Улаанбаатар хотын 4 байршилд төмөр зам доогуур нүхэн гарц барьж буй. Үүний нэг “Таван шар”-ын нүхэн гарцын авто замын хөдөлгөөнийг өнгөрсөн бямба гарагт нээсэн. Тэгвэл авто замын хөдөлгөөний ачаалал ямар байгаа талаар “Улаанбаатар хотын авто замын түгжрэлийг бууруулах нэгдсэн төсөл хэрэгжүүлэх нэгж”-ийн Авто замын инженер М.Золбоогоос тодрууллаа.
Тэрбээр “Төмөр зам доогуур авто замын нүхэн гарц барих 4 байршлын нэгдүгээр байршил бол “Таван шар”-ын нүхэн гарц юм. Нүхэн гарцын авто замын хөдөлгөөнийг нээгээд 7 хонож байна. Энэ нүхэн гарцыг барьснаар төмөр замын хаалттай гарам дээрх осол аваар буурна. Мөн тээврийн хэрэгслүүд хаалттай гарам дээр төмөр замын хөдөлгөөн нэвтрэхийг хүлээж зогсож, цаг алдахгүй болно. Өөрөөр хэлбэл нэвтрэх хөдөлгөөн сайжирна. “Таван шар”-ын нүхэн гарцыг нээснээс хойш тухайн орчимд тээврийн хэрэгслийн хөдөлгөөн удаашралтай байгаа гэсэн мэдээлэл байна. Удаашрал үүсээд байгаа шалтгаан гэвэл ажил хараахан бүрэн дуусаагүй. Авто замын бүрэлдэхүүн хэсгүүд болох Найрамдлын авто зам, Товчооны авто замын бүрэн шинэчлэл, аюулгүйн тойрог, буцаж эргэх эргэлтүүдийг хийснээр цогцоороо нүхэн гарцын ажил дуусна. Мөн одоо бүрэн урсгалаараа зогсолтгүй хөдөлгөөн яваад байгаа учраас хөдөлгөөний ачаалал нэмэгдсэн байгаа. Арваннэгдүгээр сарын 1-нд бүрэн ашиглалтад оруулж, тэмдэг, тэмдэглэгээ хийж, хөдөлгөөнийг бүрэн нээж, жолооч нарт мэдээлэл хүргэсний дараа одоогийн хөдөлгөөн удааширсан асуудал арилна. Мөн уулзварын дахин инженерчлэлийг дараа дараачийн уулзваруудад хийдэг” гэдгийг хэллээ.

“Найрамдал, Товчооны авто замыг шинэчилж, аюулгүйн тойрог, буцаж эргэх эргэлтүүдийг хийснээр Таван шарын нүхэн гарцын ажил бүрэн дуусна” гэв DNN.mn

“Намрын ногоон өдрүүд-Үндэсний үйлдвэрлэл” нэгдсэн арга хэмжээг 2024 оны есдүгээр сарын 23-29-ний өдрүүдэд Төв цэнгэлдэх хүрээлэнд зохион байгуулахаар болжээ.
Энэ нь үндэсний үйлдвэрлэгчид, тариаланчдын шилдэг бараа бүтээгдэхүүн, шинэ ургацын дээжийг иргэдэд хүргэх зорилготой байна.
Улаанбаатар хотод жил бүрийн намар шинэ ургацын ногооны томоохон үзэсгэлэн худалдаа зохион байгуулагддаг юм. Энэ жилийн хувьд уг арга хэмжээ зургаа хоног үргэлжилнэ.

“Намрын ногоон өдрүүд” худалдаа Төв цэнгэлдэх хүрээлэнд болно DNN.mn

Хан-Уул дүүрэг, 120 мянгатын уулзвараас “И-март” дэлгүүр хүртэлх авто замын хэсэгчлэн шинэчилнэ.
Хойд хэсгийн замыг 9 дүгээр сарын 23-ны өдрийн 23:00 цагаас 26-ны өдрийн 06:00 цагийн хооронд хааж шинэчилнэ. Харин урд хэсгийн замыг 9 дүгээр сарын 26-ны өдрийн 23:00 цагаас 28-ны өдрийн 06:00 цагийн хооронд хааж, шинэчилнэ. Иймд иргэд, жолооч та бүхэн бусад замыг сонгон хөдөлгөөнд оролцоно уу.

120 мянгатын уулзвараас “И-март” дэлгүүр хүртэлх авто замыг хэсэгчлэн хааж, шинэчилнэ DNN.mn

Сэлэнгэ аймгийн Цагааннуур сумын нутагт 3.9 магнитудын хүчтэй газар хөдөлжээ.
Газар хөдлөлт Цагааннуур сумын төвөөс зүүн урд зүгт 3 км, Зүүнбүрэн сумын төвөөс баруун зүгт 27 км, Түшиг сумын төвөөс зүүн урд зүгт 40 км зайд 17:24 цагт болсныг ШУА-ийн Одон орон, геофизикийн хүрээлэн мэдээлэв.

Сэлэнгэ аймгийн Цагааннуур суманд 3.9 магнитудын хүчтэй газар хөдөлжээ DNN.mn

<div class="xdj266r x11i5rnm xat24cr x1mh8g0r x1vvkbs x126k92a">
Энэ оны 09 дүгээр сарын 20-ны өдөр Завхан аймгаас Улаанбаатар хотын чиглэл рүү иргэн Э нь ховор ургамалд тооцогдох 23 шуудай хонин арц тээвэрлэн явсныг Экологийн цагдаагийн албанаас илрүүлэн мөрдөн шалгах ажиллагааг явуулж байна.
</div>
<div class="x11i5rnm xat24cr x1mh8g0r x1vvkbs xtlvy1s x126k92a">
Эрүүгийн хууль 24.8 дугаар зүйл. Байгалийн ургамлыг хууль бусаар бэлтгэх
Зохих зөвшөөрөлгүйгээр, хуульд зааснаас өөр зорилгоор нэн ховор, ховор ургамал, тэдгээрийн үр, эрхтнийг түүсэн, бэлтгэсэн, худалдсан, худалдан авсан, хадгалсан, тээвэрлэсэн, боловсруулсан бол таван мянга дөрвөн зуун нэгжээс хорин долоон мянган нэгжтэй тэнцэх хэмжээний төгрөгөөр торгох, эсхүл нэг жилээс таван жил хүртэл хугацаагаар зорчих эрхийг хязгаарлах, эсхүл нэг жилээс таван жил хүртэл хугацаагаар хорих ял шийтгэнэ.
</div>

Ховор ургамалд тооцогдох 23 шуудай “Хонин арц” тээвэрлэснийг илрүүлэв DNN.mn

Өнөөдөр Автомашингүй өдрийг манай улс 12 дахь жилдээ тэмдэглэн өнгөрүүлж байна. “Автомашингүй өдөр-2024” арга хэмжээ хотын төв гудамжуудаар 18:00 цаг хүртэл үргэлжилнэ.
<img decoding="async" src="https://ulaanbaatar.mn/files/mn/images/0wrftw6eh8o/66ee56b61ad23e72dd9a9b39.jpg" />
<img decoding="async" src="https://ulaanbaatar.mn/files/mn/images/xr40qhhwo9h/66ee56ac1ad23e72dd9a9b38.jpg" />
<img decoding="async" src="https://ulaanbaatar.mn/files/mn/images/8t73h6pev3/66ee56a41ad23e72dd9a9b37.jpg" />
<img decoding="async" src="https://ulaanbaatar.mn/files/mn/images/lt68njpo2cb/66ee56911ad23e72dd9a9b36.jpg" />
<img decoding="async" src="https://ulaanbaatar.mn/files/mn/images/co00pwr3fit/66ee56861ad23e72dd9a9b35.jpg" />
<img decoding="async" src="https://ulaanbaatar.mn/files/mn/images/xmn7vhbwja8/66ee567d1ad23e72dd9a9b34.jpg" />
<img decoding="async" src="https://ulaanbaatar.mn/files/mn/images/knocmx7fna/66ee56651ad23e72dd9a9b32.jpg" />
<img decoding="async" src="https://ulaanbaatar.mn/files/mn/images/jr1w4ck95j9/66ee565d1ad23e72dd9a9b31.jpg" />
<img decoding="async" src="https://ulaanbaatar.mn/files/mn/images/8t5ehwzqv7y/66ee564f1ad23e72dd9a9b30.jpg" />
<img decoding="async" src="https://ulaanbaatar.mn/files/mn/images/6n1mckahvgt/66ee562a1ad23e72dd9a9b2e.jpg" />
<img decoding="async" src="https://ulaanbaatar.mn/files/mn/images/m5pgvcpg20m/66ee561f1ad23e72dd9a9b2d.jpg" />
<img decoding="async" src="https://ulaanbaatar.mn/files/mn/images/mya8p77dsm/66ee55ea1ad23e72dd9a9b2a.jpg" />
<img decoding="async" src="https://ulaanbaatar.mn/files/mn/images/hly1n6p4bou/66ee55df1ad23e72dd9a9b29.jpg" />
<img decoding="async" src="https://ulaanbaatar.mn/files/mn/images/0y0qfm4pgtio/66ee57ad1ad23e72dd9a9b3b.jpg" />

“Автомашингүй өдөр-2024” 18:00 цаг хүртэл үргэлжилнэ DNN.mn

Нийслэлийн Онцгой байдлын газраас &#8220;Монгол-Оросын хувь нийлүүлсэн нийгэмлэг Улаанбаатар төмөр зам&#8221;-тай хамтран “Зорчигчийн галт тэрэгний цуваанд гарсан гал түймрийг унтраах тактикийн дадлага сургууль”-ийг өнөөдөр зохион байгууллаа.
Дадлага сургуулийг гал түймэр унтраах, арга зүйн тактик, онцлогийг судлах, шаардлагатай, хүн, хүч хэрэгслийг тооцох, иргэдийг гал тэрэгний цуваанаас нүүлгэн шилжүүлэх ажиллагааг түргэн шуурхай зохион байгуулах, хугацааг тогтоох, мэргэжлийн байгууллагуудын харилцан уялдааг хангах, албан хаагчдын мэдлэгийг дээшлүүлэх, байгууллагын туслах бүлгэмийн бие бүрэлдэхүүний бэлтгэл бэлэн байдлыг хангах, мэргэжлийн ур чадварыг сайжруулах зорилгоор зохион байгуулсан юм.
<img decoding="async" src="https://scontent.fuln6-2.fna.fbcdn.net/v/t39.30808-6/460493314_828399029489943_7375319754943416622_n.jpg?_nc_cat=105&amp;ccb=1-7&amp;_nc_sid=127cfc&amp;_nc_ohc=HwsYHV-yFU0Q7kNvgFK-CYG&amp;_nc_ht=scontent.fuln6-2.fna&amp;oh=00_AYB7vvQ7O9NowcsiwH-yK1UjTHSRPrBpY6QDjpuUlylpeg&amp;oe=66F3E5FF" alt="May be an image of 4 people, fire and text" />
Дадлага сургуульд НОБГ-ын Гал түймэртэй тэмцэх хэлтэс, Аврах анги, Баянгол дүүргийн Онцгой байдлын хэлтсийн Гал түймэр унтраах, аврах 18 дугаар анги, Монгол-Оросын хувь нийлүүлсэн нийгэмлэг “Улаанбаатар төмөр зам”-ын ажилчин, албан хаагчид оролцож, гал түймэр гарсан үед авах хариу арга хэмжээ, өөрийгөө болон бусдыг авран хамгаалах, аюулгүй байдлаа хангах мэдлэгээ дээшлүүллээ.

Зорчигчийн галт тэрэгний цуваанд гарсан гал түймрийг унтраах тактикийн дадлага сургууль хийлээ DNN.mn

Өнөөдөр “Автомашингүй өдөр-2024”.
Автомашингүй өдрөөр  07:00-18:00 цагийн хооронд дараах гудамж, авто замуудыг хаана. Үүнд:
<ul>
<li>Д.Сүхбаатарын гудамж,</li>
<li>Их сургуулийн гудамж,</li>
<li>Сөүлийн гудамж,</li>
<li>Партизаны гудамж,</li>
<li>Бөмбөгөр худалдааны төвийн уулзвар,</li>
<li>Төмөрчний гудамж,</li>
<li>Гэсэр сүмийн уулзвар,</li>
<li>Самбуугийн гудамж,</li>
<li>Анкарагийн гудамж,</li>
<li>Бага тойруу,</li>
<li>Бээжингийн гудамж,</li>
<li>Токиогийн гудамж,</li>
<li>Залуучуудын гудамж,</li>
<li>Зүүн дөрвөн замын уулзвараас Баруун дөрвөн замын уулзвар,</li>
<li>Чагдаржавын гудамж,</li>
<li>Элчингийн гудамж,</li>
<li>Олимпийн гудамж,</li>
<li>Гэндэнгийн гудамж,</li>
<li>Монголын хүүхдийн ордны уулзвараас Монгол шуудангийн уулзвар зэрэг байршлуудад автомашины хөдөлгөөнийг дээрх хугацаанд түр хязгаарлана.</li>
</ul>
Мөн автомашингүй өдрөөр дээрх хаасан авто замуудад цахилгаан мотоцикл, цахилгаан дугуй, цахилгаан скүүтэр, суррон зэргийг хөдөлгөөнд оролцуулахгүй.

Хайх