Хүн төвтэй үзэл санаа бүхий, нийгмийн хурдацтай хөгжлийн шаардлагад нийцсэн, иж бүрэн зохицуулалттай хууль эрх зүйн орчныг бүрдүүлэх “ГУРВАН ТӨГӨЛДӨРШИЛ”-ийн бодлогыг хэрэгжүүлж буй, анхны 126 гишүүнтэй Улсын Их Хурал 2025 оны хаврын ээлжит чуулганаар Монгол Улсын Их Хурлын тухай хуульд нэмэлт, өөрчлөлт оруулах тухай хуулийн төслийг баталсан.
Энэ хүрээнд хууль санаачлагчаас өргөн мэдүүлсэн хууль тогтоомжийн төслийг урьдчилан хэлэлцэж санал, дүгнэлт гарган нэгдсэн хуралдаанд хэлэлцүүлэх, Улсын Их Хурлын хяналтыг хэрэгжүүлэх, хуульд тусгайлан заасан асуудлаар Улсын Их Хурлын тогтоолын төсөл боловсруулах чиг үүрэгтэй ажиллах найман Байнгын хороог байгуулсан юм.
2024 оны 05 дугаар сарын 16-ны өдөр батлагдсан Монгол Улсын Их Хурлын тухай хуульд Эдийн засгийн байнгын хороо нь эдийн засгийн дотоод, гадаад бодлого; хөгжлийн бодлого, төлөвлөлтийн асуудал; төрийн мөнгөний бодлого, банк, Монголбанкны үйл ажиллагаа; даатгалын бодлого, энэ хуулийн 23.9.8-д зааснаас бусад үнэт цаасны тухай асуудал; төрийн өмчийн удирдлага, зохицуулалт, хувьчлалын бодлого; гадаадын хөрөнгө оруулалтын нэгдсэн бодлого; ашигт малтмалын суурь судалгаа, эрэл хайгуул, ашиглалтын бодлого; газрын тос, байгалийн хийн асуудал; үйлчилгээ, хөрөнгө оруулалтыг дэмжих бодлого; шударга бус өрсөлдөөнийг хязгаарлах бодлого; төрөөс аж ахуй эрхлэлтийг дэмжих бодлого; стандартчилал, хэмжил зүй, чанарын баталгаажуулалт; албан ёсны статистикийн үйл ажиллагааны зохицуулалт; барилга, хот байгуулалт; түлш, эрчим хүч; зам тээвэр, шуудан; орон сууц, нийтийн аж ахуй; аялал жуулчлалын хөгжлийн стратеги; аялал жуулчлалын дэд бүтцийн хөгжил; газрын эдийн засгийн үр ашгийн бодлогын асуудлыг эрхэлнэ хэмээн тусгасан.
2025 оны 07 дугаар сарын 09-ний өдөр батлагдсан Монгол Улсын Их Хурлын тухай хуульд нэмэлт, өөрчлөлт оруулах тухай хуулиар Аж үйлдвэржилтийн бодлогын, Инновац, цахим бодлогын байнгын хорооны эрхлэх асуудлыг Эдийн засгийн байнгын хорооны эрхлэх асуудалд тусгав. Мөн жижиг, дунд үйлдвэрлэлийг дэмжих, хөгжүүлэх бодлого; хөнгөн үйлдвэрлэлийг дэмжих, хөгжүүлэх бодлого; хүнд үйлдвэрлэлийг дэмжих, хөгжүүлэх бодлого; цахим засаглалын бодлого, үйл ажиллагаа; мэдээллийн технологийн хөгжил; харилцаа холбооны бодлого, үйл ажиллагаа; дижитал шилжилт, техник, технологийн шинэчлэл; өндөр технологи, үндэсний инновацын бодлого; инновацыг үйлдвэрлэл, үйлчилгээнд нэвтрүүлж эдийн засгийн үр ашгийг нэмэгдүүлэх, хувийн хэвшлийн оролцоог дэмжих бодлого; инновацын дэд бүтэц, үйл ажиллагааны чиглэлийг хөгжүүлэх бодлогын асуудлыг эрхлэхээр хуульд нэмж тусгасан байна.
Монгол Улсын Их Хурлын тухай хуульд нэмэлт, өөрчлөлт оруулах тухай хуулиар Байнгын хороо 32 хүртэл гишүүний бүрэлдэхүүнтэй байхаар заасан бөгөөд Эдийн засгийн байнгын хороо 32 гишүүний бүрэлдэхүүнтэй ажиллах юм.
Байнгын хорооны харьяанд түүний эрхлэх асуудлын тодорхой хэсгийг дагнан хариуцах үүрэг бүхий дэд хороо байгуулж болох бөгөөд Эдийн засгийн байнгын хорооны харьяанд дөрвөн дэд хороо ажиллана. Тодруулбал, аялал жуулчлалыг хөгжүүлэх бодлогын асуудлыг Аялал жуулчлалын хөгжлийн дэд хороо; жижиг, дунд үйлдвэрлэлийг дэмжих, хөгжүүлэх бодлогын асуудлыг Жижиг, дунд үйлдвэрлэлийн хөгжлийн дэд хороо дагнан хариуцах юм. Өндөр технологи, үндэсний инновацыг дэмжих, хөгжүүлэх, үйлдвэрлэл, үйлчилгээнд нэвтрүүлэх, цахим хөгжлийн бодлогын асуудлыг Инновац, цахим бодлогын хөгжлийн дэд хороо; Монгол Улсын тогтвортой хөгжлийн зорилгуудыг хууль тогтоомж болон хөгжлийн бодлого, төлөвлөлтийн баримт бичигт тусгах, хэрэгжилтэд хяналт тавих асуудлыг Тогтвортой хөгжлийн зорилгын дэд хороо дагнан хариуцна.
Дэд хороо нь эрхлэх асуудлынхаа хүрээнд судалгаа хийх, холбогдох мэдээлэл авах, зохих албан тушаалтан, иргэн, байгууллагаас тайлбар авах, ажлын хэсэг байгуулах, Улсын Их Хурлын бусад шийдвэрийн төсөл боловсруулах, санал, дүгнэлт гаргаж, түүнийгээ харьяалагдах Байнгын хороонд, шаардлагатай бол Байнгын хороогоор уламжлан нэгдсэн хуралдаанаар хэлэлцүүлэх, эрхэлсэн асуудлаараа тогтоол гаргах эрхтэй хэмээн Улсын Их Хурлын Хэвлэл мэдээллийн газраас мэдээлэв.

Эдийн засгийн байнгын хорооны харьяанд дөрвөн дэд хороо байгууллаа

Энэ онд нийслэлийн боловсролын салбарт барилга байгууламжийн 139 төсөл, арга  хэмжээ хэрэгжиж байна. 2025-2026 оны хичээлийн шинэ жилтэй холбогдуулан урьдчилсан байдлаар нийт 14 мянган хүүхдийн суудалтай 20 гаруй сургууль, 7500 ортой 40 гаруй цэцэрлэг, 3640 хүүхдийн багтаамжтай 10 гаруй бага сургууль, цэцэрлэгийн цогцолборыг барихаар төлөвлөсөн. Өнгөрсөн долоодугаар сарын байдлаар 4 сургууль, 6 цэцэрлэг, 4 бага сургууль, цэцэрлэгийн цогцолбор, 1 спорт заал, нийт 15 барилга, байгууламжийг ашиглалтад хүлээлгэн өгсөн. Үлдсэн сургууль, цэцэрлэгийн цогцолбор барилгуудыг барих болон улсын комисст хүлээлгэн өгөх, мэдээлэл нэгтгэх ажил үргэлжилж байна. Энэ жил сургууль, цэцэрлэгийг барихдаа газар чөлөөлөлт хийсэн байршлууд цөөнгүй байгааг мөн холбогдох албаныхан онцлов.
Нийслэлийн боловсролын салбарт сүүлийн 4 жилд буюу 2020-2024 онд 114 цэцэрлэгийн барилга ашиглалтад орж, хүүхдийн хүчин чадал 18,850-аар нэмэгджээ. Мөн тухайн жилүүдэд 45 сургуулийн барилга ашиглалтад орж, хүүхдийн хүчин чадал 27658-аар нэмэгдэж, 8 бага сургууль, цэцэрлэгийн цогцолборын барилга ашиглалтад орж, хүүхдийн хүчин чадал 2,240-өөр нэмэгдсэн байна. Нийслэлийн Засаг дарга бөгөөд Улаанбаатар хотын Захирагчийн 2024-2028 онд хэрэгжүүлэх үйл ажиллагааны хөтөлбөрт тусгасан “Хот төлөвлөлт, хүн амын өсөлттэй уялдуулан нийгмийн суурь үйлчилгээний чанар, хүртээмжийг нэмэгдүүлэх” чиглэлд анхаарч, сургууль, цэцэрлэг, эмнэлгийн үйлчилгээний хүртээмжийг нэмэгдүүлэхээр үе шаттай ажлууд хийж байгаа билээ.

Нийслэлд 4 сургууль, 6 цэцэрлэг, 4 бага сургууль, цэцэрлэгийн цогцолбор, 1 спорт заалыг ашиглалтад орууллаа

БНХАУ-ын Эрээнхот боомт 2025 оны наймдугаар сарын 1-нээс есдүгээр сарын 30-ныг дуустал ачаа тээврийн нэвтрэх цагийн хуваариа өдөр бүр 08:00–22:00 цаг хүртэл сунган ажиллуулахаар болжээ.
Энэ нь зуны улирлын тээвэрлэлтийн оргил үеийг оновчтой зохион байгуулах, хилээр нэвтрэх чадамжийг нэмэгдүүлэх зорилготой бөгөөд ингэснээр өдөр тутмын тээвэрлэлтийн хүчин чадал 25 хувиар өсөх боломжтой болж байна.
Хамгийн сүүлд, 2025 оны долоодугаар сарын 31-ний байдлаар Эрээн боомтын хилийн шалган нэвтрүүлэх газраар 1 сая 605 мянган зорчигч, 427 мянган тээврийн хэрэгсэл нэвтэрчээ.
Энэ нь өнгөрсөн оны мөн үетэй харьцуулахад ойролцоогоор 20 хувиар өссөн үзүүлэлт юм.

Эрээнхот боомтын ажиллах цагийг 4 цагаар сунгажээ

<div class="xdj266r x14z9mp xat24cr x1lziwak x1vvkbs x126k92a">
Ерөнхий боловсролын сургуулийн 2025-2026 оны хичээлийн жилийн бүтэц, Бие даалтын 7 хоног, цахим сургалтын 7 хоног, улирлын амралтын хуваарь гарчээ
Боловсролын сайдын 2025 оны 02 дугаар сарын 27-ны өдрийн “Хичээлийн жилийн бүтэц шинэчлэн батлах тухай” А/95 дугаар тушаалаар 2025-2026 оны нийслэл болон аймаг, сумын ерөнхий боловсролын сургуулийн хичээлийн жилийн бүтэц батлагдсан бөгөөд 2025-2026 оны хичээлийн жилд I-V анги 34 долоо хоног, VI-IX анги 35 долоо хоног, X-XII анги 36 долоо хоног тус тус хичээллэнэ.
<img decoding="async" src="https://scontent.fuln2-2.fna.fbcdn.net/v/t39.30808-6/528726244_1151231600375356_1454346131437599105_n.jpg?_nc_cat=106&amp;cb=99be929b-ca288af0&amp;ccb=1-7&amp;_nc_sid=127cfc&amp;_nc_ohc=_vD0LwUU1g8Q7kNvwFzFXCL&amp;_nc_oc=AdmvnPrNR_c6c-hLd8Xul585Ukw5kEQa-VK2_4RHCeLviDClsJ5s6f5xc4yzQ629thQ&amp;_nc_zt=23&amp;_nc_ht=scontent.fuln2-2.fna&amp;_nc_gid=kTHYuUrhF4uNE9yy_0ZBCQ&amp;oh=00_AfXlxcuZEC0U-j6990CJDiN9_WnuVCWG6Ow-8hiANavJCg&amp;oe=68962EFE" alt="May be a graphic of blueprint and text" />
</div>

<div dir="auto">Та бүхэн хичээлийн жилийн бүтэц баталсан тушаалтай доорх холбоосоор орж танилцаарай.</div>
<div class="x14z9mp xat24cr x1lziwak x1vvkbs xtlvy1s x126k92a">
<a class="x1i10hfl xjbqb8w x1ejq31n x18oe1m7 x1sy0etr xstzfhl x972fbf x10w94by x1qhh985 x14e42zd x9f619 x1ypdohk xt0psk2 xe8uvvx xdj266r x14z9mp xat24cr x1lziwak xexx8yu xyri2b x18d9i69 x1c1uobl x16tdsg8 x1hl2dhg xggy1nq x1a2a7pz xkrqix3 x1sur9pj x1fey0fg x1s688f" tabindex="0" role="link" href="https://l.facebook.com/l.php?u=https%3A%2F%2Fdrive.google.com%2Ffile%2Fd%2F1aXh3L2XZDHUdjE8lIQKSQQVzncFiFiJL%2Fview%3Fusp%3Dsharing%26fbclid%3DIwZXh0bgNhZW0CMTAAYnJpZBExMWxocWJuQ0tBOFpCbW52cQEeOYwVpRqlDN4Zcvru_tRNWj-PRz-FesB_raNdV6vZLDY2zfzgu_K0fiYnXMk_aem_DHdY3Zuicy_PGUrCtrZV6A&amp;h=AT33Zg68Aj74b0Yq-RD_iEQJJltrj4iuyNFGPymA_RJXnzTjyQKV2V2yd5Qj53MZKu63cCdYGSfpejx_X3WMfHPK7f2p3Lo4uoh_2MR7aMKo9to-_R5l4wLmdMYv4GLhlv4432b755VElTZI&amp;__tn__=-UK-R&amp;c[0]=AT2IojY1pj0ftU7ohUh1aN1xTfdmSpC_rvHiqZmCuLtxBApHMRUJjZEbwuFV0pztjCOMs9uQOqx1G0v697KMIWXnZ2c42Lj237uPKUt2KARnq9EHfgylFFJDTOitiMThn-I0Kh5IS1NLTb10m43yAamLggvEii1tKHSvXodRYEFjBqK3pUwBzJopDPZ2ZMgDsGtKUYkVKZzckLbxbe3c8txlOw" target="_blank" rel="nofollow noopener noreferrer">https://drive.google.com/&#8230;/1aXh3L2XZDHUdjE8lIQK&#8230;/view&#8230;</a>
</div>

ЕБС-ийн 2025-2026 оны хичээлийн жилийн бүтэц, бие даалтын 7 хоног, улирлын амралтын хуваарь гарчээ

Авлигатай тэмцэх газрын Мөрдөн шалгах хэлтэс 2025 оны 7 дугаар сарын 28-наас 8 дугаар сарын 3-ны өдрүүдэд гэмт хэргийн шинжтэй 57 гомдол, мэдээллийг шалгав.
Үүнээс 9 гомдол, мэдээлэлд хэрэг бүртгэлтийн хэрэг нээх, 3 гомдол, мэдээлэлд хэрэг бүртгэлтийн хэрэг нээхээс татгалзах, 1 гомдол мэдээллийг харьяаллын дагуу шилжүүлэх саналтайгаар прокурорт шилжүүлсэн бөгөөд одоогоор 44 гомдол, мэдээллийг хянан шалгаж байна.
Түүнчлэн эрүүгийн 930 хэрэгт мөрдөн байцаалтын ажиллагаа явуулснаас 3 хэргийг шүүхэд шилжүүлэх, 10 хэргийг хаах саналтай прокурорт хүргүүлж, 2 хэргийг нэгтгэн шалгаж байна. Мөрдөн шалгах ажиллагаанд одоогоор 915 хэрэг шалгагдаж байна гэж Авлигатай тэмцэх газраас мэдээллээ.

АТГ: Гэмт хэргийн шинжтэй 57 гомдол, мэдээллийг шалгав

Улсын их хурлын гишүүн Г.Лувсанжамцтай ярилцлаа.
<hr />
-УИХ-ын чуулган амарсан энэ цаг үед Та ямар ажил дээр төвлөрч байна вэ?
-Хоёр гурван ажил байна. Нэгдүгээрт, хаврын чуулганаар бид утааны асуудлыг хэрхэн шийдэх талаар Ажлын хэсэг байгуулаад ногоон санхүүжилтын тогтолцоог утааны асуудал, орон сууцыг шийдэх тал руу хандуулах 85 дугаар тогтоолын төсөл батлагдсан. Уг тогтоолын төсөлд орон даяар хэрэгжүүлэх дулаалгын хөтөлбөр тусгагдсан. Өмнө нь бид дандаа түлш, зуух гэсэн хэрэглээн дээр татаас олгож байсан. Тиймээс одоо дулаалга руу чиглүүлснээр агаарын бохирдлыг бодитойгоор бууруулах боломжтой болно гэж үзэж байгаа юм. Энэ бодлогын хүрээнд 2028 он хүртэл Улаанбаатар хотын агаарын бохирдол 50 хувиар, 2032 он гэхэд орон даяар утаагүй болно гэсэн хөтөлбөр боловсруулах үүргийг Засгийн газарт өгсөн. Мэргэжлийн хүний хувьд Ажлын алба, сайн дурын залуус, агаарын бохирдолтой тэмцдэг хүмүүстэй хамтран ийм төлөвлөгөө боловсруул гэсэн үндсэн арга зүйг нь гаргаад Байгаль орчин, уур амьсгалын өөрчлөлтын болон Хот байгуулалт, барилга, орон сууцжуулалтын яамдад өгч, дэмжих талаар ажиллаж байна. Хоёрдугаарт, үр дүнд суурилсан засаглалыг бий болгох ёстой гэдэг үүднээс өнгөрсөн нэг жилийн хугацаанд чуулганы хуралдаан дээр төсвийн хууль, жилийн төлөвлөгөө хэлэлцэж байхад дандаа хэлж байсан. Үүнийхээ хүрээнд 185 дугаар тогтоолоор Ажлын хэсэг байгуулаад, Засгийн газар болон УИХ-ын Тамгын газар, Үнэлгээний мэргэжлийн холбоо зэрэг мэргэжлийн байгууллагуудтай хамтран дэд ажлын хэсгүүдийнхээ ажлуудыг явуулж байна. Цаашдаа бид төлөвлөлт, төсөвлөлт, хяналт үнэлгээ гэсэн гурван зүйл багцаараа явдаг байя. Сүүлийн 30 гаруй жил ийм зүйл байгаагүйн улмаас төсвийн хөрөнгө оруулалт тарамдаад, зөвхөн үрж дууссан мөнгөө тайлагнадаг, үр дүнг тайлагнаж чадахгүй байгаа тогтолцооны гажуудлыг засах ажлыг яаралтай хийх ёстой учраас энэ талын ажлаа хйигээд явж байна. Гуравдугаарт, Улаанбаатар хотын түгжрэл, ирэх жилийг боловсролын жил болгон зарласантай холбогдуулан хаана сургууль, цэцэрлэг барих вэ гэсэн асуудлууд дээр анхааран нийслэлтэй илүү нягт уялдаатай ажиллаж байна. Ялангуяа “Хөгжлийн ерөнхий төлөвлөгөө-2040”-ийг өргөн барьсан байгаа боловч энэ маань “Боловсролын жил”-тэйгээ төдийлөн сайн уялдаж чадаагүй байна. Түгжрэлийг шийдэхийн тулд нийтийн тээврийг сайжруулах хэрэгтэй. Явган болон дугуйн замын ажлыг хийх зэрэг ажлуудыг төлөвлөгөөнд тусгуулаад явж байна.
-Хаврын чуулганаар Засгийн газар солигдсон. Үүн дээр Та ямар байр суурьтай байгаа вэ? 
-Засгийн газар солигдсон нь нийт УИХ-ын гишүүд болон жагсаал цуглаан зохион байгуулж байсан хүмүүсийн хүсэл зорилгоор болсон зүйл учраас үүн дээр миний байр суурь нэг их чухал биш. Нэгэнт гарсан шийдвэр. Харин өмнөх Ерөнхий сайдтай утааны асуудлыг шийдэхийн хүрээнд нэлээд ойлголцолд хүрээд энэ жилдээ Улаанбаатар хотын 50 орчим мянган өрхийн дулаалгыг хэрэгжүүлье гээд төлөвлөж байсан боловч төсвийн тодотгол ороод энэ ажлын маань цар хүрээ их жижигхэн болсон. Тиймээс байгаа төсвийнхөө хэмжээнд энэ жилдээ 5000 орчим айлын дулаалгыг хийж үзэхээр зорьж байна. Харин шинэ Ерөнхий сайдтай айл өрхүүдийн дулаалгын асуудлаар уулзах хүсэлтээ өгчихсөн байгаа. Одоогийн байдлаар уулзалт товлоогүй байна.
-Улсын төсөвт тодотгол хийсэн. Тэгэхээр алдаатай төсөв баталсан гэсэн үг үү. Үүнтэй санал нийлэх үү?
-Алдаатай төсөв баталсан гэдэг дээр би 100 хувь санал нийлэхгүй байна. Төсвийг баталж байхад төсвийн орлогын төсөөлөл ондоо байсан. Гэтэл он гарсаар эхний зургаан сарын байдлаар нүүрсний үнэ жишээ нь 40 гаруй хувиар уначихаад байна. Тиймээс энэ мэт нөхцөл байдалдаа тааруулан төсвийн тодотгол хийсэн нь зөв. Угаасаа төсөв, төлөвлөгөө гэдэг ажлыг шинэчлэх нь буруу зүйл биш. Тухайн цаг үедээ нийцсэн засварыг оруулаад аль болох үр дүнтэй төлөвлөгөө, төсвийг батлаад явах нь УИХ-ын үүрэг. Засгийн газар ч өөрсдийнхөө үүргийн хүрээнд боловсруулсан төсөөлөл байсан. Гэхдээ тэр нь зөрсөн асуудал байгаа. Төсвийг тодотгохыг муу зүйл гэж үзээд байх шиг байна. Нөхцөл байдалдаа тааруулаад, “Хөнжлийнхөө хэрээр хөлөө жий”-гээд тодотгож, өөрчилж болно. Харин нэг дутагдалтай зүйл байгаа. Төсвийн төсөөлөл, төсвийн орлогоо илүү боловсронгуй, бодитоор харж чаддаг болох ёстой.
-Энэ намар манай улсын эдийн засаг саармагжилттай байна гээд байгаа. Тийм болохоор одоо намрын чуулганаар батлах ирэх оны төсөв дээр юун дээр илүү анхаарах ёстой гэж үзэж байгаа вэ?
-Түрүүн хэлсэн, дулаалгын бодлогыг үндэсний хэмжээнд орон даяар хэрэгжүүлэх хэрэгтэй байна. Үргүй зарцуулалт буюу шатдаг материал дээр татаас олгоод байгааг цаашдаа багасгаж явах ёстой. Ийм байдлаар бодлогын өөрчлөлт хийх ёстой гэдгийг холбогдох яамдтай ярилцаж байгаа. Мөн манай улсын төлөвлөгөө болон төсөвлөлт хоорондоо уялдаагүй яваад байгааг засах хэрэгтэй.
-Гишүүдэд 15 тэрбум төгрөг тараасан гэдэг асуудал яригдсан, үнэн үү. Энэ нь хэр оновчтой шийдэл вэ?
-Гишүүдэд 15 тэрбум төгрөг тараасан зүйл байхгүй гэдгийг тодотгож хэлмээр байна. Харин ирэх 2028 он хүртэл тав, таван тэрбумаар тойргоос сонгогдсон гишүүд тойрогтоо өөрийн санаачилсан төсөл, арга хэмжээгээ 2026 оны төсөв дээр саналаа өгөөрэй гэсэн мэдээлэл ирсэн. Гэвч би үүнийг брууу гэж үзэж байгаа. Тухайн үед нь байр сууриа ч илэрхийлсэн. Х.Баасанжаргал гишүүнтэй санал нэг, М.Нарантуяа-Нара гишүүнийг дэмжиж байгаад талархаж байгаа. Асуудал нь хаана байна гэхээр төлөвлөгөөнд ороогүй зүйлийг төсөв дээр суулгах гэж оруулж ирж байгаа нь буруу. Дараалал нь буруу болчихоод байгаа юм. Хэрвээ 2026 оны төсөв дээр ямар нэгэн төсөл, арга хэмжээ тусгамаар байсан бол хаврын чуулганаар баталсан 2026 оны төлөвлөгөөн дээр тусгуулах ёстой байсан. Төлөвлөгөөн дээр оруулаагүй зүйлийг л оруулах орон зайг Засгийн газар гаргаж өгөх гээд байгаа нь буруу. Төлөвлөж байгаад дараа нь төсөвлөдөг байх ёстой. Тэгж байж бид зөв дараалалдаа орно.
-Инженер хүний хувьд нийслэлд хэрэгжүүлж байгаа том төслүүдээс алийг нь илүү ашигтай гэж үзэж, дэмжиж байгаа вэ?
-УИХ-ын гишүүн биш инженер хүний хувьд Туулын хурдны зам, Метроны төслийг дэмжиж байгаа. Эдгээр төслүүд нь нийслэлийн түгжрэлийг бууруулахад онцгой ач холбогдолтой. Зайлшгүй хэрэгжүүлэх ёстой. Метроны төслийг анх 2013 онд урьдчилсан ТЭЗҮ-г нь хийж байсан. Гэтэл одоо л хөдлөх гэж байна. Удсан ч гэсэн үүнийг хэрэгжүүлж чадахгүй бол бид оройтно. Тэр үед нь хийчихсэн байсан бол бид өнөөдөр өөр зүйл яриад сууж байх байсан. Туулын хурдны зам ч гэсэн миний авсан мэдээллээр 2011 онд урьдчилсан ТЭЗҮ-г нь боловсруулж байсан юм билээ. Бид ингэж хугацаа алдсаар байгаад түгжрэлд жилдээ 200-300 тэрбум төгрөгийн эдийн засгийн хохирол амсаж байна.
-Эрчим хүчний салбар, энэ талын төсөл хөтөлбөрүүүд дээр Та юу хэлэх вэ? 
-Томоохон төслүүдээ бид хэрэгжүүлээд явах ёстой. Гэтэл аливаа том төсөл хэрэгжих болоод ирэхээр дандаа хэрүүл болоод байдаг нь манай нийгэм, эдийн засагт хортой байна. Цаашдаа бид ажлын байрыг нэмэгдүүлж, иргэдийн орлогыг дэмжье гэж байгаа бол эрчим хүчний нийлүүлэлтээ ихэсгэх ёстой. Гаднаас хараат байдлаасаа гарах хэрэгтэй. Дээрээс нь нэмээд өвлийн ачаалалтай үед гаднаас авч байгаа эрчим хүчийг орлох төслүүдээ хэрэгжүүлмээр байна. Тийм ч болохоор Засгийн газар, нийслэлээс хэрэгжүүлж байгаа энэ талын төсөл хөтөлбөрүүдийг дэмжиж байгаа. Харин амжилттай хэрэгжүүлэх үгүйг тухайн ажлыг хариуцаж байгаа сайд, дарга нар л шийднэ. Эрчим хүчний реформын хүрээнд бид цахилгааны үнийг нэмсэн. Үнэ нэмсэн юм бол эх үүсвэр тал дээр нь ямар арга хэмжээ авч байгаа юм. Ялангуяа хувийн хэвшлүүдийн оролцоог хэрхэн хангаж байгаа юм гэдгээ тодорхой хэлэх хэрэгтэй. Хаврын чуулган хаахтай зэрэгцээд Эрчим хүчний тухай хууль яаралтай горимоор орж ирсэн. Ийм асуудлыг яаралтай горимоор шийддэг юм биш. Сайн ярилцах ёстой. Эрчим хүчний зохицуулах хорооноос улсын эрчим хүчний стратеги төлөвлөгөөг авъя гэж өнгөрсөн намрын чуулганаас хойш нэхэж байна. Боловсруулж байгаа гэсэн боловч одоог хүртэл өгөөгүй. Стартеги төлөвлөгөөгөө гаргаад тодорхой байдлыг бий болгох ёстой. Төрийн хамгийн том үүрэг бол тодорхой байдал. Гэвч ямарч тодорхойгүй байж ийм төсөл хэрэгжүүлмээр байна, хууль баталж өг, өвөл хөлдлөө гээд айдас төрүүлсэн, хүмүүсийг төөрөгдүүлсэн, тодорхойгүй байдлыг үүсгэж байгаа гүйцэтгэх засаглал байж болохгүй. Өнөөдөр Монгол Улсад эрчим хүчний төслүүдийг хэрэгжүүлэх боломжтой аж ахуйн нэгжүүд байгаа. Тэдгээрийгээ дэмжиж ажиллах ёстой. Тэгэхгүй шууд муйхарлаж, яаралтай нэрийн дор дутуу дулимаг ажил хийдэг тогтолцоогоо бид засах ёстой. Бид сүүлийн 30 жилд гал гарангуут нь унтрааж ажиллаад байна. Гал гарахгүй нөхцөл байдлыг бий болгох нь гүйцэтгэх засаглалын үүрэг. Энэ тал руу л чиглэх хэрэгтэй.
-Энэ намрын чуулганаар ямар хуулийн төсөл дээр анхаарч ажиллахаар бэлдэж байна вэ?
-Дээр хэлсэн Үр дүнд суурилсан засаглалыг бий болгох ажлыг манлайлаад явж байна. Хоёрдугаарт, Барилгын тухай хууль, Хот байгуулалтын тухай хуулийн шинэчилсэн найруулгын төсөл дээр ажиллаад, УИХ-д өргөн барьсных нь дараа хуулийг нь илүү сайжруулж, олон улсын жишигт нийцсэн буюу хүн төвтэй болгомоор байна. Энэ ажлыг хийх ёстой. Чуулган хэдий завсарласан ч гэсэн хуулийн төслүүдтэй танилаад явж байна. Харин хувь гишүүний хувьд Хот төлөвлөлтийн тухай хуулийг санаачилан өргөн барихаар төлөвлөж байгаа. Өнгөрсөн нэг жилийн хугацаанд “20 минутын хот”-ын үзэл баримтлалыг боловсруулаад дууссан. Удахгүй Засгийн газраас өргөн барих байх. Үүн дээрээ суурилаад Хот төлөвлөлтийн тухай хуулийг санаачилна.

Г.Лувсанжамц: Айдас төрүүлсэн, хүмүүсийг төөрөгдүүлсэн, тодорхойгүй байдлыг үүсгэсэн гүйцэтгэх засаглал байж болохгүй

СЕХ: 2026 оны төсвийн төсөлд санал авах олон нийтийн хэлэлцүүлэг зохион байгууллаа

Цаг уурын байгууллагаас гаргасан бэлчээрийн ургамлын ургалтын байдал долоодугаар сарын 30-ны байдлаар нийт нутгийн 38 хувьд гантай болон гандуу, 62 хувьд хэвийн байна.
Тухайлбал: Баян-Өлгий, Увс, Сэлэнгийн зарим нутгаар, Ховд, Завхан, Өвөрхангай, Дархан-Уул, Төвийн ганц нэг сумын нутгаар муу, Архангай, Говьсүмбэр Дорнод, Сүхбаатарын нийт, Говь-Алтай, Хөвсгөл, Дорноговийн ихэнх, Баянхонгор, Булган, Өвөрхангай, Төв, Өмнөговь зарим, Баян-Өлгий, Увс, Ховд, Завхан, Булган, Сэлэнгэ, Дундговь, Хэнтийн цөөн сумдын нутгаар хэвийн, бусад нутгаар дунд байна. Салхины хурд тал хээр болон говийн нутгаар түр зуур 16-27 м/с буюу аюултай үзэгдлийн, Төв аймгийн Лүн, Дорноговь аймгийн УлаанУул, Сүхбаатар аймгийн Халзанд 28-33 м/с буюу онц аюултай үзэгдлийн хэмжээнд хүрч салхилсан байна. Өнгөрсөн арав хоногт агаарын температур нийт нутгаар дунджийн орчим буюу түүнээс 1.1-6.6 градусаар дулаан, хур тунадас нийт нутгийн 80 гаруй хувьд дунджийн орчим буюу түүнээс ахиу, Ховдын ихэнх Баян-Өлгий, Өмнөговийн зарим Увс, Завхан, Баянхонгор, Өвөрхангай, Дорноговийн цөөн сумдын нутгаар дунджаас бага орсон байна.
<figure class="wp-block-image"><img decoding="async" src="https://mgl.gogo.mn/newsn/images/ck/2025/08/03/image-1754110269643-100257-1895787016.jpeg" alt="" /></figure>

Хайх