээрт нэгдэх, автотээврийн харилцааны тухай Засгийн газар хоорондын хэлэлцээр байгуулахад дэмжлэг үзүүлэх, салбарын ажил үйлчилгээг цахимжуулах, аюулгүй байдлыг хангах, эдийн засгийн үр өгөөжийг нэмэгдүүлэх, иргэд, тээвэрчдэд дутагдаж буй шаардлагатай үйлчилгээг бий болгоход онцгой анхаарал хандуулан ажиллаж байгааг тэмдэглэн хэлье.
Олон олон бүтээн байгуулалт, эрх зүйн болон тогтолцооны шинэчлэлт, цахим шилжилтийг хамтдаа хийж, шинэ техник-технологи нэвтрүүлэн дараагийн зууныг ажил, хөдөлмөрийн өндөр амжилтаар эхлүүлэхийг нийт тээвэрчиддээ уриалж байна.
Автотээврийн салбарын нийт хамт олон Та бүхэн болон гэр бүлд тань эрүүл энх, аз жаргал, амжилт бүтээлийн дээдийг билэгдэн ерөөе.
Та бүхнийг алтан шар зам ивээх болтугай!
ЕРӨНХИЙЛӨГЧ  Д.НАРАНПҮРЭВ
&nbsp;

Монгол Улсад автотээврийн салбар үүсэж хөгжсөний 100 жилийн ойн баярын мэндчилгээ

Дайны дараах Монгол-Японы харилцааг хэвийн болгох хоёр талын чармайлт

<div class="quill ">
<div class="ql-container ql-bubble ql-disabled">
<div class="ql-editor" contenteditable="false" data-gramm="false">
, 10-нд нутгийн хойд хэсгээр, 11-нд төв болон говийн аймгуудын нутгийн зүүн хэсэг, зүүн аймгуудын нутгийн зарим газраар, 12-нд баруун аймгуудын ихэнх нутгаар, 13-нд баруун аймгуудын нутгийн зүүн хэсэг, төвийн аймгуудын ихэнх нутаг, говийн аймгуудын нутгийн баруун хэсгээр, 14-нд төв болон зүүн аймгуудын зарим газраар, 15-нд Халх голын сав газраар бороо, дуу цахилгаантай аадар бороо орно.
Салхи: Ихэнх хугацаанд ихэнх нутгаар секундэд 5-10 метр, борооны өмнө салхи түр зуур ширүүснэ.

Агаарын температур: 09, 10, 13-нд нутгийн хойд хэсгээр бага зэрэг сэрүүсэх боловч бусад хугацаанд Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс, Эг, Үүр голын хөндийгөөр шөнөдөө +8&#8230;+13 градус дулаан, өдөртөө +22&#8230;+27 градус, говийн бүс нутаг, Орхон-Сэлэнгийн сав газар болон Дорнод-Дарьгангын тал нутгаар шөнөдөө +18&#8230;+23 градус, өдөртөө +34&#8230;+39 градус, бусад нутгаар шөнөдөө +13&#8230;+18 градус, өдөртөө +25&#8230;+30 градус дулаан байна.

Улаанбаатар хот орчмын 10 хоногийн цаг агаарын урьдчилсан төлөв
Хур тунадас: 08, 13-нд бороо, 09,10,11-нд бага зэргийн бороо орно, дуу цахилгаантай.
Салхи: Ихэнх хугацаанд секундэд 5-10 метр, борооны өмнө салхи түр зуур ширүүснэ.
Агаарын температур: 09, 10-нд бага зэрэг сэрүүсч шөнөдөө +9&#8230;+14 градус, өдөртөө +21&#8230;+26 градус дулаан байна. Бусад хугацаанд халж шөнөдөө +12&#8230;+17 градус, өдөртөө +26&#8230;+31 градус дулаан байна.
</div>
<div class="ql-clipboard" tabindex="-1" contenteditable="true"></div>
</div>
</div>
<div class="flex justify-end items-center mt-2"></div>

Улаанбаатарт өдөртөө 23 хэм дулаан байна

<div class="post-content">
<div>
БНСУ-ын Сөүл хотын Жунгнан дүүргийн цагдаагийн газар орон сууцны гадна гадаад иргэд үймээн гаргаж, тамхи татаж байна гэсэн дуудлага долоодугаар сарын 8-д иржээ. Уг дуудлагын дагуу цагдаагийн албан хаагчид орон сууцны гадна очиж монгол иргэдийг саатуулжээ. Эдгээр иргэдийн бичиг баримтыг шалгахад визний хугацаа хэтрүүлэн амьдарч байсан байна. Орон сууцны газар үймээн гаргаж, цагдаагийн газар саатуулагдсан иргэдийн дунд тус улсад танхайн хэргээр эрэн сурвалжлагдаж байсан нэг иргэн байжээ.
</div>
<div>
Цагдаагийн газар үймээн гаргасан дөрвөн эрэгтэй, хоёр эмэгтэй монгол иргэдийг зайлшгүй саатуулах ёстой гэж үзжээ. Эдгээр иргэд бичиг баримтын зөрчилтэй буюу хууль бусаар амьдарч байсан учраас Цагаачлалын албанд шилжүүлсэн байна.
</div>
</div>
<div class="mt-5 mb-4"></div>

Сөүл хотод үймээн гаргасан Монгол иргэдийг саатуулжээ

Улсын Их Хурлын Төрийн байгуулалтын байнгын хороо өнөөдөр хуралдаж, Бүсчилсэн хөгжлийн дэд хорооны болон Ёс зүйн дэд хорооны бүрэлдэхүүний тухай асуудлыг хэлэлцлээ.
УИХ дахь МАН-ын бүлгийн дарга Ж.Бат-Эрдэнэ, УИХ-ын Бүсчилсэн хөгжлийн дэд хороог УИХ-ын гишүүн М.Бадамсүрэн, Ж.Бат-Эрдэнэ, Э.Болормаа,  Ц.Идэрбат, Н.Номтойбаяр, Б.Пүрэвдорж, Ц.Сандаг-Очир, Ц.Туваан, Г.Уянгахишиг нарын бүрэлдэхүүнтэй, УИХ-ын Ёс зүйн дэд хороог УИХ-ын гишүүн О.Алтангэрэл, А.Ариунзаяа, Б.Баярбаатар, Ч.Лодойсамбуу, Ч.Номин, О.Саранчулуун, Б.Хэрлэн, Д.Энхтуяа, Ө.Шижир нарын бүрэлдэхүүнтэй байгуулах саналыг танилцуулсан.
Хэлэлцэж буй асуудалтай холбогдуулан УИХ-ын гишүүн А.Ганбаатар асуулт асууж, хариулт авсаны дараа санал хураалт явуулахад хуралдаанд оролцсон гишүүдийн олонх УИХ-ын Бүсчилсэн хөгжлийн болон Ёс зүйн дэд хороог дээрх бүрэлдэхүүнтэй байгуулахыг дэмжлээ хэмээн Улсын Их Хурлын Хэвлэл мэдээллийн газраас мэдээллээ.

УИХ-ын Бүсчилсэн хөгжлийн болон Ёс зүйн дэд хорооны бүрэлдэхүүнийг хэлэлцэн дэмжлээ

Монгол Улсын Ерөнхийлөгч Ухнаагийн Хүрэлсүхийн урилгаар төрийн айлчлал хийж буй Япон Улсын Цог Жавхлант Эзэн Хаан Нарүхито Техник, технологийн дээд сургуулийн харьяа “Монгол Коосэн” технологийн коллежид зочиллоо.
Эзэн Хаан Нарүхито коллежийн механик инженерчлэлийн ангиар зочлон багш, сурагчидтай уулзаж, чөлөөт ярилцлага хийлээ.
“Монгол Коосэн технологийн коллеж” нь Японы “коосэн” технологийн коллежийн хөтөлбөрийг загвар болгон технологи, инженерийн сургалт, судалгаа, аж үйлдвэрлэлийн салбарт “ноу-хау” нэвтрүүлдэг. Суурь боловсролтой хүүхэд, залуучуудыг 5 жилийн хугацаанд сургаж инженер бэлтгэдэг юм.
Монгол Улсын Засгийн газар, Японы Олон улсын хамтын ажиллагааны байгууллага (ЖАЙКА) хооронд 2014 онд байгуулсан зээлийн хэлэлцээрийн дагуу Боловсролын яамнаас “Инженер, технологийн дээд боловсрол” (1000 инженер) төслийг амжилттай хэрэгжүүлээд байна.
Манай улсад нэн шаардлагатай өндөр ур чадвар бүхий инженер, технологийн мэргэжилтэн бэлтгэх, инженерийн боловсролын чанарыг дээшлүүлэх, багшлах боловсон хүчний нөөцийг бэхжүүлэх, сургалт, судалгааны орчныг шинэчлэн сайжруулах төсөл хэрэгжүүлдэг.
Төслийн хүрээнд бакалаврын хамтарсан хөтөлбөрөөр 292, “коосэн” хөтөлбөрөөр 177, магистр 37, доктор 104, зэргийн бус богино хугацааны сургалтаар 488, нийт 1,098 оюутан, багш судлаач Японд боловсрол эзэмшиж, төгсөгчдийн 96 хувь нь мэргэжлийнхээ дагуу ажиллаж байна.
Одоогийн байдлаар Улаанбаатар хотноо ШУТИС-ийн харьяа “Технологийн коллеж”, “Монгол Коосэн технологийн коллеж”, “Шинэ Монгол технологийн коллеж” гэсэн гурван “коосэн” байдаг.
Мөн Дархан-Уул, Орхон, Өмнөговь аймагт гурван “коосэн” үйл ажиллагаа явуулж байна.

Япон Улсын Цог Жавхлант Эзэн Хаан Нарүхито “Монгол Коосэн технологийн коллеж”-ид зочиллоо

Үндэсний их баяр наадмын өдрүүдэд иргэдийн эрүүл мэнд, аюулгүй байдлыг хангах зорилгоор ажиллах эрүүл мэндийн байгууллагуудыг Эрүүл мэндийн яамнаас мэдээлсэн байна.
Нийслэл болон орон нутгийн дараах эмнэлгүүд долоодугаар сарын 10-15-ний өдрүүдэд 24 цагаар ажиллах юм.
Эрүүл мэндийн байгууллагуудтай холбоо барих утасны дугааруудыг хүргэж байна.<img loading="lazy" decoding="async" class="alignnone size-medium wp-image-649355" src="https://admin.dnn.mn/wp/wp-content/uploads/2025/07/Image-17-293x420.jpeg" alt="" width="293" height="420" srcset="https://admin.dnn.mn/wp/wp-content/uploads/2025/07/Image-17-293x420.jpeg?v=1752036899 293w, https://admin.dnn.mn/wp/wp-content/uploads/2025/07/Image-17.jpeg?v=1752036899 584w" sizes="auto, (max-width: 293px) 100vw, 293px" />

Наадмын өдрүүдэд 24 цагаар ажиллах эрүүл мэндийн байгууллагууд

Нийслэлийн Баянзүрх дүүргийн Прокурорын газрын хяналтын прокурор, хууль цаазын ахлах зөвлөх Б.Чинбилигтэй ярилцлаа.
-Сүүлийн үед гарч буй гэмт хэрэг, тэдгээртэй тэмцэх, урьдчилан сэргийлэхээр танай Прокурорын газраас ямар ажлууд хийгдэж байгаа талаар мэдээлэл өгнө үү?
-Энгийн үгээр тайлбарлахад прокурор гэмт хэрэг, зөрчлийн талаар гомдол, мэдээлэл бүртгэгдсэн өдрөөс эхлэн мөрдөн шалгах ажиллагаанд хяналт тавьж, шүүх хуралдаанд төрийн нэрийн өмнөөс улсын яллагчийн чиг үүрэгтэй оролцоно. Улмаар ял шийтгүүлсэн ялтан болон хоригдлуудын эрхийг хамгаалахаар ял эдлүүлэх ажиллагаанд бас хяналт тавина. Иргэнийг анх гэмт хэрэгт холбогдсон, эсхүл гэмт хэргийн улмаас хохирсон үеэс эхлээд дуусан дуустал нь хяналт тавьж хамгийн гол нь хүний эрхийг хамгаалах, хангах, зөрчигдсөн эрхийг сэргээлгэхээр хуулийг нэг мөр хэрэгжүүлж ажилладаг гэсэн үг.
Цагдаа прокурорын ажил салшгүй нягт холбоотой, мөн хамгийн хүнд хүчир ажлыг мөрдөгч нар маань хийж бид хуулийг нэг мөр хэрэгжүүлэхээр хяналтаа тавьж ажиллаж өдөр шөнөгүй нойр, хоолоо умартан, гэр бүлтэйгээ байх цаг хугацаагаа хасан ажиллаж байна. Мөн гэмт хэрэг, зөрчлөөс урьдчилан сэргийлэх ажил, арга хэмжээ зохион байгуулж, оролцож, ажилладаг ба бүх нэгжүүд тодорхой ажил, арга хэмжээ зохион байгуулж байгаа.
Баянзүрх дүүргийн Прокурорын газрын тухайд энэ онд маш олон цахим болон цаасан, наамал хэлбэрээр сэрэмжлүүлэг, гарын авлага бэлтгэн иргэдэд хүргэх, дангаар болон хамтарсан шалгалт судалгаа хийх, гэмт хэрэг, зөрчлөөс урьдчилан сэргийлэх яриа таниулга буюу сургалтууд хийж мэдээлэл өгөх ажлуудыг зохион байгууллаа. Цахим эрин үед нийцүүлэн богино хэмжээний бичлэг, дуу, дүрсээр мэдээлэл бэлтгэн дамжуулж, олон нийтэд түгээж байна.
Үүндээ хамгийн гол нь хүүхдийн эрхийг ханган хамгаалах, нийтийн эрх ашгийг хамгаалах, сүүлийн үед зонхилон үйлдэгдэж буй гэмт хэргээс урьдчилан сэргийлэх, тухайлбал цахим залилан, өсвөр насны хүүхдүүд цахим ертөнцөд гэмт хэргийн хохирогч, холбогдогч болохоос сэргийлэх, үе тэнгийн дээрэлхлээс сэргийлэх, мэдээлэх, эрүү шүүлтээс ангид байх гэх зэрэг чиглэлээр нэлээд ажил зохион байгууллаа.
-Тухайлбал?
-ХЭҮК-ын Эрүү шүүлтээс урьдчилан сэргийлэх асуудал эрхэлсэн гишүүн Я.Цэлмэн, Нийслэлийн Баянзүрх дүүргийн Прокурорын газрын ерөнхий прокурор, хууль цаазын шадар зөвлөх Ү.Содномцог нарын энэ оны нэгдүгээр сарын 14-ний өдөр хамтран баталсан “Хүүхдийн асрамж, халамжийн байгууллагад хүний эрхийн хэрэгжилт, эрүү шүүлт тулгах, бусад хэлбэрээр хэрцгий, хүнлэг бусаар буюу хүний нэр төрийг доромжлон харьцаж шийтгэхээс урьдчилан сэргийлэх чиглэлээр хамтран ажиллах тухай” удирдамжийн дагуу ХЭҮК-ын Эрүү шүүлтээс урьдчилан сэргийлэх асуудал эрхэлсэн гишүүн, Эрүү шүүлтээс урьдчилан сэргийлэх хэлтсийн дарга, мэргэжилтнүүд, тус Прокурорын газрын хяналтын прокурор Б.Чинбилиг, Я.Амарзаяа, М.Батзаяа нар хамтарсан шалгалтыг хийж гүйцэтгэсэн. Уг шалгалтын зорилго нь хүүхдийн эрхийг хангах, хамгаалах, гэмт хэрэг, зөрчлөөс урьдчилан сэргийлэх, гэмт хэрэг, зөрчлийн шинжтэй үйлдэл, эс үйлдэхүйг илрүүлэх, таслан зогсоох, шалгуулах, зөрчигдсөн эрхийг сэргээх явдал юм.
Шалгалтыг энэ оны нэгдүгээр сарын 15-ны өдрөөс зургадугаар сарын 06-ны өдрийн хугацаанд Баянзүрх дүүргийн нутаг дэвсгэрт үйл ажиллагаа явуулдаг хүүхэд хамгааллын төвүүдийн гэмт хэрэг, зөрчлөөс урьдчилан сэргийлэх чиглэлээр хийсэн ажил, арга хэмжээ зохион байгуулсан ажил, хүүхдэд аюулгүй, ээлтэй орчин бүрдүүлсэн байдалтай газар дээр нь танилцах, түүвэр тэмдэглэл хөтлөх, урьдчилан сэргийлэх чиглэлээр хийж хэрэгжүүлсэн ажлын холбогдох материалыг хуулбарлан авах, баримт материал, зураг гаргуулан авах, дуу, дүрсээр бэхжүүлэх, шаардлагатай тохиолдол бүрд холбогдох албан тушаалтнаас тайлбар авах зэрэг арга хэлбэрээр хийж, явц үр дүнг тухай бүр нь дээд шатны прокурорт танилцуулж үүрэг, чиглэл авч ажилласан байна.
Хоёр байгууллагын хамтарсан баг Шалгалтын явцад Баянзүрх дүүргийн нутаг дэвсгэрт үйл ажиллагаа явуулдаг хүүхэд хамгааллын төвүүдийн товч мэдээлэл, хаяг байршлын талаар болон тэдгээр газруудтай холбоотой гэмт хэрэг, зөрчлийн шинжтэй гомдол, мэдээлэл бүртгэгдсэн талаарх судалгааг тус тус гарган авч холбогдох дүгнэлтүүдийг хийж, ажилласан байна.
-Ер нь сүүлийн жилүүдэд цагдаагийн байгууллагад хүүхдийн асрамж, халамжийн байгууллагуудтай холбоотой хүүхдийн эрхийн хэдэн гомдол мэдээлэл бүртгэгдсэн бол?
-2020 оноос хойш гэмт хэрэг, зөрчлийн шинжтэй нийт 98 дуудлага буюу гомдол, мэдээлэл цагдаагийн байгууллагад бүртгэгдсэн. Үүнээс Өнөр бүл төвтэй холбоотой 88, Хүүхэд, залуучуудын сургалт, хүмүүжлийн тусгай цогцолборт холбогдох хоёр, Монголын хүүхдийн сантай холбоотой нэг, Гэрэл хүүхдийн асрамжийн төвтэй холбоотой тав, Дон боско хүүхдийн төвийн хоёр тохиолдол байсан байна. Гэхдээ эдгээр тоог дандаа гэмт хэрэг, зөрчил гэж ойлгож болохгүй, тэр газруудад дээрх тооны гэмт хэрэг, зөрчил үйлдэгдээд байсан гэсэн үг биш шүү, зөв ойлгох хэрэгтэй.
Гомдол, мэдээллийн утгаар нь ангилбал, хүүхэд тухайн амьдардаг байрнаасаа, өөрөөр хэлбэл хүүхэд асрамж, хамгааллын төвөөсөө зугтсан, гараад сураггүй болсон буюу багш, сурган хүмүүжүүлэгч /багш-ээж/-ийн зөвшөөрөлгүйгээр явсан 57 тохиолдол байгаа нь нийт гомдол, мэдээллийн 64.77 хувийг эзэлж байна.
Бусад гомдол, мэдээллийн хувьд давхардсан тоогоор, цонх хагалсан 1, гар утсаа алдсан 4, Фейсбүүкээр хүн дарамтлаад байна гэх 1, байрлалын гадна болон дотор зодооны шинжтэй 5, цонхоор унаж хөлөө хугалсан 1, будаг үнэртсэн 1, амиа хорлохыг завдсан 2, төвийн жолооч, ээж /асрагч багш/ согтуу ажил дээрээ байсан тус бүр 1, бэлгийн дарамт, ёс бусаар хангах шинжтэй 4, цахим гэмт хэргийн шинжтэй 3, төвийн байранд засвар хийх байгууллагад залилуулсан гэх 1 зэрэг тохиолдлууд тус бүр 2020 оноос 2024 оны хооронд бүртгэгдэж, шийдвэрлэгдэж байсан байна.
Цагдаагийн газраас авсан судалгаагаар 2025 оны эхний 2 сарын байдлаар гэмт хэрэг, зөрчлийн шинжтэй гомдол, мэдээлэл бүртгэгдсэн тохиолдол байхгүй байлаа.
Хяналт шинжилгээ, шалгалт хийх явцад тааруухан ч байгууллага төв байна, сайн сайхан, зөв зохистой үйл ажиллагаа явуулж байгаа байгууллагууд байсан бөгөөд ерөнхийдөө эдгээр нь хүүхдийн төлөө, хүний эрхийн төлөө үйл ажиллагаа явуулж байгаа, сайн зүйлийн төлөөх л байгууллагууд гэдгийг дурдмаар байна.
-Шалгалт явуулахад дээрхээс гадна ямар нэгэн зөрчил байв уу?
-Шалгалтаар гэмт хэрэг, зөрчлийн шинжтэй дөрвөн тохиолдлыг хууль, хяналтын байгууллагад шилжүүлж шалгуулаагүй дарагдуулсан алдаа зөрчил илэрсэн. Үүнд: Тухайлбал, утгаар нь авч үзвэл асрагч ээжийгээ унтсан хойгуур гэрийн гал тогооны цонхоор нууцаар гарч, хашаа даван архи уумаар санагдаад хааяа мессеж бичдэг залуутай уулзаж, бэлгийн харилцаанд орсон” гэх, “&#8230;салбарын хүүхэд хариуцсан асрагч ээж нь 10 настай хүүхдийг “хичээлээсээ тараад цагтаа ирээгүй тэнэсэн, бусад хүүхдүүдийг автобусанд удаан хүлээлгэсэн” гэх шалтгаанаар нуруу хэсэгт нь 2 удаа цохисон” гэх, “&#8230;төвийн ажилтан 14 настай хүүхдийг урлагийн зааланд сургалтын үеэр толгойн тус газарт нь цохисон” гэх, “11 настай хүүхэд нь өөрийн дүү 6 настай хүүхдийн өмдийг нь тайлж, бэлгэ эрхтэн рүү нь бэлгэ эрхтнээ хийсэн” гэх тохиолдол байсан. Иймд дээрх дөрвөн асуудлыг шалгуулахаар цагдаагийн байгууллагад шилжүүлсэн.
Мөн гэмт хэрэг, зөрчлийн шинжтэй асуудлыг холбогдох хууль хяналтын байгууллагад шилжүүлж, шалгуулж байх талаар зөвлөмж өгч, гэмт хэрэг, зөрчлийн ялгааг тайлбарласан яриа таниулга хийсэн.
Дээрх байдлаар төв тус бүрд тухайн байгууллагын шалгалтаар илэрч, тогтоогдсон нөхцөл байдалтай холбоотойгоор зохих арга хэмжээнүүдийг авч ажилласан бөгөөд шаардлагатай ихэнх байгууллагад өөрийн санаачилгаар болон тус байгууллагын хүсэлтийн дагуу гэмт хэрэг, зөрчлөөс урьдчилан сэргийлэх чиглэлээр яриа таниулга зохион байгуулж, гарын авлага, сэрэмжлүүлэг, зурагт хуудас зэргийг байгууллагын булан, хэсгүүдэд байрлуулах, хүүхэд, ажилтнуудад түгээх, тайлбарлан таниулах зэргээр ажилласан байна.
-Энэхүү шалгалтын ажиллагааг хүүхэд хамгааллын чиглэлээр үйл ажиллагаа явуулдаг байгууллагууд хамтарч явуулсан нь давуу талтай байсан болов уу. Ерөнхийд нь дүгнэвэл?
-ХЭҮК-ын Эрүү шүүлтээс урьдчилан сэргийлэх хэлтэс “Эрүү шүүлтээс урьдчилан сэргийлэх ажиллагаа”-ны хүрээнд нэлээдгүй ажлуудыг хийж, арга хэмжээ авч ажиллаж байгаа.
Тухайлбал, тэдгээр байгууллага төвүүдэд аливаа хэлбэрээр хүнлэг бус харьцаа, эрүү шүүлт бий эсэх, зөвхөн хүүхэд гэлтгүй ажилтнуудын эрх зөрчигдөж буй эсэхэд бас хяналт шинжилгээ хийсэн байгаа байх, хэдийгээр хамтарсан ажил боловч өөр өөрсдийн чиглэлээр ажилласан байгаа.
Хоёр байгууллагын хамтран гүйцэтгэсэн хяналт, шинжилгээ, шалгалтын ажлын үр дүнд тухайн байгууллагын буюу хувийн хэвшлийн захирал, удирдлагын бүрэлдэхүүн зарим ажилчдаа ялгаварладаг, дотооддоо гардаг аливаа асуудал, хүчирхийллийн шинжтэй үйлдлийг гэмт хэрэг, зөрчлийн шинжтэй эсэхийг тогтоолгохоор холбогдох эрх бүхий байгууллагад шилжүүлж шалгуулдаггүй, “шүгэл үлээгч”-ийг гадуурхан ялгаварлаж, аливаа хэлбэрээр ялгаж харьцдаг, ямар нэгэн асуудлуудыг нуун дарагдуулдаг байж болзошгүй бугшмал тогтолцоо, нөхцөл байдлыг илрүүлэн, таслан зогсоох ажлын суурь болсон гэж дүгнэж байна.
Өөрөөр хэлбэл, тухайн нуугдмал, тусдаа вант улс мэт тогтолцоог эвдэж, зөрчил, гэмт хэргийн шинжтэй үйлдлийг шалгуулах, урьдчилан сэргийлэх, гэмт хэрэг, зөрчлийн ялгааг таниулах нь цаашид гарч болзошгүй гэмт хэрэг, зөрчлөөс урьдчилан сэргийлсэн бодитой ажил болсон гэж дүгнэхээр байна.
Хяналт, шалгалтыг хоёр байгууллага хамтран гүйцэтгэснээр тус тусын мэргэжлийн үйл ажиллагааг чанарын өндөр түвшинд явуулсан нь нөхцөл байдлыг бодитой тогтоох, холбогдох арга хэмжээ авах, ажил зохион байгуулахад ач холбогдолтой байлаа.
Түүнчлэн хэвлэл мэдээлэл, цахим хэрэгслээр хяналт, шинжилгээ, шалгалтын ажлын талаар мэдээлэл гарсантай холбогдуулан тус чиглэлээр, харьцангуй хаалттай үйл ажиллагаа явуулдаг байгууллагуудад “цочроо” өгсөн, иргэдээс сайшаал хүртсэн ажил боллоо гэж шалгалт хийсэн прокурорын зүгээс дүгнэж байна.
Шалгалт хийх явцад дээрх байгууллагууд нь мэргэжлийн сэтгэл зүйч, судлаачгүй, сэтгэл зүйн аливаа үйлчилгээг даруй эсвэл тогтмол авах боломжоор бүрэн хангагдаагүй байсан нь тухайн хүүхдүүдийн эрх, ашгийг хангахад дутагдалтай, сөрөг нөлөөтэй. Тодруулбал, сэтгэл зүйн үйлчилгээ даруй аваагүйн улмаас амиа хорлох, аливаа хүчирхийлэлд өртөх, гэмт хэрэг, зөрчилд холбогдох, сэтгэл зүйн нөхцөл байдал нь улам угжрах зэрэг сөрөг нөлөөтэй байхаар байна.
&nbsp;

Хайх